Levithikusi 4:24 - Siswati 1996 Bible

²⁴ Uyawubeka sandla sakhe etikwenhloko yalembuti, bese uyibulalela lapho kubulawelwa khona tonkhe tilwane temhlatjelo wekushiswa embikwaSimakadze. Lowo ngumnikelo wesono.

Levithikusi 4:24 Referencias Cruzadas

2 Emakhosi 12:16

Imali yeminikelo yemacala neyeminikelo yetono yona yayingangeniswa ethempelini laSimakadze, yayiba yebaphristi.

2 Tikhronike 29:23

Letimbuti temnikelo wesono taletfwa embikwenkhosi nalo lonkhe libandla, base babeka tandla tabo etikwato.

Eksodusi 29:38

“Naku-ke lotawunikela ngako elatini njalo ngemalanga onkhe: Uyawunikela emazinyane etimvu lamabili lanemnyaka munye budzala.

Isaya 53:6

Tsine sonkhe sedukile njengetimvu, ngulowo nalowo utihambele ngendlela yakhe, Simakadze wayetfwesa kona kwetfu sonkhe.

Levithikusi 1:11

Utawube sewusibulalela ngasenyakatfo yelilati embikwaSimakadze; emadvodzana a-Aroni, baphristi, lengati atawube asayifafata emngcengcemeni welilati ndzawo tonkhe.

Levithikusi 1:4

Lowo muntfu uyawubeka sandla sakhe etikwenhloko yalomnikelo wekushiswa, khona-ke utawube sewuyemukelwa egameni lakhe kutsi umentele inhlawulo yekubuyisana.

Levithikusi 1:5

Lenkunzana utawube sewuyayihlaba embikwaSimakadze, bese-ke baphristi labangemadvodzana a-Aroni, batsatsa lengati bayinikela kuSimakadze bayifafate yonkhe emngcengcemeni welilati ndzawo tonkhe lapha ekungeneni kwelithende lekuhlangana.

Levithikusi 14:13

Kufanele lelizinyane lemvu alibulalele endzaweni lapho kwentelwa khona umnikelo wesono kanye nemnikelo wekushiswa endzaweni lengcwele. Umnikelo welicala, njengemnikelo wesono, ngekwemphristi, ngobe ungcwele kakhulu.

Levithikusi 16:15

“Emvakwaloko uyawube sewubulala lembuti kutsi itewuba ngumnikelo wesono sesive sonkhe, bese ungenisa lengati yayo ngale kwendvwangu ente njengobe entile ngengati yenkunzi, afafate ngayo etikwesihlalo semusa nasembikwaso.

Levithikusi 3:13

uyawubeka sandla sakhe etikwenhloko yayo ayibulalele embikwelithende lekuhlangana. Emadvodzana a-Aroni atawube asafafata lengati emngcengcemeni walelilati alitungelete ndzawo tonkhe.

Levithikusi 3:2

Lowo muntfu uyawubeka sandla sakhe etikwenhloko yalomnikelo wakhe, bese uwubulalela ekungeneni kwelithende lekuhlangana. Emadvodzana a-Aroni labaphristi ayawufafata ngalengati emngcengcemeni walelilati alitungelete ndzawo tonkhe.

Levithikusi 3:8

bese ubeka sandla sakhe etikwenhloko yalomnikelo, ayibulalele embikwelithende lekuhlangana. Emadvodzana a-Aroni ayawufafata lengati emngcengcemeni walelilati alitungelete ndzawo tonkhe.

Levithikusi 6:18

Loko sekuyawuba simiso etitukulwaneni nasetitukulwaneni kutsi onkhe emadvodza ekutalwa ngu-Aroni kube ngiwo ladla kudla lokunikelwe ngemlilo kuSimakadze kutsi kube sabelo sawo. Konkhe lokukutsintsako kuyawuba ngcwele.”

Levithikusi 6:22

Loku sekuyawuba simiso setitukulwane ngetitukulwane: kutsi situkulwane sa-Aroni lesiyawukhonta singumphristi logcotjiwe esikhundleni sakhe siyawunikela ngawo. Leyo mphuphu iyawushiswa yonkhe, ibe ngumnikelo kuSimakadze.

Levithikusi 6:25

“Tjela Aroni nemadvodzana akhe utsi: ‘Umnikelo wesono uyawuhlatjelwa embikwaSimakadze lapho kuhlatjelwa khona umnikelo wekushiswa; kungumnikelo longcwelengcwele.

Levithikusi 7:2

Silwane lesingulomnikelo kufanele sibulawelwe lapho kubulawelwa khona tilwane letiletselwe kuba ngiminikelo yekushiswa, nengati yaso kufanele ifafatwe emngcengcemeni welilati ndzawo tonkhe.