Levithikusi 27:28 - Siswati 1996 Bible

²⁸ “ ‘Kodvwa kufanele kubete umuntfu lotawutsengisa nome lotawuhlenga loko lesekunikelwe kuSimakadze, nome kungumuntfu, nome kusilwane, nome kungumhlaba lolifa lakhe. Konkhe loko sekuyawuhlala kukwaSimakadze kungcwelengcwele.

Levithikusi 27:28 Referencias Cruzadas

2 Tikhronike 31:14

Khore, umsa waJimna, umLevi, umgadzi weLisango langaseMphumalanga, yena abengamele leminikelo yesihle leyayiletfwa kuNkulunkulu, nguye bekaba iminikelo leletfwa kuSimakadze kanye netipho letingcwele.

Eksodusi 22:20

“Lonikela imihlatjelo esithicweni anganikeli kuSimakadze, nimbulale.

Hezekeli 44:29

Bayawudla iminikelo yalokutinhlavu neminikelo yesono, neminikelo yesono, neminikelo yelicala. Konkhe lokunikelwe kuSimakadze ka-Israyeli kuyawuba kwabo.

Hezekeli 48:14

Abayikusitsengisa, futsi abayiwuntjintjisa nangalokuncane kwaso. Lena nguyona ncenye yelive yelikhetselo, akukafaneli yendluliselwe kuletinye tandla, ngobe ingcwele kuSimakadze.

Levithikusi 21:22

Lowo muntfu angakudla kudla lokungcwelengcwele kwaNkulunkulu wakhe kanye nekudla lokungcwele;

Levithikusi 27:21

Kutawutsi lensimi nase ikhululekile ngeMnyaka Wekubuyiselwa, iyawuba ngcwele kuSimakadze njengensimi leseyinikelwe kuye, ibe ngeyebaphristi.

Levithikusi 27:27

Nangabe litubulo kusilwane lesingcolile ngekwemtsetfo, umuntfu angalihlenga ngaleyo nhlawulo lesemtsetfweni, engete kulo incenye yesihlanu yenhlawulo yalo. Nangabe angalihlengi, kufanele litsengiswe ngalelo nani lalo lese libaliwe.

Levithikusi 27:29

Umuntfu lonikelwe ekufeni kuSimakadze akayiwuhlengwa; kufanele abulawe.

Numeri 18:14

“Konkhe lokunikelwe kuSimakadze ka-Israyeli kutawuba kwakho.

Matewu 25:41

“Iyawutsi kulaba labangesancele: ‘Khweshani kimi, nine labacalekisiwe, niye emlilweni waphakadze lolungiselwe Sathane netingilosi takhe!

KubaseRoma 9:3

ngebazalwane bami labayingati yami ngekwebuve. Bengingafisa kutsi lokungenani ngibe ngulocalekisiwe nome ngisuswe kuKhristu kube loko bekungaba lusito kubo.

1 kubaseKorinthe 16:22

Nangabe umuntfu angayitsandzi iNkhosi, akabe ngulocalekisiwe Wota Nkhosi!

KubaseGalathiya 3:10

Bonkhe labetsembele ekwenteni lokufunwa ngumtsetfo bangephansi kwesicalekiso, ngobe kubhaliwe kutsi: “Bacalekisiwe bonkhe labangagcini konkhe lokubhaliwe emculwini wemtsetfo, kutsi bakwente.”

KubaseGalathiya 3:13

Khristu wasihlenga esicalekisweni lesasiletfwe ngumtsetfo, ngekutsi abe sicalekiso endzaweni yetfu; ngobe kubhaliwe kutsi: “Ucalekisiwe wonkhe umuntfu lolenga emtsini.”

Dutheronomi 25:19

Uyawutsi Simakadze Nkulunkulu wenu anganipha kuthula, kutsi hhamu kuhlaselwa nguletitsa tenu letinitungeletile kulelive lanipha lona kutsi nilidle libe lifa lenu, niyawulesula libito la-Amaleki lingaphindzi likhunjulwe ngaphansi kwemtfunti welilanga. Ningakhohlwa.”

Dutheronomi 7:26

Ningacali niletse loko lokusinengiso etindlini tenu, funa nani nehlukaniswe nibekwe eceleni, khona nitewubhujiswa njengako. Kufanele nitenyanye letithico, ngobe setivele tehlukaniselwe kubhujiswa.”

Joshuwa 6:26

Ngaso leso sikhatsi Joshuwa wakhipha sifungo lesimatima, watsi: “Wonkhe lowetama kuvusa lelidolobha, iJerikho, uyawucalekiswa embikwaSimakadze: “ ‘Uyawufelwa yindvodzana lelitubulo lakhe, nakabeka leto tisekelo talo; afelwe ngumntfwanakhe losemncane, nakafaka emasango alo.’ ”

Joshuwa 7:1

Kodvwa ema-Israyeli ona, atsatsa tintfo lokwakufanele tibhujiswe. Akhani, umsa waKhami, umsa waZabdi labenguZimri, umsa waZera, wesive sakaJuda, watsatsa letinye tato. Ngako lulaka lwaSimakadze lwasivutsela sive sema-Israyeli.

Joshuwa 7:25

Joshuwa watsi: “Usiletseleleni lembhubhiso? Simakadze utayiletsa kuwe imbhubhiso lamuhla.” Ngako-ke onkhe ema-Israyeli amgcoba ngematje kanye nako konkhe kwakhe, base bayakushisa-ke.

Tikhulu 21:11

Batsi: “Naku lekufanele nikwente: nifike nibulale bonkhe labadvuna nalabasikati labangasito tintfombi letingayati indvodza ngekulala nayo.”

Tikhulu 21:18

Tsine ma-Israyeli singeke sibendzisele emadvodzakati etfu, ngobe safunga satsi: ‘Akacalekiswe lowo loyakwendzisa indvodzakati yakhe kaBhenjamini.’ ”

Tikhulu 21:5

Baka-Israyeli babuta batsi: “Ngubani emkhatsini wato tonkhe tive taka-Israyeli longazange aye kuyawuhlangana embikwaSimakadze?” Phela bebafunge bagomela kutsi lowo longazange ete emhlanganweni embikwaSimakadze eMispa uyawubulawa nome kanjani.

1 Samuweli 15:18

Simakadze wakutfuma watsi: ‘Hamba ubabhubhise bonkhe labantfu lababi labangema-Amaleki, ubahlasele uze ubatsanyele baphele batsi nya.’

1 Samuweli 15:3

Hamba manje uyewuhlasela ema-Amaleki, ubhubhise yonkhe intfo yawo. Ungawashiyi aphila: bulala emadvodza, nebafati, nebantfwana, netinswane, netinkhomo, netimvu, nemakamela kanye netimbongolo.’ ”