Levithikusi 3:16 - Siswati 1996 Bible

¹⁶ Umphristi utawube sewushisa konkhe loku elatini kube ngumnikelo wemlilo, liphunga lelinuka lusi lolumnandzi. Onkhe emanoni ngewaSimakadze.

Levithikusi 3:16 Referencias Cruzadas

Genesisi 4:4

Na-Abela waletsa ematubulo etimvu takhe letikhuluphele. Simakadze wanaka Abela nemnikelo wakhe;

2 Tikhronike 29:35

Iminikelo yayiminyenti kakhulu, ikanye nemafutsa eminikelo yebudlelwane, neminikelo yesinatfo leyayihambisana neminikelo yekushiswa. Ngako inkonzo yekukhonta ethempelini laSimakadze yavuseleleka.

2 Tikhronike 7:7

Solomoni wase wehlukanisela Nkulunkulu indzawo lesekhatsi nekhatsi nesibuya lesasisembikwendlu yaSimakadze, lapho-ke ngulapho anikelela khona iminikelo yekushiswa nemafutsa eminikelo yebudlelwane, ngobe lilati lelitfusi labelakhile lalingakhoni kwetfwala leminikelo yekushiswa, neminikelo yalokutinhlavu nalamafutsa.

Eksodusi 29:13

Emvakwaloko tsatsa onkhe lamanoni lembese kwangekhatsi, nemanoni lambonye sibindzi, nemanoni lembese tinso totimbili kanye nato, bese ukushisela etikwelilati.

Eksodusi 29:22

“Kulesihhanca ubosika konkhe lokungemanoni: umsila, nemanoni lasetibilinini, nemanoni lambonye sibindzi, nemanoni lambonye tinso totimbili kanye nato letinso, nemlente wangesekudla; ngobe lesihhanca semgcobo.

Isaya 53:10

Simakadze utsi: “Noko kwaba yintsandvo yaSimakadze kutsi ayinyatsele, ayente ihlupheke, nome Simakadze enta kuphila kwayo kwaba ngumhlatjelo welicala, iyawubona situkulwane sayo, yandzise nemalanga ekuphila kwayo, intsandvo yaSimakadze iyawuphumelela ngesandla sayo.

Hezekeli 44:15

“ ‘Kodvwa baphristi, labangemaLevi lababatukulu baSadoki, labebayenta ngekwetsembeka imisebenti yendzawo yami lengcwele ngesikhatsi ema-Israyeli aphambuka kimi, kufanele bona basondzele batewukhonta embikwami. Kufanele beme embikwami batewunikela ngemhlatjelo wemanoni newengati, kusho iNkhosi Simakadze.

Levithikusi 17:6

Umphristi utawufafata ingati elatini laSimakadze ekungeneni kwelithende lekuhlangana, ashise lamanoni, kube liphunga lelinuka lusi lolumnandzi kuSimakadze.

Levithikusi 4:26

Uyawushisa onkhe lamanoni awashisele elatini, njengobe enta nakashisa emanoni emnikelo wekuthula; umphristi uyawumentela kanjalo-ke umholi inhlawulo yekubuyisana naSimakadze, bese lomholi uyatsetselelwa sono sakhe.

Levithikusi 4:31

Uyawube sewukhipha onkhe emanoni ayo, njengobe enta nakukhishwa emanoni kuletilwane temnikelo wekuthula. Umphristi uyawube sewuwashisela elatini, khona kutawuba liphunga lelinuka lusi lolumnandzi kuSimakadze, uyawumentela kanjalo-ke inhlawulo yekubuyisana naSimakadze, bese-ke lomuntfu uyatsetselelwa sono sakhe.

Levithikusi 8:25

Watsatsa lamanoni, nalomsila lononile, nemanoni lasetibilinini, nalambonye sibindzi, netinso totimbili kanye nemanoni lakuto, nemlente wangesekudla.

Levithikusi 9:24

Kwachamuka umlilo usuka kuSimakadze wacedza lomnikelo wekushiswa kanye nemanoni labesetikwelilati. Satsi kube sive sikubone loku, samemeta sakhotsamisa nebuso baso, sawela phansi.

Matewu 22:37

Jesu watsi kuye: “ ‘Uboyitsandza iNkhosi, Nkulunkulu wakho, ngayo yonkhe inhlitiyo yakho, nangawo wonkhe umphefumulo wakho, nangayo yonkhe ingcondvo yakho.’