Levithikusi 18:25 - Siswati 1996 Bible

²⁵ Ngisho nelive imbala selangcoliseka; ngako ngalijezisela leso sono salo, lelive lavele latihlanta leto takhamiti talo.

Levithikusi 18:25 Referencias Cruzadas

1 Emakhosi 21:26

Watiphatsa ngemanyala lamakhulu ngekutsi alandzelane nekukhonta tithico njengema-Amori, Simakadze lawakhukhula, ngesikhatsi nakufika ema-Israyeli.

Ezra 9:11

lowasinika yona ngetinceku takho baphrofethi ngesikhatsi utsi: ‘Lelive lenitawungena kulo kutsi libe lenu, live lese lingcoliswe kungcola kwetive talo. Letintfo letinengekako lenitentako setiligcwalise ngekungcola nebubi lelive kusuka ngala kwalo kuye ngale kwalo.

Tihlabelelo 106:38

Bacitsa ingati lete licala, ingati yemadvodzana abo nemadvodzakati abo, labawahlabela tithico taseKhenani; ngaloko bangcolisa lonkhe live ngengati.

Tihlabelelo 89:32

ngiyawube sengibafaka luswati, ngibajezise ngenca yekona kwabo, ngibanike imivimba ngenca yebubi babo.

Isaya 24:5

Umhlaba ungcoliswe bantfu bawo. Umtsetfo waNkulunkulu abawulalelanga, bephule imiyalo, bephula sivumelwane saphakadze.

Isaya 26:21

Bukani, Simakadze uphumela ngephandle kwendzawo yakhe yekuhlala, utewujezisa tive temhlaba ngenca yetono tato. Umhlaba utawuveta ebaleni yonkhe ingati leyacitsekela kuwo, lababulewe kuwo ungeke usabafihla.

Jeremiya 14:10

Naku lokushiwo nguSimakadze ngalesive, utsi: “Bakutsandza kakhulu kuzulazula; abatibambi tinyawo tabo. Ngako Simakadze akabemukeli, nyalo sewutabukhumbula nebubi babo, abajezisele tono tabo.”

Jeremiya 16:18

Ngitabaphindzisela ngalokuphindziwe ngenca yetono tabo nangebubi babo, ngobe balingcolisile live lami ngetinhlobonhlobo tetitfombe tabo letingenamphefumulo, bagcwalisa lifa lami ngetithico tabo letinengekako.”

Jeremiya 2:7

Nganiletsa eveni lelivundzile kutsi nitewudla titselo talo kanye nesivuno salo lesinonile, kodvwa nefika nalingcolisa live lami, nenta lifa lami laba ngulelinengekako.

Jeremiya 23:2

Ngako-ke naku lokushiwo nguSimakadze, longuNkulunkulu wema-Israyeli, kubelusi labelusa bantfu bami, utsi: “Njengobe senisakate lomhlambi wami nawuyisa le khashane, nangete nawunakekela, ngitanehlisela sijeziso, ngaloko lokubi lenikwentile,” kusho Simakadze.

Jeremiya 5:29

Simakadze utsi: “Akukafaneli yini kutsi ngibajezise ngaloku? Akukafaneli yini kutsi ngitenanele kulesive lesinje?

Jeremiya 5:9

Akukafaneli yini kutsi ngibajezise ngaloko?” kusho Simakadze. “Akukafaneli yini ngitenanele mine kulesive lesifanana nalesi?

Jeremiya 9:9

Ngingete ngabajezisa yini ngaloku?” kusho Simakadze. “Ngingete ngatiphindziselela yini mine esiveni lesifanana nalesi?”

Hoseya 2:13

Ngiyawumjezisa ngenca yalawo malanga lashisa ngawo imphepho kuboBhali, wativunulisa ngetindandatho nangemihlobiso yakhe lemihle, walandzelana nemashende akhe, kodvwa mine wangikhohlwa,” kusho Simakadze.

Hoseya 8:13

Banikela ngemihlatjelo lenikwe mine, bese badla lenyama, kodvwa Simakadze akajabuli ngayo. Manje sewutabukhumbula bubi babo, abajezisele tono tabo: Bayawubuyela eGibhithe.

Hoseya 9:9

Bonakele ngalokujulile njengasetikhatsini taseGibeya. Nkulunkulu uyawubukhumbula bubi babo, abajezisele tono tabo.

Levithikusi 18:26

Kodvwa nine kufanele nitigcine timiso tami nemitsetfo yami. Ema-Israyeli nome betive labahlala emkhatsini wenu bangacali bente ngisho nome kunye kwaletintfo letisinengiso,

Levithikusi 18:28

Uma nike nalingcolisa lelive, litanihlanta njengobe latihlanta letive betihlala kulo.

KubaseRoma 8:22

Siyati kutsi kudzimate kube ngulesikhatsi indalo yonkhe iyabubula ngebuhlungu lobufana nemhelo.

Dutheronomi 18:12

Wonkhe umuntfu lowenta letintfo usinengiso kuSimakadze, ngako-ke ngenca yalentintfo letisinengiso Simakadze Nkulunkulu wenu tonkhe letive uyawutikhipha aticoshe nisengakefiki nine.

Dutheronomi 21:23

akukafaneli leso sidvumbu sakhe sisale silenga kulolugodvo busuku bonkhe. Caphelani kutsi nimngcwabe ngalelo langa, ngobe wonkhe lolengiswa elugodvweni ungaphansi kwesicalekiso saNkulunkulu. Ningalingcolisi lelo live Simakadze Nkulunkulu wenu lanipha lona kutsi libe lifa lenu.”

Dutheronomi 9:5

Akukayi ngekulunga kwenu nome ngebucotfo benu kutsi nihambe niyekudla lelive lato; kodvwa kuye ngebubi baletive kutsi Simakadze Nkulunkulu wenu aticoshe embikwenu, kuze kufezeke loko lakufungela kubokhokho benu bo-Abrahama, na-Isaka, naJakobe.