Levithikusi 25:10 - Siswati 1996 Bible

¹⁰ UMnyaka Wema-50 niyakuwungcwelisa nimemetele inkhululeko eveni lonkhe nakuto tonkhe takhamiti takhona. Kuyawuba nguMkhosi wekugubha iMinyaka Lengema-50 kini, ngulowo nalowo uyawuncandzeka abuyele kuleyo ndzawo bekungeyakhe, iphindze ibe yakhe nesitukulwane sakhe.

Levithikusi 25:10 Referencias Cruzadas

Ezra 1:3

Ngulowo nalowo wesive sakhe losemkhatsini wenu shangatsi Simakadze angaba naye, ahambe aye eJerusalema kaJuda, akhe lithempeli laSimakadze, Nkulunkulu wema-Israyeli, Nkulunkulu loseJerusalema.

Tihlabelelo 146:7

Labacindzetelwe yena uyabemelela, abaphe kudla labalambile. Simakadze ukhulula tiboshwa,

Eksodusi 20:2

“NginguSimakadze Nkulunkulu wenu lowanikhipha eGibhithe, eveni lebugcili.

Isaya 49:9

Utawutsi kulabatfunjiwe: ‘Phumani!’ nakulabo labasebumnyameni: ‘Khululekani!’ “Bayawudlela eceleni kwemigwaco, batfole emadlelo kuto tonkhe tintsatjana letigagadzekile.

Isaya 63:4

Ngobe lilanga lekuphindzisela belisenhlitiyweni yami; nemnyaka wekuhlenga labangebami sewufikile.

Jeremiya 34:10

Ngako tonkhe tindvuna nebantfu labangena kulesivumelwane bavumelana kutsi batatikhulula tigcili tabo letidvuna naletisikati, bangabe basabagcilata. Bavumelana, base bayatikhulula letigcili.

Jeremiya 34:8

Livi laSimakadze lefika kuJeremiya emvakwekutsi inkhosi Sedekiya seyente sivumelwane nabo bonkhe bantfu baseJerusalema kutewumemetela inkhululeko yetigcili.

Hezekeli 46:17

Kodvwa nangabe umbusi lobusako apha nome ngubani nje lamsebentelako incenye yelive lakhe, lelo live liyawubuye libe lalombusi futsi, nase kufike uMnyaka Wekubuyiselwa; futsi ngawo nemadvodzana awo kuphela lelingaba labo kokuphela lelo live.

Levithikusi 25:11

LoMnyaka Wekubuyiselwa uyawuba ngumkhosi wekugubha iMinyaka Lengema-50 kini; ngalowo mnyaka aniyiwuhlanyela, futsi aniyiwuvuna lutfo kuloko lokutimilele, nome nivune umvini longakanakekelwa.

Levithikusi 25:13

“ ‘Ngalowo Mnyaka Wema-50 bonkhe bantfu bayawubuyela etindzaweni lebekuvele kulifa labo.

Levithikusi 25:41

Kulowo mnyaka yena nebantfwabakhe kufanele bakhululwe, bese ubuyela emndenini wakubo emhlabeni waboyisemkhulu.

Levithikusi 25:54

Nome ngabe akahlengwa nangayinye yaletindlela, kodvwa kufanele yena nemndeni wakhe akhululwe ngeMnyaka Wekubuyiselwa,

Lukha 1:74

kutsi, nase sikhululiwe esandleni setitsa tetfu, simkhonte ngaphandle kwekwesaba,

2 kubaseKorinthe 3:17

INkhosi inguye Moya, lapho akhona Moya nenkhululeko ikhona.

KubaseGalathiya 4:25

Hagari umele iNtsaba yaseSinayi lese-Arabiya. Ufanekisa iJerusalema yanyalo legcilateke kanye nebantfwabayo.

KubaseGalathiya 5:13

Ngobe bazalwane, nabitelwa enkhululekweni; kuphela nje ningayisebentisi inkhululeko yenu kunika ematfuba ekwenta sono, kodvwa khontanani ngelutsandvo lomunye kulomunye.

1 yaPhetro 2:16

Nitiphatse njengebantfu labakhululekile, kodvwa ningakusebentisi kukhululeka kwenu kube simbonyo salokubi; kodvwa tiphatseni njengetinceku taNkulunkulu.