Levithikusi 16:4 - Siswati 1996 Bible

⁴ “Ngaphambi kwekutsi Aroni angene endzaweni lengcwelengcwele, kufanele atigeze ngemanti bese ugcoka letembatfo tebuphristi: ingubo lengcwele yelineni lete umkhono, nelibhuluko langaphansi lelineni, nelibhande laselukhalweni kanye nemshuculo wenhloko.

Levithikusi 16:4 Referencias Cruzadas

Eksodusi 28:2

Ubotfungela umnakenu, Aroni, tembatfo letingcwele tebuphristi; ngito letitamnika sitfunti nekuhlonipheka.

Eksodusi 29:4

“Uboletsa bo-Aroni kanye nemadvodzana akhe bete ekungeneni kwelithende lekuhlangana, bese ubageza ngemanti.

Eksodusi 30:20

Ngaphambi kwekuba bangene ethendeni lekuhlangana nome nabasondzela elatini kutewufeza inkonzo yabo yekushisa umnikelo ngemlilo kuSimakadze, kufanele bageze kulamanti. Nabangakagezi batakufa.

Eksodusi 40:12

“Uboletsa Aroni nemadvodzana akhe ekungeneni kwelithende lekuhlangana, ubatjele bafike batihlambulule lapho.

Isaya 53:2

Inceku yakhe yakhula embikwakhe njengelihlumela lelitsambile, nanjengemphandze emhlabatsini lowomile. Yayite buhle nome bukhosi kuze isikhange kutsi sisondzele kuyo, kute lebeyibonakala inako lokwakungenta kutsi siyilangatelele, siye kuyo.

Hezekeli 44:19

Nase baphumela esibuyeni lesingephandle, lapho kunebantfu khona, kufanele batikhumule letimphahla tabo bebatembetse nabakhontako, bese batishiya emakamelweni langcwele, bembatse letinye timphahla, kuze bangetiwulimata bantfu ngetimphahla tabo letingcwele.

Hezekeli 9:2

Ngase ngibona kuchamuka emadvodza lasitfupha ngasesangweni lelingenhla, lelibuke ngasenyakatfo, nguleyo naleyo iphetse silimato lesibi ngesandla sayo. Emkhatsini wawo kwakunendvodza leyayembetse telineni, leyayinesipatji setintfo tekubhala engculwini yayo. Angena lamadvodza, afike ema eceleni kwelilati lelitfusi.

Levithikusi 16:23

“Aroni uyawube sewubuyela ethendeni lekuhlangana, afike akhumule letembatfo takhe leticolisakele labetigcoke nakayewungena endzaweni lengcwelengcwele, atishiye khona lapho.

Levithikusi 16:24

Utawutigeza umtimba ngemanti, agezele endzaweni lengcwele, bese ugcoka letimphahla takhe temihla ngemihla. Emvakwaloko utawuphuma atinikelele yena nesive sonkhe ngemnikelo wekushiswa, ente kuSimakadze inhlawulo yekubuyisana kwakhe nekwesive sonkhe.

Levithikusi 16:32

UMphristi Lomkhulu logcotjwe ngalokufanele nalobekwe kulandzela uyise, nguye loyawukwenta inhlawulo yekubuyisana kuSimakadze. Uyawugcoka letembatfo tebuphristi,

Levithikusi 6:10

Umphristi uyawufaka umjiva wakhe lowentiwe ngendvwangu yelineni lecolisakele, nelibhuluko langaphansi lelentiwe ngendvwangu yelineni lecolisakele, bese ususa lomlotsa wemnikelo wekushiswa loshiswe elatini, awucitse eceleni kwalo lelilati.

Levithikusi 6:3

nome asatfole lokwakulahlekile, akuphike aze afungele lite, nome-ke one ngekwenta nome ngabe yini lembi umuntfu langahle one ngayo,

Lukha 1:35

Ingilosi yamphendvula yatsi: “Moya Longcwele uyakwehlela kuwe, emandla aNkulunkulu Losetikwako Konkhe akusibekele. Ngako-ke lomntfwana Longcwele lotawutalwa nguwe uyawubitwa ngekutsi yiNdvodzana yaNkulunkulu.

KubaseFiliphi 2:7

Kepha watidzela, watsatsa simo senceku, waba ngumuntfu njengatsi. Watsi atfolakale anjengemuntfu ngesimo,

KumaHebheru 10:22

Ngako-ke asisondzele kuNkulunkulu ngenhlitiyo lecinisile, nangekwetsemba lokuphelele kwekukholwa, tinhlitiyo tetfu tinyenyetiwe tahlanjululwa kunembeza lomubi, nemitimba yetfu igeziwe ngemanti lahlobile.

KumaHebheru 2:14

Ngako-ke njengobe bantfwana baba bantfu, naye-ke Jesu waba ngumuntfu njengabo, kuze kutsi abhubhise Sathane labenemandla etikwekufa,

KumaHebheru 7:26

Jesu-ke ungumPhristi Lomkhulu lohlangabetana netidzingo tetfu. Ungcwele, ute sici nome sono, akasoleki; wehlukaniswa netoni, waphakanyiswa waba ngetulu kwemazulu.