Levithikusi 3:5 - Siswati 1996 Bible

⁵ Emadvodzana a-Aroni atawushisa konkhe loko elatini kanye neminikelo yekushiswa etikwetinkhuni temlilo. Kungumnikelo lowentiwa ngemlilo, liphunga lelinuka lusi lolumnandzi kuSimakadze.

Levithikusi 3:5 Referencias Cruzadas

1 Emakhosi 8:64

Ngalo lona lelo langa inkhosi yehlukanisela Nkulunkulu indzawo lesekhatsi nekhatsi nesibuya lesasisembikwendlu yaSimakadze, lapho-ke ngulapho anikelela khona iminikelo yekushiswa, neyalokutinhlavu, nemafutsa emnikelo wekuthula, ngobe lilati lelitfusi lelalisembikwaSimakadze lalilincane kakhulu kutsi lingayetfwala leminikelo yekushiswa, neminikelo yalokutinhlavu, neminikelo yemafutsa eminikelo yekuthula.

2 Tikhronike 35:14

Emvakwaloko benta emalungiselelo abo newebaphristi, ngobe baphristi, batukulu ba-Aroni, bona babenta iminikelo yekushiswa kanye nemakoyi emafutsa, kwaze kwayawushona lilanga. Ngobe emaLevi ase atilungiselela wona kanye nalabaphristi baka-Aroni.

Eksodusi 29:13

Emvakwaloko tsatsa onkhe lamanoni lembese kwangekhatsi, nemanoni lambonye sibindzi, nemanoni lembese tinso totimbili kanye nato, bese ukushisela etikwelilati.

Hezekeli 44:15

“ ‘Kodvwa baphristi, labangemaLevi lababatukulu baSadoki, labebayenta ngekwetsembeka imisebenti yendzawo yami lengcwele ngesikhatsi ema-Israyeli aphambuka kimi, kufanele bona basondzele batewukhonta embikwami. Kufanele beme embikwami batewunikela ngemhlatjelo wemanoni newengati, kusho iNkhosi Simakadze.

Hezekeli 44:7

Ngetulu kwato tonkhe letinye tintfo tenu lenitentako letinengekako niletse betive labangakasokwa enhlitiyweni nasenyameni, nabangenisa endzaweni yami lengcwele, nangcolisa lithempeli lami ngesikhatsi ninikela kimi ngekudla, nangemanoni, nangengati, nephula sivumelwane sami.

Levithikusi 1:13

Lomuntfu kufanele ageze loku kwangekhatsi kwayo nemilente yayo; umphristi bese ushisa wonkhe lomhlatjelo etikwelilati. Loku kungumnikelo wekushiswa, umnikelo lowentiwa ngemlilo, liphunga lelinuka lusi lolumnandzi kuSimakadze.

Levithikusi 1:17

Utalibamba ngetimphiko totimbili alidzabule ekhatsi ngaphandle kwekuhluphula timphiko talo, bese ulishisa lonkhe etikwetinkhuni letivutsako letiselatini. Loku kungumnikelo wekushiswa, umnikelo lowentiwa ngemlilo, liphunga lelinuka lusi lolumnandzi kuSimakadze.”

Levithikusi 1:9

Lomuntfu kufanele ageze loku kwangekhatsi nemilente; umphristi bese ushisa wonkhe lomhlatjelo etikwelilati. Loku kungumnikelo wekushiswa, umnikelo lowentiwa ngemlilo, liphunga lelinuka lusi lolumnandzi kuSimakadze.

Levithikusi 3:11

Umphristi utakushisela etikwelilati njengekudla, kube ngumnikelo lowentiwa ngemlilo kuSimakadze.

Levithikusi 3:4

netinso totimbili, nemanoni lakuto, nemanoni lembese sibindzi, nalawo latawusuka kanye nato.

Levithikusi 4:31

Uyawube sewukhipha onkhe emanoni ayo, njengobe enta nakukhishwa emanoni kuletilwane temnikelo wekuthula. Umphristi uyawube sewuwashisela elatini, khona kutawuba liphunga lelinuka lusi lolumnandzi kuSimakadze, uyawumentela kanjalo-ke inhlawulo yekubuyisana naSimakadze, bese-ke lomuntfu uyatsetselelwa sono sakhe.

Levithikusi 4:35

Uyawube sewukhipha onkhe emanoni, njengobe kwentiwa nakukhishwa onkhe emanoni kulemvu yemnikelo wekuthula; umphristi uyawushisela etikwelilati kulomnikelo lowentiwa ngemlilo kuSimakadze. Umphristi uyawumentela kanjalo-ke inhlawulo yekubuyisana naSimakadze, bese-ke lomuntfu uyatsetselelwa sono sakhe.’ ”

Levithikusi 6:12

Lomlilo losetikwelilati kufanele uhlale uvutsa; ungacali ucime. Onkhe emalanga ekuseni umphristi kufanele engete tinkhuni, alungise umnikelo wekushiswa etikwalo, ashise lamanoni emnikelo wekuthula.

Levithikusi 7:28

Simakadze wachubeka wakhuluma kuMosi, watsi:

Levithikusi 9:17

Wanikela ngemnikelo walokutinhlavu, wacupha libinta ngesandla walishisela elatini. Phela loku kwakwentiwa ekwengeteni umnikelo wekushiswa wasekuseni.

Numeri 15:8

Nawulungisa inkunzana kutsi ibe ngumnikelo wekushiswa nome ibe ngumhlatjelo wesetsembiso lesitsite nome semnikelo wekuthula kuSimakadze,

Numeri 18:17

“Kodvwa ningabolihlenga litubulo lenkhomo nome lemvu, nome lembuti, ngobe kungcwele. Ingati yawo kufanele ifafatwe elatini bese kushiswa emanoni awo, kutsi kutewuba ngumnikelo lowentiwa ngemlilo, kube liphunga lelinuka lusi lolumnandzi kuSimakadze.

Numeri 28:12

Inkunzana iyinye iyawuba nemnikelo walokutinhlavu longemalitha langaba sitfupha nencenye afulaha lobhicwe nemafutsa; nalesihhanca sibe nemnikelo walokutinhlavu longemalitha langaba mane nencenye yafulaha lobhicwe nemafutsa,

Numeri 28:3

Shano kubo utsi: ‘Lona ngumnikelo lowentiwa ngemlilo leniyakuwetfula kuSimakadze: emazinyane lamabili lanemnyaka munye budzala langenasiyela, kube ngumnikelo loshiswa onkhe emalanga.

1 yaPhetro 2:5

Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.