Levithikusi 22:18 - Siswati 1996 Bible

¹⁸ “Tjela Aroni nemadvodzana akhe kanye nesive sonkhe sema-Israyeli, utsi: ‘Nome ngangubani wesive sema-Israyeli nome wetive losemkhatsini wenu nakaletsa umnikelo wekushiswa kuSimakadze wekufeza setsembiso nome umnikelo wesihle,

Levithikusi 22:18 Referencias Cruzadas

2 Tikhronike 31:14

Khore, umsa waJimna, umLevi, umgadzi weLisango langaseMphumalanga, yena abengamele leminikelo yesihle leyayiletfwa kuNkulunkulu, nguye bekaba iminikelo leletfwa kuSimakadze kanye netipho letingcwele.

Tihlabelelo 116:14

Tifungo tami ngiyawutifeza kuSimakadze, embikwabo bonkhe bantfu bakhe.

Tihlabelelo 116:18

Tifungo tami ngitatifeza kuSimakadze embikwabo bonkhe bantfu bakhe,

Tihlabelelo 22:25

Ungivusela lusinga lwekudvumisa emkhatsini welibandla lelikhulu. Tifungo tami ngiyawutifeza tigcwaliseke embikwabo bonkhe labakwesabako.

Tihlabelelo 56:12

Hhawu, Nkulunkulu, ngibopheleke kuwe ngetetsembiso tami. Ngiyawunikela kuwe iminikelo yekubonga.

Tihlabelelo 61:5

Wena, Nkulunkulu, utivile tetsembiso tami, ngobe nguwe lobanika lifa, labo labalesabako libito lakho.

Tihlabelelo 61:8

Ngako libito lakho ngiyawulidvumisa kuze kube phakadze, kuze ngigcwalise tetsembiso tami imihla ngemihla.

Tihlabelelo 65:1

Yebo Nkulunkulu, lukufanele ludvumo eSiyoni, tetsembiso tetfu kufanele tigcwaliseke kuwe.

Tihlabelelo 66:13

Ngiyawungena endlini yakho ngineminikelo yekushiswa; ngigcwalise tetsembiso tami kuwe,

Eksodusi 12:5

Lelizinyane lenu kufanele kube ngulelite sici, libe nemnyaka munye budzala; nilehlukanise nemhlambi wetimvu nome wetimbuti.

Umshumayeli 5:4

Nawenta sifungo kuNkulunkulu, ungacali wephute ekusifezeni. Akatijabuleli tilima; sifungo sakho sifeze.

Levithikusi 1:10

“Nangabe anikela ngemvu nome ngembuti kutsi ibe ngumnikelo wekushiswa, kufanele kube sihhanca nome siwewe lesingenasiyela.

Levithikusi 1:2

“Tjela sive sema-Israyeli imitsetfo lekufanele siyigcine nasiletsa imihlatjelo yekushiswa kuSimakadze. “Nangabe umuntfu anikela ngesilwane kutsi sibe ngumhlatjelo, kufanele kube yinkunzana nome yimvu nome yimbuti.

Levithikusi 17:10

“ ‘Wonkhe umIsrayeli nome wetive lohlala nani lodla ingati, ngiyawumelana naye ngimncume esiveni sakubo.

Levithikusi 17:13

“ ‘Wonkhe um-Israyeli nome wetive lohlala nani lotingela inyamatane nome inyoni ledliwako, kufanele aphomphise yonkhe lengati yayo, bese uyigcibedzela ngemhlaba,

Levithikusi 22:17

Simakadze wachubeka wakhuluma kuMosi, watsi:

Levithikusi 23:38

Ngaphandle kweliSabatha laSimakadze nangaphandle kwetipho tenu kanye naleminye nje iminikelo lenitentela yona ngetetsembiso neminikelo yenu yesihle leniyinikela kuSimakadze.

Levithikusi 7:16

“ ‘Nangabe umuntfu aletsa umnikelo wekufeza setsembiso nome umnikelo wesihle, kufanele udliwe ngalelo langa lawunikela ngalo; nakukhona lokusele, kungaphindze kudliwe futsi nangakusasa.

Amose 4:5

Shisani sinkhwa senu lesinemvubelo kube ngumnikelo wekubonga, tigabatiseni ngeminikelo yenu yesihle. Gungubalani ngayo, nine ma-Israyeli, ngobe nguko loko lenitsandza kukwenta.

Jona 1:16

Loko kwenta lamatilosi esabe Simakadze kakhulu kangangekutsi adzimate amentela umhlatjelo; etsembisa nekumkhonta.

Jona 2:9

Kepha mine ngiyawuhlabela kuwe ngelivi lekubonga, nginikele ngemihlatjelo; loko lengikufungele ngiyawukufeza. Insindziso ivela kuSimakadze.”

Nahume 1:15

Bukani lapha etikwetintsaba, tinyawo talowo loniletsela tindzaba letimnandzi, lowo lomemetela kuthula. Gubhani imikhosi yenu, nine maJuda, nigcwalise tifungo tenu. Sekute lababi labayakunihlasela. Bayawubhubha bonkhe baphele.

Malakhi 1:14

“Ucalekisiwe umuntfu lotsi anesifuyo lesemukelekako lesidvuna emhlambini wakhe, afunge kutsi utawunikela ngaso, kodvwa bese uyesuka lapho unikela kuSimakadze ngalesinye lesinesici. Ngobe mine ngiyinkhosi lenkhulu, neLibito lami liyesatjwa etiveni tonkhe,” kusho Simakadze longuSomandla.

Numeri 15:3

nibobe seniletsa iminikelo leyentiwa ngemlilo kuSimakadze, ibe yetinkhomo, nome yetimbuti, nome yetimvu, kube liphunga lelinuka lusi lolumnandzi kuSimakadze. Kungaba ngumnikelo wekushiswa, nome umhlatjelo wekugcwalisa setsembiso lesitsite, nome umnikelo wesihle, nome iminikelo yemikhosi.

Imisebenti yebaPhostoli 18:18

Pawula wahlala nebazalwane emalanga lamanyenti. Wase uyabashiya wahamba ngemkhumbi naboPhrisila na-Akhwila baya eSiriya. Angakahambi eKhenkhariya wahhula inhloko yakhe, ngobe abente sifungo.

Dutheronomi 12:17

Aniyikudlela emadolobheni enu kwelishumi kwenu kwalokutinhlavu, nome kweliwayini lelisha, nome kwemafutsa, nome kwematubulo emihlambi yenu yetinkhomo, neyetimbuti, neyetimvu, nome ngabe seyini-ke lenetsembisele kwephana ngayo, neminikelo yenu yesihle, netipho tenu letimcoka.

Dutheronomi 12:6

nimikise iminikelo yenu yekushiswa nemihlatjelo, nekwelishumi kwenu, netipho tenu leto lenincume ngato kutsi nitatiletsa, neminikelo yenu yesihle kanye nematubulo enu etinkhomo netimvu.

Dutheronomi 16:10

Niyakube senigubha uMkhosi Wemaviki, lekunguMkhosi Wekuvuna Kolo, kuSimakadze Nkulunkulu wenu ngekuletsa iminikelo yesihle ngangekwesibusiso Simakadze Nkulunkulu lanibusise ngaso.