Levithikusi 19:31 - Siswati 1996 Bible

³¹ “ ‘Ningayi kuyawukhendla kulabanemadloti nome kuyawuphengula etangomeni; ngobe nanenta loko, niyawuba ngulabangcolile. NginguSimakadze, Nkulunkulu wenu.

Levithikusi 19:31 Referencias Cruzadas

2 Emakhosi 17:17

Benta imihlatjelo ngemadvodzana nangemadvodzakati abo bawashisa ngemlilo. Baphengula, babhula, batitsengisa ekwenteni bubi emehlweni aSimakadze, bamcunula.

2 Emakhosi 21:6

Wanikela ngendvodzana yakhe kutsi ishiswe ngemlilo, wangenela bungoma nemilingo, wabuye watihlanganisa nalabanemadloti kanye nalabaphengulako. Wenta lokubi kakhulu emehlweni aSimakadze, wamtfukutselisa.

2 Emakhosi 23:24

Ngetulu kwaloko Josaya wabucitsa bonkhe bungoma, nemandzawe, netithico temindeni, netitfombe kanye nato tonkhe tintfo letisinengiso kaJuda naseJerusalema. Loko wakwentela kugcwalisa nekuhlangabetana naloko lokwakufunwa ngumtsetfo lowawubhalwe encwadzini leyatfolwa nguHilkiya, umphristi, ethempelini laSimakadze.

1 Tikhronike 10:13

Sawula wafa, ngobe abengaketsembeki kuSimakadze; akazange aligcine livi laSimakadze, wadzimate wayawufuna indlela nasesangomeni imbala,

2 Tikhronike 33:6

Wanikela ngemadvodzana akhe kutsi ashiswe emlilweni eSigodzini sakaBheni Hinomu, wangenela bungoma, nemilingo, nebutsakatsi, watihlanganisa nalabanemadloti nalabaphengulako. Wenta lokubi kakhulu emehlweni aSimakadze, wamtfukutselisa.

Eksodusi 22:18

“Umfati longumtsakatsi kufanele nimbulale, ningamvumeli kutsi aphile.

Isaya 29:4

Uyawukhuluma sewulele phansi sengikwehlisile; inkhulumo yakho kuyawuba kuvungama nje kwaselutfulini. Liphimbo lakho liyawuvakala njengelesipoko emhlabatsini; livi lakho liyawuvumbuka livela elutfulini.

Isaya 47:13

Tonkhe teluleko lotitfolile temacebo setikugugisile. Abavele ebaleni phela lababhuli bakho, labo labahlola tinkhanyeti, bese bayakutjela inyanga ngenyanga kutsi utakwehlelwa yini, abakusindzise kuloko lokutakwehlela.

Isaya 8:19

Bantfu batanitjela kutsi: “Yanini etangomeni nakulababhulako, labo labahlebako banhhinklile.” Batsi: “Sive akukafaneli yini kutsi sibute kuNkulunkulu waso?” Indlela ifunelwani kulabafile egameni lalabaphilako?

Levithikusi 19:26

“ ‘Ningayidli inyama lesenengati kuyo, ningabi tangoma nome labenta imilingo.

Levithikusi 19:3

Nguloyo naloyo kufanele ahloniphe unina neyise, agcine emaSabatha ami. NginguSimakadze, Nkulunkulu wenu.

Levithikusi 20:27

“ ‘Indvodza nome lomsikati losangoma nome longumtsakatsi nibombulala. Labo nibobagcoba ngematje baze bafe; ingati yabo iyawubasetikwabo.’ ”

Imisebenti yebaPhostoli 8:11

Abesabamangalise ngemilingo yakhe sikhatsi lesidze kangangekutsi base bambukisisa.

KubaseGalathiya 5:20

nekukhonta tithico, nekutsakatsa, nebutsa, nenkhani, nemona, nelulaka, nekubanga, nekwehlukana, nekuhlubuka,

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”

1 Samuweli 28:3

Ngaleso sikhatsi Samuweli abesafile. Sonkhe sive sema-Israyeli sasimlilele, sase simngcwaba edolobheni lakubo eRama. Sawula bekasaticoshe tonkhe tinyanga netangoma eveni lakhe.