Levithikusi 23:27 - Siswati 1996 Bible

²⁷ “Ngelilanga lelishumi lalenyanga yesikhombisa kuyawuba Lilanga Lenhlawulo Yekubuyisana kuSimakadze. Kini lelo langa kuyawuba lemkhosi longcwele. Niyawutitfoba ngekutsi niletse umnikelo lowentiwa ngemlilo kuSimakadze.

Levithikusi 23:27 Referencias Cruzadas

Ezra 8:21

Ngakhona lapho emseleni i-Ahava ngamemetela kutsi akuzilwe, khona sitewutitfoba embikwaNkulunkulu wetfu sicela kutsi asiphephise endleleni yetfu, nebantfwabetfu kanye nato tonkhe timphahla tetfu.

Tihlabelelo 35:13

Kantsi nakugula bona, mine ngembatsa inzilo; umphefumulo wami ngawugongonya ngekuzila, noko ngacinisela ekuthandazeni.

Eksodusi 30:10

Kanye ngemnyaka Aroni abenta inkonzo yekubuyisana kuSimakadze, ayentele etimphondvweni totine telilati; leyo nkonzo yekuhlawulela tono ngemnikelo wengati, iyakwentiwa njalo nje kanye ngemnyaka. Loko niyawukwenta titukulwane ngetitukulwane. Lelilati kufanele libe ngcwele lehlukaniselwe mine, Simakadze.”

Isaya 58:5

Ngiyona leyo yini inhlobo yekuzila kudla lengiyikhetsile mine, lilanga linye nje kutsi indvodza ititfobe? Lokuzila kwekutsi umuntfu akhotsame nje kuphela yini, ngekubhekisa inhloko phansi njengemhlanga, nekutsi embatse emasaka atitsele ngemlotsa? Nguloko-ke yini nine lenitsi kuzila kudla, lilanga lelemukelekile kuSimakadze?

Levithikusi 16:11

“Aroni kufanele anikele ngalenkunzana lekufanele ibe ngumhlatjelo wesono sakhe, ente inhlawulo yekubuyisana kwakhe nekwemndeni wakhe kuSimakadze, bese uyayibulala-ke.

Levithikusi 16:15

“Emvakwaloko uyawube sewubulala lembuti kutsi itewuba ngumnikelo wesono sesive sonkhe, bese ungenisa lengati yayo ngale kwendvwangu ente njengobe entile ngengati yenkunzi, afafate ngayo etikwesihlalo semusa nasembikwaso.

Levithikusi 16:16

Ngaleyo ndlela uyakwentela indzawo lengcwelengcwele inhlawulo yekubuyisana ngenca yekungcola kwebantfu baka-Israyeli ngekwemtsetfo nangenca yekona kwabo nato tonkhe tono tabo, alentele njalo nelithende lekuhlangana lelihlala emkhatsini wabo, litungeletwe kungcola kwabo ngekwemtsetfo.

Levithikusi 16:24

Utawutigeza umtimba ngemanti, agezele endzaweni lengcwele, bese ugcoka letimphahla takhe temihla ngemihla. Emvakwaloko utawuphuma atinikelele yena nesive sonkhe ngemnikelo wekushiswa, ente kuSimakadze inhlawulo yekubuyisana kwakhe nekwesive sonkhe.

Levithikusi 23:26

Simakadze wakhuluma kuMosi, watsi:

Levithikusi 23:28

Ngalelo langa aniyiwutsintsa lutfo lolungumsebenti, ngobe kuLilanga Lenhlawulo Yekubuyisana kuSimakadze lekutsi nibuyisane ngenhlawulo kuSimakadze longuNkulunkulu wenu.

Levithikusi 25:9

Ngelilanga lelishumi enyangeni yesikhombisa niyawushaya licilongo; yebo, ngalo lelo langa lekubuyisana niyawuvakalisa licilongo eveni lenu lonkhe.

Zakhariya 12:10

“Ngiyawutfululela etikwendlu yakaDavide nasetikwabo bonkhe labahlala eJerusalema Moya wemusa newekuncusa. Bayakumbuka lowo lebamgwaza, bese bayamlilela njenganakulilelwa umntfwana lotelwe waba yedvwa kabo, bamdzabukele kakhulu, njengemuntfu nakadzabukela indvodzana yematubulo.

Imisebenti yebaPhostoli 27:9

Njengobe sikhatsi lesidze sase sendlulile sikuleyo ndzawo neluhambo lwetfu seluyingoti kakhulu ngobe ngaleso sikhatsi lilanga lekuzila lase lendlulile, ngako Pawula wabeluleka watsi:

YaJakobe 4:9

Khatsatekani, nidzabuke, nilile; kuhleka kwenu akugucuke kube kulila, nekujabula kwenu akube kujabha.