Levithikusi 4:5 - Siswati 1996 Bible

⁵ Umphristi logcotjiwe uyawube sewutsatsa lengati yalenkunzana, angene nayo ethendeni lekuhlangana.

Levithikusi 4:5 Referencias Cruzadas

Levithikusi 16:14

Kufanele enye umuno wakhe kulengati yalenkunzana, bese uyifafata ngemuno etikwesihlalo semusa; aphindze ayifafate kasikhombisa embikwesihlalo semusa.

Levithikusi 16:15

“Emvakwaloko uyawube sewubulala lembuti kutsi itewuba ngumnikelo wesono sesive sonkhe, bese ungenisa lengati yayo ngale kwendvwangu ente njengobe entile ngengati yenkunzi, afafate ngayo etikwesihlalo semusa nasembikwaso.

Levithikusi 16:19

Ingati uyawuyifafata ngemuno wakhe kasikhombisa kulelilati atelihlambulula ekungcoleni kwema-Israyeli, alehlukanisele Simakadze libe ngcwele.”

Levithikusi 4:3

“ ‘Nangabe kona umphristi logcotjiwe waze wehlisela lelo cala lakhe esiveni, uyawuletsa inkunzana lengenasiyela ayinikele ibe ngumhlatjelo wesono sakhe kuSimakadze.

Levithikusi 6:23

Ngako-ke wonkhe umnikelo walokutinhlavu wemphristi uyawushiswa wonkhe. Kute incenye leyawudliwa.”

Numeri 19:4

Eleyazare-ke, umphristi, uyawube sewutsatsa ingati yalo ngemuno wakhe, afafate kasikhombisa ngalengati yalo abhekise ngasembikwelithende lekuhlangana.

1 yaJohane 1:7

Kodvwa nasihamba ekukhanyeni, njengobe yena asekukhanyeni, sinebudlelwane lomunye nalomunye, nengati yaJesu, iNdvodzana yakhe, iyasihlanta kuko konkhe kona.