Levithikusi 24:9 - Siswati 1996 Bible

⁹ Siyawuba sa-Aroni nesemadvodzana akhe. Bayawusidlela endzaweni lengcwele, ngobe ngusona sabelo sabo lesingcwelengcwele eminikelweni leyentiwa ngemlilo kuSimakadze, kube simiso saphakadze naphakadze.”

Levithikusi 24:9 Referencias Cruzadas

Eksodusi 27:21

Aroni nemadvodzana akhe kufanele balinakekele lelithende lekuhlangana ngekulikhanyisa kusukela kusihlwa kuze kube ngusekuseni; lolutsi lwetibane kufanele lubekwe ngaphandle kwendvwangu lesembikwelibhokisi lesivumelwane, lapho ngikhona khona. Lomtsetfo kufanele wentiwe ngema-Israyeli titukulwane ngetitukulwane.”

Levithikusi 10:12

Mosi wakhuluma ku-Aroni nakumadvodzana akhe lamabili labesasele, bo-Eleyazare na-Ithamari, watsi: “Tsatsani lomnikelo walokutinhlavu losele kuleminikelo leyentiwe ngemlilo kuSimakadze, lesinkhwa lesingenambiliso nisidlele eceleni kwelilati, ngobe lomnikelo ungcwele kakhulu.

Levithikusi 10:17

“Anikawudleli ngani endzaweni lengcwele lomnikelo wesono? Lomnikelo ungcwele kakhulu, futsi unikelwe kini, khona kutewususwa sono sesive ngekwenta umsimeto wekutsetselelwa kwetono taso embikwaSimakadze.

Levithikusi 21:22

Lowo muntfu angakudla kudla lokungcwelengcwele kwaNkulunkulu wakhe kanye nekudla lokungcwele;

Levithikusi 24:10

Indvodzana yemfati longum-Israyeli labendze endvodzeni lengumGibhithe yesuka yangena emkhatsini wesive saka-Israyeli yacabana nem-Israyeli enkambu.

Levithikusi 3:17

Lona kutawuba ngumtsetfo wetitukulwane ngetitukulwane tenu, nome ngukuphi lapho niyawuhlala khona: kubete lodla emanoni nengati.”

Levithikusi 6:11

Uyawube sewukhumula letimphahla, afake letinye timphahla, acitse nalomlotsa ngaphandle kwenkambu endzaweni lehlantekile ngekwemtsetfo.

Levithikusi 6:16

Lokuyawusala lapho kuyawudliwa bo-Aroni nemadvodzana akhe. Kuyawudliwa kungakafakwa imbiliso, kudlelwe endzaweni lengcwele; kufanele kudlelwe esibuyeni selithende lekuhlangana.

Levithikusi 6:9

“Nika Aroni nemadvodzana akhe nansi imitsetfo lelandzelako lecondzene nemnikelo wekushiswa: Umnikelo wekushiswa uyawubekwa etikwelilati uhlale khona busuku bonkhe, nemlilo kufanele uhlale uvutsa busuku bonkhe kuze kuse.

Levithikusi 8:3

bese ubutsa sonkhe sive sema-Israyeli usihlanganise ndzawonye ekungeneni kwelithende lekuhlangana.”

Levithikusi 8:31

Mosi wakhuluma ku-Aroni nemadvodzana akhe watsi: “Tsatsani lenyama niyekuyiphekela ekungeneni kwelithende lekuhlangana, bese niyidlela khona lapho kanye naleso sinkhwa lesisekhatsi kulelo bhasikidi leminikelo yemgcobo, njengobe Simakadze ashito.

Malakhi 1:12

“Kodvwa nine niyalihlambalata ngekukhuluma ngelitafula laSimakadze nitsi: ‘Lingcolile,’ nangekudla kwalo, nitsi: ‘Kuyenyanyeka!’

Matewu 12:4

kutsi wangena endlini yaNkulunkulu wadla tinkhwa tekubekwa embikwaNkulunkulu, lebekungakafaneli kutsi tidliwe nguye, kanye nalabo labenabo, ngaphandle kwebaphristi kuphela?

Makho 2:26

Wangena endlini yaNkulunkulu ngesikhatsi kuphetse Abiyatha, umPhristi Lomkhulu, wadla tinkhwa lekwakunikelwe ngato kuNkulunkulu, nome kwakungakavunyelwa ngekwemtsetfo kutsi tidliwe ngulomunye umuntfu ngaphandle kwebaphristi kuphela. Kepha Davide watidla, wapha nalamadvodza labehamba nawo.”

Lukha 6:4

Wangena endlini yaNkulunkulu, watsatsa sinkhwa lesasinikelwe kuNkulunkulu, wasidla wapha nalamadvodza abehamba nawo, kantsi kuphambene nemtsetfo kutsi singadliwa ngulomunye umuntfu ngaphandle kwebaphristi.”

1 Samuweli 21:6

Umphristi wase utsatsa lesinkhwa lesasingcwele wasinika Davide, ngobe kwakute sinkhwa lapho ngaphandle kwesinkhwa sebukhona baSimakadze, lesase sisusiwe embikwaSimakadze, kwatsi esikhundleni saso kwabekwa leso lesasisesisha sisashisa.