Levithikusi 26:37 - Siswati 1996 Bible

³⁷ Bayawugilana bawe, lomunye etikwalomunye, kube shangatsi babalekela imphi, nome kungekho lobacoshako. Ngako-ke aniyikuba nawo emandla ekuma embikwetitsa tenu.

Levithikusi 26:37 Referencias Cruzadas

Isaya 10:4

Kute leningakwenta ngaphandle kwekushosha phansi kanye nalabatfunjwako, nome niwele phansi emkhatsini walababulewe. Noko ngako konkhe loku, lulaka lwakhe alukagucuki, nesandla sakhe sisephakeme.

Jeremiya 37:10

Ngisho nome benitayeyisa yonkhe imphi yebaseBhabhulona lenihlaselako, kusale kuphela nje tinkhubela temadvodza lapha emathendeni awo, betitawuphuma titelishisa lelidolobha.”

Jeremiya 46:16

Bayawukhubatela njalo nje; bawe lomunye etikwalomunye. Bayawutsi: ‘Vukani, sibuyele emuva kubantfu bakitsi nasemaveni etfu, sibaleke kulenkemba yemcindzeteli.’

Jeremiya 6:21

Ngako-ke naku lokushiwo nguSimakadze, utsi: “Ngiyawubeka emavimbandlela embikwalesive. Boyise kanye nemadvodzana bayawukhutjwa kuwo, bomakhelwane kanye nebangani bayawubhubha.”

Levithikusi 26:17

Buso bami buyawumelana nani, bese nehlulwa titsa tenu, tona leto letinitondzako tiyawunibusa, nani nibaleke, ngisho nome seningasacoshwa ngumuntfu.

Nahume 3:3

Bagibeli bemahhashi bayajijimeta, kumanya tinkemba, tikhali bumengemenge. Imphi yatfolana etulu, kwadzindzibala tindvundvuma tetidvumbu letingeke tibalwe nekubalwa; bantfu bagijima etikwato, tiyabagila.

Numeri 14:42

Ningacali nenyuke, ngobe Simakadze akekho emkhatsini wenu. Titsa tenu titawunehlula,

Tikhulu 2:14

Intfukutselo yaSimakadze yabavutsela baka-Israyeli, wabanikela etandleni tebaphangi, tabaphanga. Wabanikela etandleni tetitsa tabo letatibatungeletile, bangabe basakwati ngisho nekutivikela kuto.

Tikhulu 7:22

Atsi kube lamacilongo langema-300 akhale, Simakadze wasanganisa onkhe lawo madvodza labekuleyo nkambu yemaMidiyani, agucukelana odvwana, agwazana. Imphi yonkhe yesuka yabaleka yacondza eBhethi Shitha kuya eSerera, kuze kuyewufika emnyeleni we-Abela Mehola, eceleni kweThabhathi.

1 Samuweli 4:2

EmaFilisti ayihlela imphi yawo atilungiselela kuhlangabetana neyema-Israyeli. Kwatsi imphi seyibambene etulu, ehlulwa ema-Israyeli, ehlulwa ngemaFilisti labulala ema-Israyeli labengaba ti-4 000 emphini.