Levithikusi 18:8 - Siswati 1996 Bible

⁸ “ ‘Ungalali nemkayihlo, loko kutawuhlazisa uyihlo.

Levithikusi 18:8 Referencias Cruzadas

Genesisi 35:22

Israyeli asahleti kuleyo ndzawo, Rubeni walala nenina lomncane, Bhilha, lomunye webafati beyise. Israyeli wakuva loko. Asawonkhe emadvodzana aJakobe abelishumi namabili.

Genesisi 49:4

Njengobe uyaluka njengemanti nje, kodvwa utawulahlekelwa kuba yingcwele kwakho, ngobe walala nenyoko lomncane, wangcolisa umbhedze wami.

Hezekeli 22:10

Kuwe kunalabo labalalana nabomkayise, ekhatsi kuwe kunalabo labalala nebesifazane nabasesikhatsini basesengcolile ngekwemtsetfo.

Levithikusi 20:11

Nangabe indvodza ilala nemkayise, seyimhlazisile uyise. Bobabili, lendvodza nalomfati, kufanele babulawe; ingati yabo iyawubasetikwabo.

Amose 2:7

Bagcobagcoba tinhloko talabamphofu kube shangatsi bagcobagcoba lutfuli lwemhlaba, bese kutsi labacindzetelwe bangababoneleli. Indvodza nemsa wayo balala nentfombatana yinye, ngaloko bahlazise Libito lami lelingcwele.

1 kubaseKorinthe 5:1

Kubikiwe ngempela kimi kutsi kukhona bugwadla nebuphingi emkhatsini wenu, futsi buphingi lobungazange sebubekhona ngisho nakulabangakholwa, ngobe kutsiwa umuntfu ushenda nemkayise.

Dutheronomi 22:30

“Indvodza akukafaneli ishade nemkayise, ingawungcolisi umbhedze weyise.”

Dutheronomi 23:1

“Kute indvodza lephakuliwe nome lenempipi lojutjiwe leyawungena ebandleni laSimakadze.

Dutheronomi 27:20

“ ‘Ucalekisiwe umuntfu lolala nemkayise, ngobe uhlambalata licansi leyise.’ “Bonkhe bantfu bayawuphendvula batsi: ‘Amen.’