Levithikusi 5:1 - Siswati 1996 Bible

¹ “ ‘Nangabe umuntfu onile ngekutsi atsi afunwa ngumtsetfo kutsi atewufakaza ecaleni, kepha angabe asafakaza ngaloko lakubonile nome lakuvile, kufanele ajeziselwe lelo cala lakhe.

Levithikusi 5:1 Referencias Cruzadas

1 Emakhosi 22:16

Inkhosi Ahabi yatsi kuye: “Ngitakutjela kangaki kutsi ungangitjeli lutfo lolunye ngaphandle kweliciniso egameni laSimakadze?”

1 Emakhosi 8:31

“Nangabe umuntfu ona makhelwane wakhe, bese kufuneka nekutsi ente sifungo, ete atewufunga embikwelilati lakho kulelithempeli,

2 Tikhronike 18:15

Inkhosi Ahabi yatsi kuye: “Ngitakutjela kangaki kutsi ungangitjeli lutfo lolunye ngaphandle kweliciniso egameni laSimakadze?”

Tihlabelelo 38:4

Tono tami tingigabhile, ngisesiswa ngumtfwalo wato losindzako.

Eksodusi 22:11

lowo muntfu kufanele aye embikwaSimakadze afunge kutsi lesifuyo asikebiwa nguye. Nangabe lesifuyo akasebi, lomnikati kufanele alale ngelinceba, lomlahlekelwa angakhishiswa lutfo.

Taga 29:24

Umngani welisela usitsa sakhe cobo lwakhe. Umehluleli uyakumjezisa nakakhuluma liciniso, kantsi Nkulunkulu uyakumcalekisa nakangalikhulumi.

Taga 30:9

Nangingaba nako kube kunyenti, ngingahle ngicabange kutsi wena angisakudzingi, ngidzimate ngitsi: “Ngubani yena loSimakadze?” Nome-ke nangingaba luphuya, ngingahle ngebe, ngaloko ngihlazise Nkulunkulu wami.

Isaya 53:11

Emvakwekuhlupheka kwemphefumulo wayo iyawukubona kukhanya kwekuphila, yeneliswe, ngelwati lwayo inceku yami lelungile iyakwenta labanyenti bemukeleke kuNkulunkulu kutsi balungile, njengobe yetfwele tiphambuko tabo.

Jeremiya 23:10

Live ligcwele tiphingi; ngenca yesicalekiso live ligagadzekile, nemadlelo asehlane asahangukile. Baphrofethi balandzela bubi, basebentise ligunya labo ngalokungekho emtsetfweni.

Hezekeli 18:20

Umuntfu lowonako nguye loyakufa. Indvodzana ngeke iletfwale licala leyise, futsi neyise ngeke aletfwale licala lendvodzana. Kulunga kwalolungile kuyawukhokhelwa ngalokuhle kuye, nebubi balomubi buyawubitwa kuye.

Hezekeli 18:4

Ngobe wonkhe umuntfu lophefumulako, wami, uyise kanye nemsa wakhe, bonkhe ngalokufananako, bami. Umuntfu lowonako nguye loyakufa.

Levithikusi 17:16

Kodvwa nangabe akatigezi timphahla takhe nemtimba wakhe ngemanti utawuba nelicala.’ ”

Levithikusi 19:8

Wonkhe lokudlako uyawuba nelicala, ngobe uhlambalate lokungcwele lokukwaSimakadze. Lowo muntfu kufanele ancunywe esiveni sakubo.

Levithikusi 20:17

“ ‘Nangabe indvodza ishada nadzadzewabo, ngeyise nome ngenina, balalane, loko kulihlazo. Kufanele bancunywe emehlweni ebantfu bakubo. Seyihlazise dzadzewabo, ngako iyawuba nelicala laloko.

Levithikusi 4:2

“Tjela sive sema-Israyeli utsi: ‘Nangabe umuntfu onile wephula nome ngangumuphi wemiyalo yaSimakadze, angakacondzi, kufanele ahambe ngalemitsetfo.

Levithikusi 5:15

“Nangabe umuntfu ona ngekwephula munye walemiyalo lengcwele yaSimakadze angakacondzi, kufanele ahlawule kuSimakadze ngesihhanca lesingenasiyela. Bungako balesihhanca buyawubonwa nguwe ngekwesilinganiso sendzawo lengcwele; lowo-ke ngumnikelo loyinhlawulo yelicala.

Levithikusi 5:17

“Nangabe umuntfu ona ngekutsi ephule lomunye wemitsetfo yaSimakadze, nome abengati, unelicala, kufanele ahlawule.

Levithikusi 7:18

Nangabe leyo nyama yemnikelo wakhe wekuthula seyidliwa ngelilanga lesitsatfu, lomnikati wawo angeke asemukeleka kanye nemnikelo wakhe. Lomnikelo utawuba sinengiso, nalowo lowudlako uyakwetfwala licala.

Numeri 9:13

Kodvwa nakwenteka lomunye ayekela kuwugubha loMkhosi weliPhasika, kantsi akasiye longcolile ngekwemtsetfo futsi akekho ekuhambeni, lowo muntfu uyawuncunywa esiveni sakubo, ngobe phela akawuletsi umnikelo waSimakadze ngaleso sikhatsi lesijutjiwe. Lowo muntfu uyawulitfwala lelo cala lesono sakhe.

Matewu 26:63

Kodvwa Jesu wabindza. Waphindze wakhuluma umPhristi Lomkhulu watsi kuye: “Egameni laNkulunkulu lophilako, sengiyakufungisa-ke manje kutsi sitjele nawunguKhristu, iNdvodzana yaNkulunkulu.”

1 yaPhetro 2:24

Khristu cobo lwakhe wetfwala tono tetfu emtimbeni wakhe, emtsini, kuze kutsi tsine singabe sisabuswa tono kodvwa siphile ekulungeni. “Niphiliswe ngemivimbo yakhe.”

Tikhulu 17:2

yakhuluma kunina yatsi: “Lesiliva lengemakhilogremu langaba li-13 leyayitsatfwe kuwe, lengakuva ukhipha ticalekiso ngayo, ngimi lowayitsatsa, ilapha kimi.” Unina wakhuluma kuyo, watsi: “Simakadze akakubusise, ndvodzana yami.”