Levithikusi 19:22 - Siswati 1996 Bible

²² Umphristi uyawumentela inhlawulo yekubuyisana kuSimakadze ngalesihhanca semnikelo welicala embikwaSimakadze, leso sono sakhe siyawutsetselelwa.

Levithikusi 19:22 Referencias Cruzadas

Levithikusi 19:21

Lendvodza kufanele iletse sihhanca kuSimakadze ekungeneni kwelithende lekuhlangana, sibe ngumnikelo wayo welicala kuSimakadze.

Levithikusi 19:23

Naningena eveni bese nihlanyela nome nguluphi luhlobo lwesihlahla lesitselako, caphelani ningasidli sitselo saso, kuze kuphele iminyaka lemitsatfu, ngobe asikavumeleki leso sihlahla.

Levithikusi 4:20

Uyakwenta njalo nakulenkunzana njengobe entile ngaleyo nakenta ngayo umhlatjelo wesono; umphristi uyawubentela kanjalo-ke inhlawulo yekubuyisana naSimakadze, bese bayatsetselelwa.

Levithikusi 4:26

Uyawushisa onkhe lamanoni awashisele elatini, njengobe enta nakashisa emanoni emnikelo wekuthula; umphristi uyawumentela kanjalo-ke umholi inhlawulo yekubuyisana naSimakadze, bese lomholi uyatsetselelwa sono sakhe.

Levithikusi 4:31

Uyawube sewukhipha onkhe emanoni ayo, njengobe enta nakukhishwa emanoni kuletilwane temnikelo wekuthula. Umphristi uyawube sewuwashisela elatini, khona kutawuba liphunga lelinuka lusi lolumnandzi kuSimakadze, uyawumentela kanjalo-ke inhlawulo yekubuyisana naSimakadze, bese-ke lomuntfu uyatsetselelwa sono sakhe.

Levithikusi 4:35

Uyawube sewukhipha onkhe emanoni, njengobe kwentiwa nakukhishwa onkhe emanoni kulemvu yemnikelo wekuthula; umphristi uyawushisela etikwelilati kulomnikelo lowentiwa ngemlilo kuSimakadze. Umphristi uyawumentela kanjalo-ke inhlawulo yekubuyisana naSimakadze, bese-ke lomuntfu uyatsetselelwa sono sakhe.’ ”

Levithikusi 5:7

“ ‘Nangabe lomuntfu angeke akhone kukhipha lizinyane lemvu, uyawuletsa ematuba lamabili nome emazini lamabili elivukutfu kuSimakadze, kube yinhlawulo yesono: linye libe ngumnikelo wesono, lelinye libe ngumnikelo wekushiswa.