Levithikusi 26:6 - Siswati 1996 Bible

⁶ “ ‘Lelive ngiyawulipha kuthula, nicambalale ngekukhululeka ningesatjiswa lutfo. Tonkhe tilwane letiyingoti kini ngiyawutisusa kulelo live, kungabikho timphi eveni lenu.

Levithikusi 26:6 Referencias Cruzadas

2 Emakhosi 2:24

Wagucuka wababuka; wamemeta, abacalekisa ngelibito laSimakadze. Kwabe sekuchamuka emabhele lamabili aphuma ehlatsini, adladlabula lababengema-42 balabo bafana.

1 Tikhronike 22:9

Kodvwa noko utawutala indvodzana letawuba ngumuntfu wekuthula newekuphumula, futsi ngitamnika kuthula kuto tonkhe titsa takhe letibomakhelwane bakhe. Libito lakhe kuyawuba nguSolomoni. Ngiyawunika ema-Israyeli kuthula nenhlalakahle ekubuseni kwakhe.

2 Tikhronike 20:30

Umbuso waJehoshafati waba nekuthula, ngobe Nkulunkulu abesamnike kuphumula ndzawana tonkhana letatimtungeletile.

Jobe 11:19

Uyawucambalala phansi kubete lokwesabisako; labanyenti bayawucela lusito kuwe.

Jobe 5:23

Ngobe uyakuba nesivumelwane nematje asematsafeni, netilwane tesiganga tiyawuhlalisana nawe ngekuthula.

Tihlabelelo 144:14

Shangatsi tinkhomo tetfu tingawatsela emankhonyane, kubete letiphuntako naletilatelwako, shangatsi kungabate kukhala nekuhlupheka eveni letfu.

Tihlabelelo 147:14

ente iminyele yakho ibe nekuthula, anesutsise ngakolweni lomnandzi.

Tihlabelelo 29:11

Simakadze bantfu bakhe uyawubanika emandla! Simakadze, bantfu bakhe uyawubabusisa ngekuthula!

Tihlabelelo 3:5

Ngicambalele phansi ngatunywa butfongo, ngaphindze ngavuka, ngobe Nkulunkulu uyangicinisa.

Tihlabelelo 4:8

Ngitawutilahla phansi, ngilale butfongo ngekuthula, ngobe nguwe wedvwa, Simakadze, longenta ngihlale ngiphephile.

Tihlabelelo 85:8

Ase ngilalele loko lokutawukhulunywa nguNkulunkulu Simakadze, ngobe ukhuluma kuthula esiveni sakhe nakulabangcwele bakhe, nabangancandzeki babuyele ebubini.

Eksodusi 23:29

Ngingeke ngitikhiphe tonkhe ngamnyaka munye; ngobe nangingenta njalo, lelive litawube seliba sikhotsa, netilwane tesiganga tandze bese tiba yingoti kini.

Taga 3:24

Nawucambalala phansi, ungeke wesabe; nawulala, uyawutfola butfongo lobumnandzi.

Taga 6:22

Nawuhamba kuyawukucondzisa, nawulala kukugadze, nawuvukako kukweluleke.

Isaya 35:8

Kuyawuba khona umgwaco lomkhulu lapho, uyawubitwa ngekutsi Yindlela Yebungcwele. Labangcolile ngeke bahambe ngawo, uyakuba walabo labahamba ngawo lomgwaco, tilima letikhohlakele ngeke tihambahambe ngawo.

Isaya 35:9

Kuyawubate libhubesi lapho, kute ngisho nesilwane lesinelulaka, lesiyawutfolakala kuwo. Kodvwa ngulabahlengiwe bodvwa labayawuhamba kulowo mgwaco,

Isaya 45:7

Ngenta kukhanya, ngidale bumnyama, ngiletsa lokuhle, ngidale lokubi, mine Simakadze, ngitenta tonkhe letintfo.”

Isaya 9:7

Umbuso wakhe uyawukhula, kuthula nenhlalakahle kungeke kuphele. Uyawubusa esihlalweni sebukhosi saDavide, nasembusweni wakhe. Uyakuwumisa awusekele ngekwemtsetfocotfo nangekulunga, kusukela kuleso sikhatsi kuze kube nguphakadze naphakadze. Inshisekelo yaSimakadze longuSomandla iyawukwenta loko.

Jeremiya 30:10

“ ‘Ngako-ke ungesabi, wena Jakobe, nceku yami, ungapheli emandla, wena Israyeli,’ kusho Simakadze. ‘Ngempela ngiyawukusindzisa eveni lelikhashane, netitukulwane takho eveni lekutfunjwa kwato. Jakobe usetawubuye abe nekuthula kanye nekuvikeleka, kute namunye loyawubuye amesabise.

Jeremiya 31:26

Loku kwangenta ngavuka ngacalata ndzawo tonkhe. Butfongo bami bebumnandzi kimi.

Hezekeli 14:15

“Kube bengingatfumela tilwane tesiganga kulelo live, tilishiye lite bantfwana, libe lihlane kangangekutsi kubete namunye longendlula kulo alidzabule ekhatsi ngenca yaleto tilwane,

Hezekeli 14:17

“Nome kube bengingaletsa inkemba ngitewumelana nalelo live ngitsi: ‘Lenkemba ayidzabule kulo lonkhe lelo live,’ ngibulale bantfu balo netilwane talo,

Hezekeli 14:21

“Ngobe naku lokushiwo yiNkhosi Simakadze, itsi: Kuyawuba kubi kangakanani-ke nangitfumela tehlulelo tami letine letiyawumelana neJerusalema: inkemba, nendlala, netilwane tesiganga kanye nesifo lesibulalanako, kutsi titewubulala bantfu bayo netilwane tayo!

Hezekeli 34:25

“ ‘Ngiyakwenta sivumelwane sekuthula nato kutsi tilwane tesiganga ngitisuse eveni, khona timvu tami titewuhlala ehlane tilale emahlatsini tiphephile.

Hezekeli 34:27

Tihlahla tesiganga tiyawutsela titselo tato, nemhlaba umilise tilimo tawo; bantfu bayawuhlala baphephile eveni labo. Bayawukwati kutsi mine nginguSimakadze, nase ngephula lijoko labo lensimbi, ngibephula etandleni talabo lababagcilatile.

Hezekeli 5:17

Ngiyawutfumela indlala netilwane tesiganga letiyawumelana nani, futsi tiyawunishiya nite bantfwana. Tifo letibulalanako nekucitseka kwengati kuyawunikhukhula, ngiyawunihlasela ngenkemba leyawumelana nani. Mine, Simakadze, sengikhulumile.”

Hoseya 2:18

Ngalelo langa baka-Israyeli ngiyawubentela sivumelwane netilwane tesiganga netinyoni temoya kanye netidalwa letinwabutela phansi emhlabatsini. Butjoki, nenkemba, nemphi ngiyawukususa eveni, kuze kutsi bonkhe batewulala phansi baphephile.

Hoseya 2:20

Ngiyawukwendzisa ngekwetsembeka, uyakumhlonipha Simakadze.

Levithikusi 25:18

“ ‘Ngako-ke hambani ngetimiso tami nilalele imitsetfo yami, khona nitawuphila ngekuphepha kulelive.

Levithikusi 25:19

Umhlaba uyawutsela titselo tawo, nidle nesutse, nihlale kulo niphephile.

Levithikusi 26:22

Ngiyawunitfumelela tilwane tesiganga, tidle bantfwabenu netinkhomo tenu, nize nibe mbalwa, kangangekutsi ngisho nemigwaco yenu iyawubate bantfu.

Levithikusi 26:25

Ngiyawuniletsela imphi itenijezisa ngekwephula kwenu sivumelwane. Niyawutsi nanihlangana emadolobheni enu etindzaweni tekuphepha, bese nginihlasela ngetifo letingelapheki, nivele niphoceleke kutinikela etitseni tenu.

Levithikusi 26:7

Titsa tenu niyawuticosha niticotfule ngenkemba.

Mikha 4:4

Bonkhe bantfu bayawuhlala ngekuthula ngulowo nalowo esivinini sakhe nasemikhiweni yakhe, kubete lobesabisako. Loku kwetsenjiswe nguSimakadze, longuSomandla.

Zefaniya 3:13

“Imisalela yaka-Israyeli ingeke ikwente lokubi; ingeke iwakhulume emanga, nenkhohlakalo ingeke itfolakale emilonyeni yayo. Lemisalela iyakudla, icambalale phansi, kute futsi umuntfu loyakuyesabisa.”

Hagayi 2:9

‘Inkhatimulo yalendlu lena itawuba yinkhulu kakhulu kunenkhatimulo yendlu yakucala,’ kusho Simakadze longuSomandla. ‘Futsi kulendzawo ngiyawuletsa kuthula,’ kusho Simakadze longuSomandla.”

Zakhariya 9:10

Ngiyawutisusa tincola temphi ka-Efrayimu, nemahhashi emphi ngiwesuse eJerusalema, nebutjoki bemphi buyakwephulwa. Inkhosi iyawumemetela kuthula etiveni. Kubusa kwayo kuyakwandza, kusuke elwandle kuyewugcina ngelwandle, kusuke eMfuleni kuyewugcina emikhawulweni yemhlaba.

Johane 14:27

“Nginishiya nekuthula. Lokuthula lenginipha kona akufanani nesipho selive. Tinhlitiyo tenu tingabokhatsateka futsi tingesabi.

Imisebenti yebaPhostoli 12:6

Ngebusuku bekugcina Herodi atamkhipha amletse ebantfwini, Phetro abelele emkhatsini webalindzi lababili. Abeboshwe ngetinketane letimbili, kwakunebalindzi lapho emnyango welijele balindzile.

KubaseRoma 5:1

Njengobe sesentiwe semukeleka kuNkulunkulu kutsi silungile ngekukholwa, sesinekuthula naNkulunkulu ngeNkhosi yetfu Jesu Khristu.