Levithikusi 17:4 - Siswati 1996 Bible

⁴ angakakuletsi ekungeneni kwelithende lekuhlangana kutsi atewukunikela kuSimakadze ethendeni lekukhontela embikwaSimakadze, lowo muntfu unelicala lekucitsa ingati. Kufanele ancunywe esiveni sakubo, ngobe sewucitse ingati.

Levithikusi 17:4 Referencias Cruzadas

Genesisi 17:14

Wonkhe lomdvuna longakasoki uyawuncunywa esiveni sakubo, ngobe wephule sivumelwane sami.”

Tihlabelelo 32:2

Ubusisiwe umuntfu Nkulunkulu langambaleli tiphambuko takhe, lonenhlitiyo lete inkhohliso.

Eksodusi 12:15

Simakadze wachubeka watsi: “Sinkhwa lesinembiliso ningabosidla kuze kuphele emalanga lasikhombisa; nibodla sinkhwa lesite imbiliso kuphela. Ngelilanga lekucala niboyisusa yonkhe imbiliso etindlini tenu, ngobe lotawudla lokufakwe imbiliso emkhatsini welilanga lekucala kuze kube lilanga lesikhombisa, utawuncunywa emkhatsini wesive sema-Israyeli.

Eksodusi 12:19

Kuyawuze kuphele emalanga lasikhombisa imbiliso ingatfolakali etindlini tenu; lowo loyawutfolakala kutsi udle lokufakwe imbiliso, uyawuncunywa esiveni sema-Israyeli, nome ngabe wekutalwa, nome ngabe wekuhamba kulelo live.

Eksodusi 30:33

Nangabe kungaba khona lowakha lafana nawo nome awasebentise kulomunye longesiye umphristi, uyawuncunywa esiveni sakubo.’ ”

Eksodusi 30:38

Lowo lowenta emakha lafanana nawo uyawuncunywa esiveni sakubo.”

Isaya 66:3

Batikhetsele tindlela tabo: Lowo lonikela ngemhlatjelo wenkunzi ufanana nemuntfu lobulala indvodza, nalowo lonikela ngelizinyane lemvu ufanana nemuntfu lowephula intsamo yenja. Lowo lowenta umnikelo walokutinhlavu ufanana nemuntfu lonikela ngengati yengulube, nalowo lotfuncisa imphepho yesikhumbuto ufanana nemuntfu lokhonta sithico. Imiphefumulo yabo iyatijabulisa kuleto tinengiso tabo.

Hezekeli 20:40

Ngobe entsabeni yami lengcwele, intsaba lephakeme yaka-Israyeli, lapho kulelo live yonkhe indlu yaka-Israyeli iyawukhonta mine, lapho-ke ngulapho ngiyawubemukela khona, kusho iNkhosi Simakadze. Lapho-ke ngiyakuyifuna iminikelo yenu netipho tenu telikhetselo, kanye nemihlatjelo yenu lengcwele.

Levithikusi 1:3

Nangabe anikela ngesilwane kutsi sibe ngumnikelo wekushiswa, kufanele aletse inkunzana lengenasiyela. Kufanele ayinikelele ekungeneni kwelithende lekuhlangana, khona Simakadze atewumemukela.

Levithikusi 17:10

“ ‘Wonkhe umIsrayeli nome wetive lohlala nani lodla ingati, ngiyawumelana naye ngimncume esiveni sakubo.

Levithikusi 17:14

ngobe phela kuphila kwenyama nome yasiphi silwane kusengatini yaso. Ngiko nje ngitsite kuma-Israyeli kufanele angayidli ingati nome yasiphi silwane, ngobe kuphila kwesilwane, nome ngusiphi, kusengatini yaso. Lowo loyidlako kufanele ancunywe.

Levithikusi 17:3

Wonkhe um-Israyeli lobulala inkhomo nome lizinyane lemvu nome imbuti, akubulalele ngekhatsi nome ngaphandle kwenkambu,

Levithikusi 17:5

Loku lokucondvwe ngulomtsetfo kutsi sive sema-Israyeli siletse kuSimakadze leto tilwane besitibulala esigangeni. Manje sesitawutiletsa kumphristi, ekungeneni kwelithende lekuhlangana tinikelwe kuSimakadze njengemhlatjelo wekuthula.

Levithikusi 17:9

kodvwa angawuletsi ekungeneni kwelithende lekuhlangana kutewunikela ngawo kuSimakadze, lowo muntfu kufanele ancunywe esiveni sakubo.

Levithikusi 18:29

Lowo lowenta letintfo letisinengiso kufanele ancunywe esiveni sakubo.

Levithikusi 20:16

Nangabe lomsikati etama kulala nesilwane, bulalani lomsikati kanye nalesilwane. Kufanele babulawe; ingati yabo iyawubasetikwabo.

Levithikusi 20:18

Nangabe indvodza ilala nalomsikati asesesikhatsini, lendvodza seyembule kopha kwalona lomsikati, kantsi-ke vele naye sewukugwabulile loko kopha kwakhe. Bobabili kufanele bancunywe esiveni sakubo.

Levithikusi 20:3

Buso bami ngiyawubufulatselisa kulowo muntfu ngimncume esiveni sakubo, ngobe phela ngekunikela ngebantfwabakhe kuMoloki ungcolise indlu yami lengcwele, wahlambalata libito lami lelingcwele.

Levithikusi 3:2

Lowo muntfu uyawubeka sandla sakhe etikwenhloko yalomnikelo wakhe, bese uwubulalela ekungeneni kwelithende lekuhlangana. Emadvodzana a-Aroni labaphristi ayawufafata ngalengati emngcengcemeni walelilati alitungelete ndzawo tonkhe.

Levithikusi 7:18

Nangabe leyo nyama yemnikelo wakhe wekuthula seyidliwa ngelilanga lesitsatfu, lomnikati wawo angeke asemukeleka kanye nemnikelo wakhe. Lomnikelo utawuba sinengiso, nalowo lowudlako uyakwetfwala licala.

Johane 10:7

Ngako Jesu waphindza watsi kubo: “Ngicinisile, ngicinisile, ngitsi kini: Mine ngilisango letimvu.

Johane 10:9

Mine ngilisango, umuntfu nakangena ngami uyawusindziswa; uyawungena, aphume, akhandze lidlelo.

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

KubaseRoma 4:6

Abesho loku Davide, nakakhuluma ngekubusiseka kwemuntfu lobitwa nguNkulunkulu ngekutsi ulungile ngaphandle kwemisebenti, nakatsi:

KubaseRoma 5:13

Sono sasikhona emhlabeni usengakabekwa umtsetfo; kodvwa lapho kute khona umtsetfo, sono asibalelwa kumuntfu.

KubaseRoma 5:20

Umtsetfo wefikela kwandzisa siphambuko, kodvwa ngekwandza kwesono nemusa waNkulunkulu wandza kakhulu.

Dutheronomi 21:8

Yemukela lenhlawulo yekubuyisana yesive sakho saka-Israyeli lowasihlenga wena, Simakadze, ungasibeki licala lengati sive sakho ngalomuntfu longenacala.’ Lelo cala lengati liyawube selentiwe inhlawulo yekubuyisana.