Levithikusi 4:15 - Siswati 1996 Bible

¹⁵ Baholi besive bayawubeka tandla tabo etikwenhloko yayo embikwaSimakadze, bese ibulawelwa khona lapho embikwaSimakadze.

Levithikusi 4:15 Referencias Cruzadas

2 Tikhronike 29:23

Letimbuti temnikelo wesono taletfwa embikwenkhosi nalo lonkhe libandla, base babeka tandla tabo etikwato.

Eksodusi 24:1

Simakadze wakhuluma kuMosi, watsi: “Yenyuka, ukhuphukele kuSimakadze, wena, na-Aroni, naNadabi, na-Abihu kanye nebaholi bema-Israyeli labangema-70 nikhotsame nikhonte nisesekhashane.

Eksodusi 24:9

Mosi na-Aroni, naNadabi, na-Abihu kanye nebaholi bema-Israyeli lababengema-70 benyuka baya entsabeni,

Levithikusi 1:3

Nangabe anikela ngesilwane kutsi sibe ngumnikelo wekushiswa, kufanele aletse inkunzana lengenasiyela. Kufanele ayinikelele ekungeneni kwelithende lekuhlangana, khona Simakadze atewumemukela.

Levithikusi 1:4

Lowo muntfu uyawubeka sandla sakhe etikwenhloko yalomnikelo wekushiswa, khona-ke utawube sewuyemukelwa egameni lakhe kutsi umentele inhlawulo yekubuyisana.

Levithikusi 16:21

abeke tandla takhe etikwenhloko yayo ativume tonkhe tiphambuko tesive saka-Israyeli, nabo bonkhe bubi babo, netono tabo, akubeke enhloko yalembuti. Lembuti uyawube sewuyayikhulula kutsi iye ehlane ihanjiswe nguleyo ndvodza lebekelwe lowo msebenti.

Levithikusi 4:16

Umphristi logcotjiwe uyawutsatsa lenye yalengati angene nayo ethendeni lekuhlangana,

Levithikusi 4:4

Lenkunzana uyayiletsa ekungeneni kwelithende lekuhlangana, abeke sandla etikwenhloko yayo, bese uyibulalela khona lapho embikwaSimakadze.

Levithikusi 8:14

Mosi wase uletsa inkunzi yemnikelo wesono, Aroni nemadvodzana akhe babeka tandla etikwenhloko yayo.

Levithikusi 8:18

Emvakwaloko Mosi waletsa lesihhanca lesingumnikelo wekushiswa, Aroni nemadvodzana akhe babeka tandla tabo etikwenhloko yaso.

Levithikusi 8:22

Mosi wase uletsa lesinye sihhanca lesasisekugcoba baphristi; ngako Aroni nemadvodzana akhe babeka tandla tabo etikwenhloko yaso.

Numeri 11:16

Simakadze wakhuluma kuMosi, watsi: “Letsa baholi bema-Israyeli labangema-70 lobatiko kutsi babaholi netiphatsimandla emkhatsini walabantfu. Baletse lapha ethendeni lekuhlangana, kutsi batekuma lapha kanye nawe.

Numeri 11:25

Simakadze wase uyehla asekhatsi efini, wakhuluma naye. Wase utsatsa lokunye kwaMoya lokwakukuMosi, wakubeka etikwalabaholi labangema-70. Watsi kube Moya ahlale etikwalabaholi, baphrofetha, kodvwa abazange baphindze baphrofethe.

Numeri 8:10

Uyakwetfula lamaLevi kuSimakadze, bese sive sema-Israyeli sibeka tandla taso etikwawo.

Numeri 8:12

EmaLevi atawutsi angabeka tandla tawo etinhloko taletinkunzana, wena-ke bese unikela lenye ibe ngumnikelo wesono, lena lenye ibe ngumnikelo wekushiswa kuSimakadze kutekwenta inhlawulo yekubuyisana kwemaLevi naSimakadze.