Levithikusi 17:15 - Siswati 1996 Bible

¹⁵ “ ‘Wonkhe um-Israyeli nome wetive lohlala nani, lodla lokutfolakale kutifele nome kudzatjulwe tilwane tesiganga, kufanele ageze timphahla takhe nemtimba wakhe ngemanti, abe ngulongcolile kuze kuhlwe; utawube sewuyahlambuluka.

Levithikusi 17:15 Referencias Cruzadas

Eksodusi 22:30

Ungiphe nematubulo etinkhomo newetimvu takho. Libotsi litubulo lingahlala nenina emalanga lasikhombisa bese ungipha lona ngelilanga lesiphohlongo.

Eksodusi 22:31

“Niyawuba bantfu labehlukaniselwe mine; ngako-ke akukafaneli niyidle inyama yesifuyo lesibulewe tilwane tesiganga, niyawuyilahla, idliwe tinja.”

Hezekeli 4:14

Mine ngaphendvula ngatsi: “Cha, Nkhosi Simakadze! Mine angizange sengitingcolise. Kusukela kwasebusheni bami kuze kube ngunyalo angizange sengiyidle ingcuba nome inyama yesilwane lesibulewe tilwane tesiganga. Akuzange sekungene nyama lengcolile ngekwemtsetfo kulomlomo wami.”

Hezekeli 44:31

Baphristi kufanele bangadli lutfo, inyoni nome silwane, lokutfolakele kutifele nome kudladlabulwe tilwane tesiganga.’ ”

Levithikusi 11:24

“ ‘Nati-ke tilwane letingcolile nome letiyawuningcolisa; wonkhe lotsintsa tidvumbu tato uyawuba ngulongcolile kuze kuhlwe.

Levithikusi 11:25

Lowo lowetfwala tidvumbu tato uyawuhlanta tingubo takhe abe ngulongcolile kuze kuhlwe.

Levithikusi 11:27

Tonkhe tilwane letihamba ngetidladla letine tingcolile kini; lowo lotsintsa tidvumbu tato uyawungcola kuze kuhlwe.

Levithikusi 11:28

Lowo lowetfwala tidvumbu tato kufanele ahlambulule timphahla takhe, ngobe tingcolile; utawuhlala angcolile kuze kuhlwe. Tingcolile kini.

Levithikusi 11:31

Leto-ke tingcolile kini, tonkhe tilwane letihamba ngesisu. Wonkhe lotsintsa tidvumbu tato uyawuba ngulongcolile kuze kuhlwe.

Levithikusi 11:32

Yonkhe intfo lekuwele kuyo nome ngusinye saletilwane nasifile, leyontfo iyawuba ngulengcolile: nome ngabe leyontfo yentiwe ngelukhuni nome ngendvwangu yemasaka, konkhe lokusetjentiselwa nome yini, kufanele kwenyiwe emantini; kuyawuba ngulokungcolile kuze kuhlwe, emvakwaloko-ke bese kuyahlanteka.

Levithikusi 11:39

“ ‘Nangabe silwane lenivunyelwe kusidla sesifile, lowo lotsintsa sidvumbu saso uyawuba ngulongcolile kuze kuhlwe.

Levithikusi 11:40

Lowo lodla ingcuba yaso kufanele ageze timphahla takhe, utawuba ngulongcolile kuze kuhlwe, nalowo lotsintsa leso sidvumbu uyawuba ngulongcolile kuze kuhlwe.

Levithikusi 15:10

Bonkhe labo labake batsintsa nome yini leke yaba ngaphansi kwakhe, nabo batawuba ngulabangcolile kuze kuhlwe.

Levithikusi 15:21

Wonkhe lotsintsa intfo labekalele kuyo, kufanele ageze timphahla takhe nemtimba wakhe, ahlale angulongcolile kuze kuhlwe.

Levithikusi 15:5

nome ngubani lotsintsa lombhedze wayo, kufanele ageze timphahla takhe ngemanti, aphindze ageze nemtimba wakhe, abe ngulongcolile kuze kuhlwe.

Levithikusi 22:8

Kufanele angayidli ingcuba nome lokuklejulwe tilwane tesiganga, ngobe loko kutamngcolisa. NginguSimakadze.

Levithikusi 7:24

Ningawadli emanoni esilwane lesitifele nome lesibulewe tilwane tesiganga, kodvwa emanoni angasetjentiswa kulokunye.

Numeri 19:19

Lona lohlantekile kufanele afafate lowo longcolile ngelilanga lesitsatfu nangelesikhombisa; ngaleli lesikhombisa uyawube asamhlambulula. Lona lotewuhlanjululwa kufanele ageze timphahla takhe tekwembatsa kanye nemtimba wakhe ngemanti, uyawuba ngulohlambulukile ngabona lobo busuku.

Numeri 19:21

Lesi-ke simiso sabo lesiyawuhlala sentiwa titukulwane ngetitukulwane. “Lomuntfu lobafafata ngemanti ekuhlambulula kufanele naye ageze timphahla takhe tekwembatsa, nalowo lotsintsa lamanti ekuhlambulula uyawuba ngulongcolile kuze kuhlwe.

Numeri 19:8

Lomuntfu longuyena ashise lelitfokati kufanele naye ageze tingubo takhe kanye nemtimba wakhe ngemanti, abe ngulongcolile kuze kuhlwe.

Dutheronomi 14:21

“Ningacali nidle lutfo lenilukhandze lutifele. Loko ningakupha umuntfu wetive lohlala kunome ngukuliphi lalamadolobha enu; yena-ke angakudla nome nine nikutsengisele lomunye wetive. Kodvwa nine nisive lesingcwele kuSimakadze Nkulunkulu wenu. “Ningalipheki lizinyane lembuti elubisini lwenina.”

Sembulo 7:14

Ngatsi kulo: “Nkhosi, nguwe lobatiko.” Lase litsi kimi: “Laba-ke ngibo labaphume ekuhluphekeni lokukhulu. Bageze tingubo tabo taba mhlophe ngengati yeliWundlu.