Levithikusi 3:11 - Siswati 1996 Bible

¹¹ Umphristi utakushisela etikwelilati njengekudla, kube ngumnikelo lowentiwa ngemlilo kuSimakadze.

Levithikusi 3:11 Referencias Cruzadas

Tihlabelelo 22:14

Ngicitseke njengemanti, emalunga ami onkhe ahhehlulukile, inhlitiyo yami igucuke yaba ngumtfwebeba, yancibilika ngekhatsi kwami.

Hezekeli 44:7

Ngetulu kwato tonkhe letinye tintfo tenu lenitentako letinengekako niletse betive labangakasokwa enhlitiyweni nasenyameni, nabangenisa endzaweni yami lengcwele, nangcolisa lithempeli lami ngesikhatsi ninikela kimi ngekudla, nangemanoni, nangengati, nephula sivumelwane sami.

Levithikusi 21:17

“Tjela Aroni utsi: ‘Etitukulwaneni takho kute namunye lonesici loyawusondzela atewunikela ngekudla kwaNkulunkulu wakhe.

Levithikusi 21:6

Kufanele babe ngcwele embikwaNkulunkulu wabo, bangalihlambalati libito laNkulunkulu wabo, ngobe ngabo labaletsa umnikelo lowentiwa ngemlilo kuSimakadze, sinkhwa saNkulunkulu wabo; ngako-ke kufanele babe ngcwele.

Levithikusi 21:8

Ma-Israyeli, batiseni kutsi bangcwele, ngobe banikela ngekudla kwaNkulunkulu wenu. Bangcwele ngobe mine, Simakadze, lenginingcwelisako ngingcwele.

Levithikusi 22:25

“ ‘Ningacali ninikele ngetilwane letinjalo, ningatemukeli natiletfwa betive, nangabe batinikelela kutsi tibe kudla kwaNkulunkulu wenu. Tingeke temukeleke esikhundleni senu, ngobe tichwalile futsi tinetici.’ ”

Levithikusi 3:16

Umphristi utawube sewushisa konkhe loku elatini kube ngumnikelo wemlilo, liphunga lelinuka lusi lolumnandzi. Onkhe emanoni ngewaSimakadze.

Levithikusi 3:5

Emadvodzana a-Aroni atawushisa konkhe loko elatini kanye neminikelo yekushiswa etikwetinkhuni temlilo. Kungumnikelo lowentiwa ngemlilo, liphunga lelinuka lusi lolumnandzi kuSimakadze.

Malakhi 1:12

“Kodvwa nine niyalihlambalata ngekukhuluma ngelitafula laSimakadze nitsi: ‘Lingcolile,’ nangekudla kwalo, nitsi: ‘Kuyenyanyeka!’

Malakhi 1:7

“Nibeke kudla lokungcolile ngekwemtsetfo etikwelilati lami. “Kodvwa niyabuta nitsi: ‘Sikungcolise kanjani?’ “Ngekutsi nitsi litafula laSimakadze liyenyanyeka.

Numeri 28:2

“Yala sive sema-Israyeli utsi: ‘Caphelani kutsi niletse kimi ngesikhatsi lesimisiwe kudla lokungumnikelo wami lowentiwa ngemlilo, kube liphunga lelinuka lusi lolumnandzi kimi.’

Numeri 28:24

Ngaleyo ndlela niyakwenta umnikelo wekudla lowentiwa ngemlilo onkhe emalanga, kuze kuphelele lamalanga lasikhombisa, kube liphunga lelinuka lusi lolumnandzi kuSimakadze. Uyakwengetelwa ngetulu kwalomnikelo wekushiswa lowentiwa onkhe emalanga kanye nemnikelo wawo wesinatfo.

KubaseRoma 8:32

Yena longazange ayigodle iNdvodzana yakhe, kodvwa wayinikela ngenca yetfu sonkhe, pho, akayusinika yini tonkhe tintfo mahhala kanye nayo?

1 kubaseKorinthe 10:21

Ningeke ninatse endzebeni yeNkhosi niphindze niyewunatsa endzebeni yemadimoni. Ningeke nihlanganyele esidlweni seNkhosi niphindze nihlanganyele esidlweni semadimoni.

Sembulo 3:20

Lalela la, ngime emnyango ngiyanconcotsa; nangabe umuntfu eva livi lami, avule umnyango, mine ngiyawungena kuye, ngidle naye, naye adle nami.