Levithikusi 4:3 - Siswati 1996 Bible

³ “ ‘Nangabe kona umphristi logcotjiwe waze wehlisela lelo cala lakhe esiveni, uyawuletsa inkunzana lengenasiyela ayinikele ibe ngumhlatjelo wesono sakhe kuSimakadze.

Levithikusi 4:3 Referencias Cruzadas

2 Tikhronike 29:21

Taletsa tinkunzi letisikhombisa, netihhanca letisikhombisa, nemazinyane etimvu lamadvuna lasikhombisa, netiphongo letisikhombisa, kutsi kube ngumnikelo wesono sembuso wonkhe, newendzawo lengcwele kanye newaJuda. Inkhosi yayala baphristi lababetitukulwane ta-Aroni, kutsi banikele konkhe loku elatini laSimakadze.

Ezra 8:35

Kwatsi bonkhe labo bebabuye ekutfunjweni banikela ngemhlatjelo wekushiswa kuNkulunkulu wema-Israyeli, kwaba: tinkunzi letili-12 tawo onkhe ema-Israyeli, netihhanca letatingema-96, nemazinyane etimvu lamadvuna langema-77, kwatsi umnikelo wesono waba tiphongo letili-12. Konkhe kwakukwemnikelo wekushiswa kuSimakadze.

Eksodusi 29:14

Kodvwa inyama yalenkunzana, nesikhumba sayo, nemswane wayo ukushisele ngephandle kwenkambu, ngobe kungumnikelo wesono.

Eksodusi 29:21

Ubotsatsa lengati leselatini kanye nemafutsa emgcobo ufafate bo-Aroni nemadvodzana akhe kanye netingubo tabo; ngaloko bo-Aroni nemadvodzana akhe batawube sebanikelwe kimi kanye netingubo tabo.

Eksodusi 29:7

Ubotsatsa lamafutsa emgcobo, uwatsele enhloko yakhe, umgcobe ngawo.

Eksodusi 30:10

Kanye ngemnyaka Aroni abenta inkonzo yekubuyisana kuSimakadze, ayentele etimphondvweni totine telilati; leyo nkonzo yekuhlawulela tono ngemnikelo wengati, iyakwentiwa njalo nje kanye ngemnyaka. Loko niyawukwenta titukulwane ngetitukulwane. Lelilati kufanele libe ngcwele lehlukaniselwe mine, Simakadze.”

Hezekeli 40:39

Kulomhubhe lobukene nesibuya kwakunematafula lamane, kumunye ngamunye umhlubulo wawo amabili, kutsi kuhlatjelwe etikwawo tilwane temhlatjelo wekushiswa samuku, netemhlatjelo wesono, netemnikelo wenhlawulo.

Hezekeli 43:19

Kufanele unikele ngenkunzana kutsi ibe ngumnikelo wesono kubaphristi, labangemaLevi, bendlu yakaSadoki, labasondzelako kutewukhonta embikwami, kusho iNkhosi Simakadze.

Hezekeli 44:27

Mhlazana angena esibuyeni lesingekhatsi sendzawo lengcwele kutewukhonta endzaweni lengcwele, kufanele atentele umnikelo wesono, kusho iNkhosi Simakadze.

Levithikusi 1:10

“Nangabe anikela ngemvu nome ngembuti kutsi ibe ngumnikelo wekushiswa, kufanele kube sihhanca nome siwewe lesingenasiyela.

Levithikusi 1:3

Nangabe anikela ngesilwane kutsi sibe ngumnikelo wekushiswa, kufanele aletse inkunzana lengenasiyela. Kufanele ayinikelele ekungeneni kwelithende lekuhlangana, khona Simakadze atewumemukela.

Levithikusi 16:11

“Aroni kufanele anikele ngalenkunzana lekufanele ibe ngumhlatjelo wesono sakhe, ente inhlawulo yekubuyisana kwakhe nekwemndeni wakhe kuSimakadze, bese uyayibulala-ke.

Levithikusi 16:3

“Angakangeni endzaweni lengcwelengcwele kufanele ete nenkunzana yemnikelo wesono kanye nesihhanca semhlatjelo wekushiswa.

Levithikusi 16:5

“Aroni uyakwemukela esandleni sema-Israyeli tiphongo letimbili temnikelo wesono nesihhanca sinye semnikelo wekushiswa.

Levithikusi 16:6

Aroni utawunikela ngalenkunzana ibe ngumhlatjelo wesono, atentele yena nemndeni wakhe inhlawulo yekubuyisana kuSimakadze.

Levithikusi 4:14

Siyawutsi singabona kutsi sonile, bese siletsa inkunzana lengenasiyela itewuba ngumhlatjelo wesono; iyakwetfulwa embikwelithende lekuhlangana.

Levithikusi 4:23

bese uyatiswa kutsi wonile, uyawuletsa siphongo lesingenasiyela sibe ngumnikelo wakhe wesono.

Levithikusi 4:28

uyawutsi angatiswa kutsi wonile, bese uletsa imbutikati lengenasiyela ibe ngumnikelo waleso sono lasentile.

Levithikusi 4:5

Umphristi logcotjiwe uyawube sewutsatsa lengati yalenkunzana, angene nayo ethendeni lekuhlangana.

Levithikusi 5:6

Inhlawulo yaso kufanele kube lizinyane lelisikati, lemvu nome lembuti, kube ngumhlatjelo wesono kuSimakadze. Umphristi utamentela inhlawulo yekubuyisana kuSimakadze ngesono sakhe.

Levithikusi 6:18

Loko sekuyawuba simiso etitukulwaneni nasetitukulwaneni kutsi onkhe emadvodza ekutalwa ngu-Aroni kube ngiwo ladla kudla lokunikelwe ngemlilo kuSimakadze kutsi kube sabelo sawo. Konkhe lokukutsintsako kuyawuba ngcwele.”

Levithikusi 8:12

Watsela incenye yalamafutsa emgcobo etikwenhloko ya-Aroni, amgcoba, amnikela kuSimakadze kuze abe ngcwele.

Levithikusi 9:2

Wakhuluma ku-Aroni watsi: “Tsatsa inkunzana lengenasiyela nesihhanca lesingenasiyela utekunikela kuSimakadze: inkunzana ibe ngumnikelo wesono, sihhanca sibe ngumnikelo wekushiswa.

Levithikusi 9:3

Tjela lesive sema-Israyeli kutsi sitsatse imbuti letawuba ngumnikelo wesono, neliguca lenkhomo lelinemnyaka munye budzala kanye nelizinyane lemvu lelinemnyaka munye budzala, kokubili kungabi nasiyela kube ngumnikelo wekushiswa;

Numeri 16:22

Kodvwa boMosi na-Aroni bawa phansi ngebuso bakhotsama, batsi: “Awu Nkulunkulu! Nkulunkulu wemimoya yebantfu bonkhe, kungatsi ngekona kwemuntfu munye bese utfukutselela sonkhe sive?”

Numeri 8:8

Akatsatse inkunzana nemnikelo wayo walokutinhlavu kwafulaha lobhicwe nemafutsa, bese utsatsa inkunzana yesibili letawuba yemnikelo wesono.

KubaseRoma 8:3

Loko-ke lokwehlula umtsetfo ngenca yebutsakatsaka besimo semvelo yemuntfu, Nkulunkulu wakwenta: Ngenca yesono watfumela iNdvodzana yakhe, leyeta ngesimo semuntfu lesonakele, kwatsi ngayo wehlulela sono ebantfwini,

2 kubaseKorinthe 5:21

Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.

KumaHebheru 5:3

Ngenca yalobo butsakatsaka bakhe, naye kudzingekile kutsi ente iminikelo yetono takhe, njengobe abentela labanye bantfu.

KumaHebheru 9:12

Wangena kanye kwenela endzaweni lengcwelengcwele, angakaphatsi ingati yetimbuti neyematfole, kodvwa aphetse ingati yakhe lucobo, kungako nje asizuzela kuhlengwa kwaphakadze.