Levithikusi 22:23 - Siswati 1996 Bible

²³ Noko ninganikela ngenkhomo nome ngemvu lechwalile kutsi ibe ngumnikelo wesihle, kodvwa ingeke yemukeleke nayinikelelwa kufeza setsembiso.

Levithikusi 22:23 Referencias Cruzadas

Eksodusi 35:29

Onkhe ema-Israyeli, labadvuna nalabasikati, lababenetinhlitiyo letivumako tekunikelela wonkhe lomsebenti, Simakadze labeyale Mosi kutsi awente, bakuletsa kuSimakadze, kwaba ngumnikelo wesihle.

Levithikusi 21:18

Kute lonesici loyawusondzela: loyimphumphutse nome lochutako, nome lonebuso lobungakapheleli, nome lonetitfo temtimba letichwalile,

Levithikusi 22:22

Unganikeli kuSimakadze ngesilwane lesingaboni, nome lesilimele, nome lesichwalile, nome lesinetilondza, nome lesinetinsumphe, nome lesinetilondza letivuta luhluti. Ningacali ninikele ngaletilwane letinjena elatini kutsi tibe ngumnikelo lowentiwa ngemlilo kuSimakadze.

Levithikusi 22:24

Akukafaneli ninikele kuSimakadze ngesilwane lesinemasendze lahuzukile, nome lapitjitekile, nome laphakuliwe nome lasikekile. Ningacali nikwente loko eveni lenu.

Malakhi 1:8

Naniletsa tifuyo letitindlobho kutsi titewuba ngumhlatjelo, kulungile yini loko? Nanenta umhlatjelo ngesifuyo lesichutako nome lesigulako, kulungile yini loko? Yetamani kunikela ngato kumbusi wenu! Anganijabulela yini? Anganemukela yini?” kusho Simakadze longuSomandla.

Dutheronomi 15:21

Nangabe sifuyo sichwalile, sichuta nome siyimphumphutse, nome sinesiyela lesibi kabi, ungacali usente umhlatjelo kuSimakadze Nkulunkulu wakho.

Dutheronomi 17:1

“Ninganikeli kuSimakadze Nkulunkulu wenu umhlatjelo wenkhomo, nome wemvu, nome wembuti lechwalile nome lenesiyela, ngobe loko kusinengiso kuSimakadze.