Levithikusi 24:11 - Siswati 1996 Bible

¹¹ Lendvodzana yemfati longum-Israyeli yahlambalata libito laSimakadze ngekulicalekisa; bayitsatsa bayiletsa kuMosi. Unina bekunguShelomithi, indvodzakati yaDibri wesive sakaDani.

Levithikusi 24:11 Referencias Cruzadas

2 Samuweli 12:14

Kodvwa njengobe sewente loku, wenta kutsi titsa taSimakadze tingamhloniphi, lendvodzana yakho letawutalwa itakufa.”

1 Emakhosi 21:10

Kodvwa nibobe senihlalisa emahuzu lamabili embikwakhe, niwente afakaze kutsi ucalekise Nkulunkulu nenkhosi, bese nimkhiphela ngephandle, nimgcobe ngematje, aze afe.”

1 Emakhosi 21:13

Kwase kuvela emacili lamabili ahlala macondzana naye, abeka Nabothi licala embikwebantfu, atsi: “Nabothi ucalekise Nkulunkulu nenkhosi.” Ngako base bayamtsatsa Nabothi bamkhiphela ngephandle kwelidolobha, bamgcoba ngematje, waze wafa.

2 Emakhosi 18:30

Ningavumi kutsi Hezekiya aniyenge netsembele kuSimakadze, nakatsi: “Simakadze utasephula ngempela, lelidolobha lingeke linikelwe esandleni senkhosi yase-Asiriya.” ’

2 Emakhosi 18:35

Ngumuphi kubo bonkhe labonkulunkulu balamave lowake wakhona kusindzisa live lakhe esandleni sami? Simakadze-ke yena angayisindzisa kanjani iJerusalema esandleni sami?”

2 Emakhosi 18:37

Bo-Eliyakimu, umsa waHilkiya, labeyindvuna yesigodlo, naShebna labengumabhalane, kanye naJowa, umsa wa-Asafa, labengulobhalisako, bahamba bayawubikela Hezekiya, sebadzabule tingubo tabo, bafike bamtjela konkhe lokwakushiwo yindvuna lenkhulu yemphi yase-Asiriya.

2 Emakhosi 19:10

“Tjelani Hezekiya, inkhosi yakaJuda, nitsi: ‘Ungayengwa ngulonkulunkulu wakho lometsembako nakatsi: “IJerusalema ngeke inikelwe etandleni tenkhosi yase-Asiriya.”

2 Emakhosi 19:22

Ngubani lona lometfukile wamhlambalata? Ngubani lona bewumbhodlela umetfwalela emehlo? NguLongcwele waka-Israyeli!

2 Emakhosi 19:6

Isaya wakhuluma kuto, watsi: “Tjelani inkhosi yenu nitsi: ‘Naku lokushiwo nguSimakadze, utsi: Ningesatjiswa nguloko lenikuvile, lawo mavi ledzelelako etinceku tenkhosi yase-Asiriya letingihlambalate ngawo.

Jobe 1:11

Kodvwa ase welulele sandla sakho kuko konkhe lanako, ubone kutsi angeke yini akwetfuke.”

Jobe 1:22

Kuko konkhe loku Jobe akazange one ngekutsi asole Nkulunkulu.

Jobe 1:5

Bekutsi kungendlula lesikhatsi semadzili, bese Jobe utfumela kubantfwabakhe abahlambulule. Abevuka ekuseni ngetingweti abentele bonkhe umnikelo wekushiswa ngekwelinani labo, acabanga atsi: “Mhlawumbe bantfwabami bonile bacalekisa Nkulunkulu etinhlitiyweni tabo.” Lona bekungumkhuba waJobe, labewenta njalo nje.

Jobe 2:5

Kodvwa ase welule sandla sakho utsintse inyama yakhe nematsambo akhe, ubone kutsi angeke yini akwetfuke.”

Tihlabelelo 74:18

Khumbula-ke, Simakadze, kutsi sitsa sikwetfukile sikuhlambalatile. Sive lesilibele silihlambalatile libito lakho.

Tihlabelelo 74:22

Phutfuma, Nkulunkulu, utiphendvulele, ukhumbule labo labalibele, kutsi bakwetfuka imihla nemalanga.

Eksodusi 18:22

Akube ngawo lafanele kuba behluleli ngato tonkhe tikhatsi. Tindzaba nemacala lamatima bangawaletsa kuwe, kodvwa wona afanele atijubele emacala abo lamancane. Ngako ngalendlela utakwetfwala kamalula, lamadvodza etfwalisane nawe.

Eksodusi 18:26

Behlulela tindzaba tebantfu ngato tonkhe tikhatsi: Emacala lamatima bawaletsa kuMosi, kodvwa lamancane ancunywe ngibo.

Eksodusi 20:7

“Ungaliphatsi ngelite libito laSimakadze Nkulunkulu wakho; ngobe Simakadze uyawumbeka licala lowo lophatsa libito lakhe ngelite.

Eksodusi 22:28

“Ungakhulumi kabi ngaNkulunkulu, ungamcalekisi umholi wesive sakho.

Eksodusi 3:15

Nkulunkulu waphindze watsi kuMosi: “Ubokhuluma kuma-Israyeli utsi: ‘Simakadze, Nkulunkulu wabokhokho benu, naNkulunkulu wabo-Abrahama, naNkulunkulu wa-Isaka, naNkulunkulu waJakobe, ungitfume kini.’ Leli-ke libito lami phakadze naphakadze, tonkhe titukulwane tiyawungibita kanjalo.

Isaya 8:21

Bayawukwehla benyuka eveni bajabhile futsi balambile, ngesikhatsi sebahwaywe yindlala, bayawuvutsa ngelulaka, babuke etulu, bacalekise inkhosi yabo kanye naNkulunkulu wabo.

Levithikusi 24:10

Indvodzana yemfati longum-Israyeli labendze endvodzeni lengumGibhithe yesuka yangena emkhatsini wesive saka-Israyeli yacabana nem-Israyeli enkambu.

Matewu 26:65

Nasasho loku, umPhristi Lomkhulu wadzabula tingubo takhe watsi: “Vele, sewuhlambalatile; asisabudzingi lobunye bufakazi, seniyivile inkhulumo yakhe lehlambalatako!

KubaseRoma 2:24

Kubhaliwe kutsi: “Ngenca yenu, betive bahlambalata ligama laNkulunkulu.”

1 kuThimothi 1:13

Nome ngaphambilini ngangimlulata ngenhlamba, ngimtingela, ngimetfuka, kodvwa ngemukela bubele, ngobe ngangikwentiswa kungati ngesikhatsi ngingakakholwa.

Sembulo 16:11

Bacalekisa Nkulunkulu wasezulwini ngenca yebuhlungu babo netilondza tabo, kodvwa bangete baphendvuka emisebentini yabo lemibi.

Sembulo 16:21

Kwehla lesikhulu sangcotfo, lesingematje lamakhulu, sisindvo sawo lilinye litje bekungaba ngemakhilogremu langema-50. Lesangcotfo sehlela kubantfu labacalekisa Nkulunkulu ngenca yeluswati lababeshaywa ngalo, ngobe lwalwesabeka kakhulu.