Levithikusi 19:5 - Siswati 1996 Bible

⁵ “ ‘Naninikela umhlatjelo wekuthula kuSimakadze, wunikeleleni kutsi nemukeleke.

Levithikusi 19:5 Referencias Cruzadas

2 Tikhronike 31:2

Hezekiya wabela baphristi nemaLevi imisebenti yabo ngeticheme tabo, nguleso naleso sicheme njengekwemsebenti waso: Bekungumsebenti wekunikela iminikelo yekushiswa neyebudlelwane, nemsebenti wekukhonta, newekubonga, newekuhlabela tingoma tekudvumisa emasangweni endzawo yaSimakadze yekuhlala.

Eksodusi 24:5

Watfuma emajaha etive tema-Israyeli, anikela iminikelo yekushiswa, ngemihlatjelo ngetinkunzana taba ngiminikelo yekuthula kuSimakadze.

Hezekeli 46:12

“ ‘Nangabe umbusi alungisa umnikelo wakhe wesihle kuSimakadze, nome ngumhlatjelo wekushiswa samuku nome iminikelo yebudlelwane, lisango langasemphumalanga lelingenela esibuyeni sangekhatsi liyawuvulelwa yena. Uyawukwenta umnikelo wakhe njenganakenta ngemalanga emaSabatha, lelisango kufanele liphindze livalwe, nase aphumile.’ ”

Hezekeli 46:2

Lombusi lobusako uyawuphuma kulesibuya sangephandle angene emhubheni welisango, eme ngasensikeni yelisango, ngesikhatsi baphristi basashisa umnikelo wakhe wekushiswa, banikele nangeminikelo yakhe yebudlelwane. Kufanele akhonte akhotsame khona lapho emphundvwini, bese usuka lapho uyaphuma. Lelisango kufanele lingavalwa kuze kuhlwe.

Levithikusi 1:3

Nangabe anikela ngesilwane kutsi sibe ngumnikelo wekushiswa, kufanele aletse inkunzana lengenasiyela. Kufanele ayinikelele ekungeneni kwelithende lekuhlangana, khona Simakadze atewumemukela.

Levithikusi 19:4

“ ‘Ningagucuki bese nikhonta tithico nome nitentele bonkulunkulu lababunjwe ngensimbi. NginguSimakadze, Nkulunkulu wenu.

Levithikusi 19:6

Kufanele udliwe ngalona lelo langa lonikelwe ngalo nome ngakusasa kwalo; loko lokusele kwaze kwaba lilanga lesitsatfu kuyawushiswa ngemlilo.

Levithikusi 22:19

kufanele niletse lokudvuna lokute siyela kukhetfwe etinkhomeni, nome etimvini, nome etimbutini, khona kutawukwemukelwa egameni lenu.

Levithikusi 22:21

Nangabe umuntfu aletsa umnikelo wekuthula kuSimakadze kutsi atewufeza setsembiso sakhe nome umnikelo wesihle, leso silwane kufanele sibete sici, khona sitekwemukeleka.

Levithikusi 22:23

Noko ninganikela ngenkhomo nome ngemvu lechwalile kutsi ibe ngumnikelo wesihle, kodvwa ingeke yemukeleke nayinikelelwa kufeza setsembiso.

Levithikusi 22:29

Naninikela umhlatjelo wekubonga kuSimakadze, nibowunikelela kutsi wemukeleke esikhundleni senu.

Levithikusi 7:16

“ ‘Nangabe umuntfu aletsa umnikelo wekufeza setsembiso nome umnikelo wesihle, kufanele udliwe ngalelo langa lawunikela ngalo; nakukhona lokusele, kungaphindze kudliwe futsi nangakusasa.

Levithikusi 7:18

Nangabe leyo nyama yemnikelo wakhe wekuthula seyidliwa ngelilanga lesitsatfu, lomnikati wawo angeke asemukeleka kanye nemnikelo wakhe. Lomnikelo utawuba sinengiso, nalowo lowudlako uyakwetfwala licala.