Levithikusi 2:13 - Siswati 1996 Bible

¹³ Wonkhe umnikelo wenu walokutinhlavu nibowuvanga ngeluswayi. Ningacali nilushiye luswayi lwesivumelwane saNkulunkulu eminikelweni yenu yalokutinhlavu. Kufanele niyifake luswayi yonkhe iminikelo yenu.

Levithikusi 2:13 Referencias Cruzadas

2 Tikhronike 13:5

Anati yini kutsi Simakadze, Nkulunkulu wema-Israyeli, bukhosi baka-Israyeli wabunika Davide kanye netitukulwane takhe ngesivumelwane seluswayi, lesingeke sephulwe, kuze kube phakadze naphakadze?

Ezra 7:22

kuze kuyewufika kumakhilogremu langaba ti-3 400 esiliva, nemakhilogremu langaba ti-10 000 akolo, nemalitha langaba ti-2 000 eliwayini, nemalitha langaba ti-2 000 emafutsa emncumo kanye nalo lonkhe luswayi loludzingekile.

Eksodusi 30:35

Tihlanganise ndzawonye njengengcweti yalomsebenti, utente tibe yimphepho yemakha lanongwe ngeluswayi, khona itawuba ngulehlantekile nalengcwele.

Hezekeli 43:24

Kufanele konkhe ukunikele embikwaSimakadze, baphristi kufanele banyenyete ngeluswayi etikwako, bakunikele kube ngumhlatjelo wekushiswa kuSimakadze.

Numeri 18:19

“Konkhe lokwehlukaniselwe eceleni eminikelweni lengcwele lenikelwe ngema-Israyeli kuSimakadze ngikupha wena nemadvodzana akho nemadvodzakati akho, kutsi kube ngusona sabelo sakho titukulwane ngetitukulwane. Kusivumelwane saphakadze seluswayi kuSimakadze, kutsi sibe sakho nesebantfwabakho.”

Matewu 5:13

“Nine niluswayi lwelive, kodvwa nangabe luswayi selulahlekelwe bunandzi balo, pho, lobunandzi balo bungabuyiselwa njani? Alusenamsebenti walutfo, kuphela nje kutsi lulahlwe ngephandle, lunyatselwe ngetinyawo.

KubaseKholose 4:6

Kukhuluma kwenu akube nemusa ngaso sonkhe sikhatsi, nikunandzise njengeluswayi ekudleni, khona nitekwati lenifanele kubaphendvula ngako bantfu.