Levithikusi 26:17 - Siswati 1996 Bible

¹⁷ Buso bami buyawumelana nani, bese nehlulwa titsa tenu, tona leto letinitondzako tiyawunibusa, nani nibaleke, ngisho nome seningasacoshwa ngumuntfu.

Levithikusi 26:17 Referencias Cruzadas

Genesisi 4:12

Nawulima umhlabatsi, ngeke usakunika sivuno sawo lesihle; wena sewuyawuba ngumhambuma neluzulane emhlabeni.”

1 Emakhosi 8:33

“Nangabe sive sakho, ema-Israyeli, sehlulwe sitsa saso, ngobe sonile kuwe, bese sigucukela kuwe, sivume Libito lakho, sithandaze sincuse kuwe sikulelithempeli,

2 Emakhosi 13:3

Ngako-ke lulaka lwaSimakadze lwavutsa etikwesive saka-Israyeli. Kwaba sikhatsi lesidze, solomane Simakadze abayekelele ngaphansi kwesandla saHazayeli, inkhosi yemaSiriya, kanye nesaBheni Hadadi, umsa wakhe.

2 Emakhosi 13:7

Kwase kute lokwase kusele emabutfweni akaJehoyahazi ngaphandle kwebagibeli bemahhashi lababengema-50, netincola temphi letilishumi, nemasotja labeshuca ngetinyawo labeti-10 000. Inkhosi yemaSiriya yayiwabhubhise onkhe lamanye, yawenta aba njengelutfuli lwanakubhulwako.

Tihlabelelo 44:10

Usicoshise ngetitsa tetfu, nalabamelene natsi bayatitapela nje lapha kitsi.

Tihlabelelo 53:5

Bayawufikelwa kwesaba lokukhulu, besabe ngisho nelite. Ngobe Nkulunkulu uyawasakata ematsambo alabo labakuhlaselako, uyawubahlazisa, ngobe Nkulunkulu wabadvuba wabalahla.

Tihlabelelo 53:6

Shangatsi ingavela eSiyoni insindziso yesive saka-Israyeli. Mhlazana Nkulunkulu acedza lusizi lwebantfu bakhe, aphindze abahlumelelisa, Jakobe uyawujabula, Israyeli atfokote.

Taga 28:1

Bantfu lababi babaleka ngisho nome kute umuntfu lobacoshako; kodvwa lolungile unesibindzi lesinjengeselibhubesi.

Isaya 30:17

Inkhulungwane iyawubaleka icoshwe kwetfuswa ngumunye nje, ngekusonga kwalabasihlanu niyawubhedvuka nonkhe nibaleke, nize nisale seninjengesibhonga lesisiboniso lesisele esicongweni sentsaba, nanjengendvwangu lephakanyiswe egcumeni.”

Isaya 63:10

Noko, bamhlubuka, badzabukisa Moya wakhe Longcwele. Ngako-ke wagucuka waba sitsa sabo, yena cobo lwakhe walwa nabo.

Jeremiya 19:7

“ ‘Emacebo akaJuda ngiyakuwahhihlitela kulendzawo kanye newaseJerusalema. Ngiyawubenta bawe ngenkemba embikwetitsa tabo, ngetandla talabo labatfungatsana netimphilo tabo, ngiyawunika tidvumbu tabo tibe kudla kwetinyoni tasemoyeni kanye nekwetilwane tesiganga.

Jeremiya 44:11

“Ngako-ke naku lokushiwo nguSimakadze longuSomandla, Nkulunkulu wema-Israyeli, utsi: Ngitimisele kwehlisela inhlekelele etikwenu nekubhubhisa Juda wonkhe.

Sililo 1:5

Titsa tayo setigucuke taba baphatsi bayo; titsa tayo tikhibikile. Simakadze sewehlisele kuyo kudzabuka ngenca yetono tayo letinyenti. Bantfwabayo bayiswa ekutfunjweni, sebatigcili kuto titsa tayo.

Sililo 2:4

Ujijimete umcibisholo wakhe njengesitsa, sandla sakhe sangesekudla silungele kulwa. Njengesitsa ujube bonkhe labebajabulisa emehlweni; watfulula lulaka lwakhe njengemlilo etikwelithende leNdvodzakati yaseSiyoni.

Hezekeli 15:7

Ngiyawubhekisa buso bami ngakubo ngimelane nabo. Nome baphumile emlilweni, noko lomlilo usetawubacedza. Ngesikhatsi ngibhekisa buso bami ngakubo ngimelana nabo, niyawukwati-ke kutsi mine nginguSimakadze.

Levithikusi 17:10

“ ‘Wonkhe umIsrayeli nome wetive lohlala nani lodla ingati, ngiyawumelana naye ngimncume esiveni sakubo.

Dutheronomi 28:25

“Simakadze uyakunenta nehlulwe titsa tenu. Niyakuta kuto nitetihlasela ngendlela yinye, kodvwa niyawubaleka seninhlanhlatsela niphume ngetindlela letisikhombisa; niyawuba yintfo yekwesatjiswa emkhatsini wayo yonkhe imibuso emhlabeni.

Joshuwa 7:4

Ngako kwakhuphuka emadvodza labengaba ti-3 000; kodvwa ehlulwa ngemadvodza ase-Ayi,

Tikhulu 2:14

Intfukutselo yaSimakadze yabavutsela baka-Israyeli, wabanikela etandleni tebaphangi, tabaphanga. Wabanikela etandleni tetitsa tabo letatibatungeletile, bangabe basakwati ngisho nekutivikela kuto.

Tikhulu 3:14

Ema-Israyeli abuswa ngu-Egloni, inkhosi yakaMowabi, iminyaka leli-18.

Tikhulu 3:8

Intfukutselo yaSimakadze yavutsela bema-Israyeli kangangekutsi wawatsengisa etandleni taKhushani Rishathayimu, inkhosi yaseMesophothamiya, lowagcilata ema-Israyeli iminyaka lesiphohlongo.

Tikhulu 6:2

Sandla semaMidiyani saba matima esiveni sema-Israyeli, ngako ema-Israyeli ase atentela imihume emigedzeni yetintsaba, nemigodzi yekubalekela kanye netinqaba.

1 Samuweli 12:15

Kodvwa naningamlaleli Simakadze, nimelana nanemiyalo yakhe, sandla sakhe siyakumelana nani, njengobe semelana naboyihlomkhulu.

1 Samuweli 31:1

EmaFilisti alwa nema-Israyeli; ema-Israyeli abaleka, labanyenti basala bafile entsabeni iGilbowa.

1 Samuweli 4:10

Ngako emaFilisti alwa, ema-Israyeli ehlulwa, kwaba nguleyo ndvodza yabaleka yayakutindvumbeka ethendeni layo. Kwaba nekubulawa lokukhulu, kwafa emabutfo ema-Israyeli labeti-30 000.