Levithikusi 18:22 - Siswati 1996 Bible

²² Ungalali nalomdvuna kube shangatsi ulele nalomsikati; loko kusinengiso.

Levithikusi 18:22 Referencias Cruzadas

Genesisi 19:5

Amemeta Loti atsi: “Aphi lamadvodza langenise lapha kakho kuyo lentsambama? Wakhiphe uwaletse la, khona sitewulala nawo!”

1 Emakhosi 14:24

Kwaze kwaba khona ngisho netitabane kuleto tindzawo tekukhontela tithico. Sive sakaJuda senta tonkhe leto tintfo letilihlazo letatentiwa nguletive Simakadze labetidvungulule ngesikhatsi nakufika sive sema-Israyeli.

Levithikusi 20:13

Nangabe indvodza ilala nendvodza njengobe yenta nayilele nalomsikati, bobabili bente intfo lesinengiso. Kufanele babulawe, ingati yabo iyawubasetikwabo.

1 kubaseKorinthe 6:9

Anati yini kutsi labangakalungi abayikulidla lifa lembuso waNkulunkulu? Ningayengeki: Tingwadla, nalabakhonta tithico, netiphingi, nalabadvuna labalalanako,

Dutheronomi 23:18

Aniyikuletsa imali yengwadla lensikati nome lendvuna endlini yaSimakadze Nkulunkulu wenu kutsi itekwenta ngayo setsembiso nome ngabe sani, ngobe Simakadze Nkulunkulu wenu ubenyanya bobabili.

1 kuThimothi 1:10

wabekelwa netingwadla, netiphingi, nalabadvuna labalalanako, nebatfumbi bebantfu, nalabacala emanga, nabofakazi bemanga, nalabenta nome ngabe yini lephambene nemfundziso lengiyo.

YaJuda 1:7

Khumbulani futsi iGomora neSodoma nemadolobha labekakhelene nawo. Bantfu balawo madolobha nabo balingisa letingilosi. Emadvodza abelalana odvwana ngendlela lengazange seyibonwe nalephambene nemvelo ehlelwa sijeziso lesimatima, umlilo longacimeki; aba secwayiso.

Tikhulu 19:22

Batsi basachubeka nekudla, batijabulisa, lamanye emadvodza labetidlova takulelo dolobha atseleka, abavimbetela kulendlu. Agunkluta lesivalo salendlu, abememeta lelikhehla, umnikati walendlu, atsi: “Khipha lendvodza lengenise lapha kakho, sifuna kulala nayo.”