Levithikusi 23:28 - Siswati 1996 Bible

²⁸ Ngalelo langa aniyiwutsintsa lutfo lolungumsebenti, ngobe kuLilanga Lenhlawulo Yekubuyisana kuSimakadze lekutsi nibuyisane ngenhlawulo kuSimakadze longuNkulunkulu wenu.

Levithikusi 23:28 Referencias Cruzadas

Isaya 53:10

Simakadze utsi: “Noko kwaba yintsandvo yaSimakadze kutsi ayinyatsele, ayente ihlupheke, nome Simakadze enta kuphila kwayo kwaba ngumhlatjelo welicala, iyawubona situkulwane sayo, yandzise nemalanga ekuphila kwayo, intsandvo yaSimakadze iyawuphumelela ngesandla sayo.

Danyela 9:24

“Tikhatsi letingema-70 timiselwe bantfu bakini, nelidolobha lakini kutsi bayekele kona nekwephula imitsetfo, bacedze tono, bahlawulele bubi, bangenise kulunga kwaphakadze, kuciniselwe umbono netiphrofetho, kugcotjwe lowo Longcwelengcwele.

Levithikusi 16:30

ngobe ngalelo langa nitakwentela inhlawulo yekubuyisana kuSimakadze, khona nitewuhlambuluka etonweni tenu nibe msulwa embikwaSimakadze.

Levithikusi 16:33

ente kuSimakadze inhlawulo yekubuyisana kwendzawo lengcwelengcwele nekwelithende lekuhlangana, nekwelilati, nekwebaphristi kanye nekwesive sonkhe.

Levithikusi 16:34

Lomtsetfo kufanele ugcinwe, wentiwe titukulwane ngetitukulwane. Inhlawulo yekubuyisana kuSimakadze iyakwentiwa kanye ngemnyaka, yentelwe tonkhe tono tema-Israyeli.” Konkhe kwentiwa njengobe Simakadze abeyale Mosi.

Levithikusi 23:27

“Ngelilanga lelishumi lalenyanga yesikhombisa kuyawuba Lilanga Lenhlawulo Yekubuyisana kuSimakadze. Kini lelo langa kuyawuba lemkhosi longcwele. Niyawutitfoba ngekutsi niletse umnikelo lowentiwa ngemlilo kuSimakadze.

Zakhariya 3:9

Buka, litje lengilimise embikwaJeshuwa. Kunemehlo lasikhombisa kulelitje linye, mine ngitawucopha umbhalo kulo, nesono salelive ngiyawusisusa ngalanga linye,’ kusho Simakadze longuSomandla.

KumaHebheru 10:10

Njengobe Jesu Khristu wenta intsandvo yaNkulunkulu, wanikela ngemtimba wakhe, sesihlanjululwe kwaba kanye kwenela.

KumaHebheru 10:14

Ngobe ngamnikelo munye ubahlante bonkhe, wabenta baphelela kuze kube phakadze.

KumaHebheru 9:12

Wangena kanye kwenela endzaweni lengcwelengcwele, angakaphatsi ingati yetimbuti neyematfole, kodvwa aphetse ingati yakhe lucobo, kungako nje asizuzela kuhlengwa kwaphakadze.

KumaHebheru 9:26

Kube Khristu akangenanga kanye, bekuyawudzingeka kutsi ahlupheke kanyenti kusukela ekusekelweni kwendalo yonkhe. Kodvwa esikhundleni saloko, ubonakaliswe kwaba kanye, kwenela, ekugcineni kwetikhatsi, kuze asuse sono ngenhlawulo lenguye cobo lwakhe.

1 yaJohane 2:2

nguye loyinhlawulo yetono tetfu, hhayi tetfu sodvwa, kodvwa netemhlaba wonkhe.

1 yaJohane 4:10

Ngulolo-ke lutsandvo, hhayi kutsi ngitsi lesatsandza Nkulunkulu, kepha kutsi nguye lowasitsandza, wadzimate watfumela iNdvodzana yakhe kutsi ibe yinhlawulo yetono tetfu.

1 yaJohane 5:6

Nguye Jesu Khristu loweta ngemanti nangengati; kungesiko ngemanti odvwana kepha ngemanti nangengati, naMoya ungufakazi ngobe Moya uliciniso.