Levithikusi 26:32 - Siswati 1996 Bible

³² Live lenu ngiyawuliphundla, kuze kutsi netitsa tenu letingena kulo timangale ngalo.

Levithikusi 26:32 Referencias Cruzadas

1 Emakhosi 9:8

Noko nome kwanyalo lelithempeli lisenesitfunti lesimatima kangaka, bonkhe labendlula ngakulo bayawumangala bahhalatise, batsi: ‘Simakadze uyenteleni lentfo lenjena kulelive nakulelithempeli?’

Isaya 24:1

Bukani la, Simakadze utawubhubhisa umhlaba, awente ube lihlane. Umhlaba utawenta ubhidlike, asakate bonkhe labahlala kuwo.

Isaya 5:6

Ngitawusenta sibe siganga lesingenalutfo, nemvini longatsenwa, nemhlaba waso awuyikulinywa. Kuyawukwena tinchachabutane nemanyeva. Ngitawuyala nemafu kutsi anganisi imvula kuso.”

Isaya 5:9

Simakadze longuSomandla ufunge etindlebeni tami, watsi: “Impela tindlu letinyenti titawuba tindzala, netindlu letinkhulu naletinhle tisale tingenamuntfu.

Isaya 6:11

Ngase ngitsi: “Awu! Simakadze, kutawuze kube ngunini?” Wangiphendvula watsi: “Kuyawuze kubhujiswe emadolobha, kubete bantfu labahlala kuwo; tindlu tize tibe tindzala, nemasimi abhujiswe aze onakale,

Isaya 64:10

Emadolobha akho langcwele asalihlane, ngisho neSiyoni imbala seyilihlane, iJerusalema iyincitsakalo.

Jeremiya 12:11

Itakwentiwa ibe sigagadvu lesilahliwe, yebo, lesihangukile nalesisikhotsa embikwami. Yebo, lonkhe live litawuba sikhotsa, ngobe kute lonakile.

Jeremiya 18:16

Live labo liyawusala likhala libhungane, libe yintfo yekuba yinhlekisa; bonkhe labendlulako bayawumangala banikine tinhloko.

Jeremiya 19:8

Ngiyawulibhidlita lelidolobha, ngilente libe yintfo yekuhlekisa; bonkhe labendlulako bayawumangala kakhulu, bahleke lusulu ngenca yemanceba alo.

Jeremiya 25:11

Lonkhe live liyawusala lilihlane lelikhala libhungane, naletive tiyawukhonta inkhosi yaseBhabhulona iminyaka lengema-70.

Jeremiya 25:18

IJerusalema nemadolobha akaJuda, emakhosi netindvuna tawo, kubenta kutsi babe yincitsakalo, nentfo yekwesabisa neyekuhlekisa, nesicalekiso, njengobe banjalo nalamuhla;

Jeremiya 25:38

Njengelibhubesi umelusi uyawuphuma ashiye umhume wakhe, live labo liyawusala likhala libhungane ngenca yenkemba yemcindzeteli, nangenca yelulaka lolwesabekako lwaSimakadze.

Jeremiya 33:10

“Naku lokushiwo nguSimakadze, utsi: ‘Ngalendzawo nitsi: “Lendzawo ilihlane lelingenalutfo, ayinabantfu nome tilwane.” Noko emadolobheni akaJuda nasetitaladini taseJerusalema letibhidlitiwe letingasahlalwa bantfu nome tilwane, kuyawuphindze kuvakale

Jeremiya 44:2

“Naku lokushiwo nguSimakadze longuSomandla, Nkulunkulu wema-Israyeli, utsi: Nayibona lenhlekelele lenkhulu lengayehlisela etikweJerusalema nasetikwawo onkhe emadolobha akaJuda. Lamuhla asahleti atindzala, kute muntfu lohlala kuwo,

Jeremiya 44:22

Watsi Simakadze nasehlulekile kubeketelela tento tenu tebubi naletintfo letisinengiso lenanitentile, live lenu laba yintfo yekucalekisa nendzawo lelihlane lelite bantfu, njengobe linjalo lamuhla.

Jeremiya 9:11

“IJerusalema ngitayenta indvundvuma yematje, ngiyente umgedze wetimphungutja. Emadolobha akaJuda ngiyakuwenta abe tindzala, kuze kubete muntfu lohlala kuwo.”

Sililo 4:12

Kute emakhosi emhlaba, ngisho nasinye sive lesisemhlabeni, lesake sakukholwa kutsi titsa nalabaphambene nayo bangangena emasangweni aseJerusalema.

Sililo 5:18

ngobe intsaba iSiyoni seyisele ikhala libhungane, timphungutja tiyajangaza kuyo.

Hezekeli 5:15

Uyawuba lihlazo, nesihhala, nesecwayiso, nentfo leyesabisako kuletive letikutungeletile, nase ngikwehlulela ngentfukutselo, nangelulaka, nangekutsetsisa lokubuhlungu. Mine, Simakadze, sengikhulumile.

Danyela 9:18

Awu Nkulunkulu wami, mane ubeke indlebe, uve, vula emehlo akho ubone kubhidlitwa kwetfu nekwelidolobha lelibitwa ngeLibito lakho. Asiletsi kuncusa kwetfu kuwe, ngobe tsine silungile, kodvwa kungenca yemusa wakho lomkhulu.

Danyela 9:2

ngemnyaka wakhe wekucala abekiwe, mine Danyela ngafundza ngeva kahle emiBhalweni njengekwelivi laSimakadze kuJeremiya, umphrofethi, kutsi kubhidlitwa kweJerusalema kuyawutsatsa iminyaka lengema-70, lapho iyawusala khona ikhala libhungane.

Habakhuki 3:17

Nome sihlahla semkhiwa singahlumi, nemagelebisi kute esihlahleni semvini, nome umncumo ungatseli, nemasimi angasatitseli tivuno, nome sekute timvu esibayeni, netinkhomo sekute esibayeni,

Lukha 21:20

“Nanibona iJerusalema itungeletwe timphi, nibovele nati kutsi seyitawubhidlitwa.

Dutheronomi 28:37

Niyawuba yintfo leshacisa lugogo, nentfo yekwedzelelwa neyekuphukutwa emkhatsini wato tonkhe tive leniyawube nisakatelwe kuto nguSimakadze.