Levithikusi 22:2 - Siswati 1996 Bible

² “Tjela Aroni nemadvodzana akhe kutsi bayihloniphe iminikelo lengcwele lenikelwe kimi ngema-Israyeli, khona bangetiwulihlambalata libito lami lelingcwele. NginguSimakadze.

Levithikusi 22:2 Referencias Cruzadas

Ezra 8:28

Ngakhuluma kubo ngatsi: “Nine kanye naletimphahla seninikelwe kuSimakadze. Isiliva nalegolide sekungumnikelo wesihle lonikwe Simakadze Nkulunkulu waboyihlo.

Eksodusi 13:12

niyawulehlukanisela Simakadze litubulo lelingumfana. Onkhe ematubulo etifuyo letidvuna ayakuba ngewaSimakadze.

Eksodusi 28:38

Aroni kufanele akufake ebuntini lakhe, khona atekutsatsa onkhe emaphutsa esive sema-Israyeli lababe nawo, khona iminikelo yabo itekwamukeleka, nome ngabe bebonile ekunikeleni ngayo.

Isaya 52:11

Sukani, sukani, niphume eBhabhulona! Ningatsintsi lutfo lolungcolile ngekwemtsetfo! Phumani kulelo dolobha, nitihlambulule nibe msulwa, nine leniphatsa titja taSimakadze.

Hezekeli 44:8

Esikhundleni sekwenta umsebenti wenu macondzana netintfo tami letingcwele, nibeke labanye bantfu kutsi baphatse indzawo yami lengcwele.

Levithikusi 15:31

“ ‘Kufanele uwehlukise kanjalo-ke ema-Israyeli etintfweni letingabenta bangcole, kuze bangafeli ekungcoleni kwabo ngekwedzelela lithende lami lekukhontela nome indzawo yami lengcwele lesemkhatsini wabo.

Levithikusi 18:21

Unganikeli ngemntfwanakho kutsi abe ngumhlatjelo kuMoloki, ngobe kufanele ningalihlambalati libito laNkulunkulu wenu. NginguSimakadze.

Levithikusi 19:12

Ningalifungeli lite libito lami, ningalihlambalati libito laNkulunkulu wenu. NginguSimakadze.

Levithikusi 20:3

Buso bami ngiyawubufulatselisa kulowo muntfu ngimncume esiveni sakubo, ngobe phela ngekunikela ngebantfwabakhe kuMoloki ungcolise indlu yami lengcwele, wahlambalata libito lami lelingcwele.

Levithikusi 21:6

Kufanele babe ngcwele embikwaNkulunkulu wabo, bangalihlambalati libito laNkulunkulu wabo, ngobe ngabo labaletsa umnikelo lowentiwa ngemlilo kuSimakadze, sinkhwa saNkulunkulu wabo; ngako-ke kufanele babe ngcwele.

Levithikusi 22:1

Simakadze wakhuluma kuMosi, watsi:

Levithikusi 22:32

Ningalihlambalati libito lami lelingcwele. Sonkhe sive sema-Israyeli siyawungidvumisa sitsi ngingcwele. NginguSimakadze loningcwelisako,

Numeri 18:32

Njengobe nitawunikela ngalokuhle kakhulu kwako, ningeke nibe nelicala ngaloko; ngako-ke ningeke niyingcolise iminikelo lengcwele yema-Israyeli, futsi ningeke nife ngalelo cala.’ ”

Dutheronomi 15:19

“Simakadze Nkulunkulu wakho uyakumehlukanisela onkhe ematubulo lamadvuna etinkhomo netimvu kanye netimbuti. Ungawabopheli ematubulo etinkhomo takho futsi ungawahhuli ematubulo etimvu takho.