Levithikusi 5:11 - Siswati 1996 Bible

¹¹ “ ‘Nangabe lomuntfu angeke akhone kukhokha ematuba lamabili nome emazini lamabili elivukutfu, kufanele aletse imphuphu lengaba yikhilogremu kutsi itewuba ngumnikelo wesono. Kufanele angayifaki emafutsa emncumo nome imphepho, ngobe ingumnikelo wesono.

Levithikusi 5:11 Referencias Cruzadas

Eksodusi 16:18

Batsi nase bakukala ngesikali lesingemalitha labengaba mabili, bakhandza kutsi lobekabutse kakhudlwana akasalelwanga lutfo, nalobekabutse kancane akazange eswele. Ngulowo nalowo bekabutse loko bekakudzinga.

Eksodusi 16:36

Lesilinganiso lesasisemtsetfweni sasingemalitha labengaba ngema-20.

Levithikusi 1:14

“Nangabe umuntfu anikela ngetinyoni kutsi tibe ngumhlatjelo wekushiswa, kufanele kube lituba nome lizini lelivukutfu.

Levithikusi 12:8

“ ‘Nangabe ehluleka kutfola lizinyane lemvu, kufanele aletse emavukutfu lamabili nome ematuba lamabili lasemancane, lelinye libe lemnikelo wekushiswa, lelinye libe lemnikelo wesono. Umphristi utawumentela inhlawulo yekubuyisana kuSimakadze, utawube sewuyahlambuluka.’ ”

Levithikusi 14:21

“Kodvwa, nangabe angeke akhone ngobe aphuyile, kufanele atsatse lizinyane lelidvuna litewuba ngumnikelo welicala litewujikitiswa, khona litewuba yinhlawulo yekubuyisana kwakhe naSimakadze, aletse nemphuphu lengaba ngemalitha lamabili lebhicwe nemafutsa kube ngumnikelo walokutinhlavu kanye nemafutsa langaba yincenye yelitha,

Levithikusi 27:8

“ ‘Nangabe lomuntfu amphofu kakhulu angakhoni kukhokha lenhlawulo loyibitako, lomuntfu kufanele aletse umuntfu kumphristi lotawubala inhlawulo yakhe lengakhonwa ngulowo muntfu.

Levithikusi 5:12

Uyayiletsa kumphristi, loyawufike acaphune libinta lesandla kube sikhumbuto, bese uwushisela elatini etikweminikelo yemlilo leyetfulwe kuSimakadze; lowo-ke ngumnikelo wesono.

Levithikusi 5:6

Inhlawulo yaso kufanele kube lizinyane lelisikati, lemvu nome lembuti, kube ngumhlatjelo wesono kuSimakadze. Umphristi utamentela inhlawulo yekubuyisana kuSimakadze ngesono sakhe.

Levithikusi 5:9

bese ufafata lengati yalo emhlubulweni welilati. Incenye yalengati kufanele iphomphiselwe esisekelweni selilati. Lona-ke ngumnikelo wesono.

Levithikusi 6:20

“Lena ngiminikelo leyawuletfwa ngu-Aroni nemadvodzana akhe kuSimakadze ngelilanga lekugcotjwa kwabo: ngufulaha lonesisindvo losingaba yikhilogremu yinye, lokusilinganiso semnikelo walokutinhlavu wemalanga onkhe, incenye ibe yasekuseni, nalenye incenye ibe yasentsambama.

Numeri 5:15

lendvodza kufanele itsatse umkayo iye naye kumphristi. Kufanele iphatsele lomfati wayo umnikelo loyimphuphu yebhali lengemalitha langaba mabili. Kufanele ingawatseli emafutsa etikwayo nome ingayifaki nemphepho etikwayo, ngobe phela loko kungumnikelo walokutinhlavu lonikelelwa sikhwele. Lomnikelo wentelwe kutsi liciniso liphumele ebaleni.

Numeri 7:13

Umnikelo wakhe kwakulipulede lesiliva lelalinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni, kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

Lukha 2:24

banikele nangemnikelo njengekusho kwemtsetfo weNkhosi lotsi: “Ematuba lamabili nome emavukutfu lamabili lasemancane.”

2 kubaseKorinthe 5:21

Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.

KumaHebheru 9:22

Empeleni, ngekwemtsetfo cishe konkhe kuhlanjululwa ngengati; ngaphandle kwekucitfwa kwengati kute kutsetselelwa kwetono.