Levithikusi 23:34 - Siswati 1996 Bible

³⁴ “Shano kubantfwana baka-Israyeli utsi: ‘Ngelilanga leli-15 kulenyanga yesikhombisa, emalanga lasikhombisa ngeweMkhosi Wemadlangala kuSimakadze wenu.

Levithikusi 23:34 Referencias Cruzadas

1 Emakhosi 12:32

Jerobowamu wasungula umkhosi welilanga leli-15 lenyanga yesiphohlongo njengalowa lowawentiwa kaJuda, wanikela nangemihlatjelo elatini. Loko abekwentela eBetheli, anikela kulamatfole labewabumbile. EBetheli nakhona waphindza wabeka baphristi etindzaweni letiphakeme labesatakhile.

1 Emakhosi 8:2

Onkhe emadvodza aka-Israyeli abutsana kuSolomoni, inkhosi, ngesikhatsi semkhosi wenyanga ya-Ethanimu, inyanga yesikhombisa.

1 Emakhosi 8:65

Ngako-ke Solomoni wenta lomkhosi ngaleso sikhatsi kanye naso sonkhe sive sema-Israyeli, bekungumhlangano lomkhulu kakhulu, bantfu babephuma kusukela eLebo Hamathi kuze kuyewufika emfudlaneni waseGibhithe. Bawenta embikwaSimakadze Nkulunkulu wetfu emalanga lasikhombisa nemalanga lasikhombisa, emalanga lali-14 asawonkhe.

Ezra 3:4

Bagubha uMkhosi wemaDlangala, njengobe kubhaliwe, kwentiwa yonkhe iminikelo yekushiswa lekwakufanele yentiwe ngalelo nangalelo langa.

Nehemiya 8:14

Bakhandza kubhaliwe emtsetfweni Simakadze labeyale ngawo ema-Israyeli ngaMosi kutsi afanele ahlale emadlangaleni ngesikhatsi semkhosi wenyanga yesikhombisa,

Eksodusi 23:16

“Ubogubha uMkhosi Wesivuno ngesivuno setilinga tekucala tensimi yakho. “Ubogubha uMkhosi Wekubutsa ekupheleni kwemnyaka, nase ubutsa sivuno lesititfukutfuku takho.

Eksodusi 34:22

“Ubowugubha uMkhosi Wekuvuna Kolo, lokunguMkhosi Wemaviki. Ubowugubha neMkhosi Wekubutsa ekupheleni kwemnyaka.

Hezekeli 45:25

“ ‘NgeMkhosi Wemadlangala locala ngelilanga leli-15 enyangeni yesikhombisa, umbusi uyawunikela onkhe emalanga umnikelo lofananako wesonok, kuze kuphele lamalanga lasikhombisa, anikele nangemnikelo lofananako wekushiswa samuku, nemnikelo lofananako walokutinhlavu kanye nemafutsa emncumo.’ ”

Levithikusi 23:33

Simakadze wakhuluma kuMosi, watsi:

Levithikusi 23:42

Niyawuhlala emadlangaleni emalanga lasikhombisa, bonkhe lababewutalwa baka-Israyeli bayawuhlala emadlangaleni,

Levithikusi 23:43

kuze titukulwane tenu tati kutsi ngenta sive sema-Israyeli kutsi sihlale emadlangaleni, mhlazane ngibakhipha eveni laseGibhithe. NginguSimakadze, Nkulunkulu wenu.’ ”

Numeri 29:12

“ ‘Ngelilanga leli-15 lenyanga yesikhombisa niyawuba nemhlangano longcwele, ningatsintsi lutfo lolungumsebenti. Niyakwenta lomkhosi kuSimakadze emalanga lasikhombisa.

Johane 1:14

Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.

Johane 7:2

Bese kusondzele uMkhosi wemaJuda wemaDlangala.

Dutheronomi 16:16

“Onkhe emadvodza esive sakini kufanele ete katsatfu ngemnyaka atetibonakalisa kuSimakadze Nkulunkulu wenu kuleyo ndzawo Simakadze latayikhetsa: eMkhosini Wesinkhwa Lesingenambiliso, naseMkhosini Wemaviki, naseMkhosini Wemadlangala. Kufanele kubete indvodza leyawuta itetibonakalisa kuSimakadze ingakaphatsi lutfo.

Dutheronomi 31:10

Mosi wase uyabayala utsi: “Njalo nje ekupheleni kweminyaka lesikhombisa, ngemnyaka wekwesulwa kwetikwenede, ngesikhatsi seMkhosi Wemadlangala,

KumaHebheru 11:13

Bonkhe laba bafa bakholiwe bangakakwemukeli loko lababetsenjiswe kona, kodvwa bakubona bakwemukela kusekhashane, bavuma kutsi lapha emhlabeni babafokati netihambi.

KumaHebheru 11:9

Ngekukholwa waba sihambi eveni labetsenjiswe lona. Wahlala emathendeni; benta njalo nabo-Isaka naJakobe. Nabo baba tindlalifa kanye naye kuso leso setsembiso,