Levithikusi 16:24 - Siswati 1996 Bible

²⁴ Utawutigeza umtimba ngemanti, agezele endzaweni lengcwele, bese ugcoka letimphahla takhe temihla ngemihla. Emvakwaloko utawuphuma atinikelele yena nesive sonkhe ngemnikelo wekushiswa, ente kuSimakadze inhlawulo yekubuyisana kwakhe nekwesive sonkhe.

Levithikusi 16:24 Referencias Cruzadas

Eksodusi 28:40

“Ubenta tingubo letingenamkhono nemabhande, nemishuculo yenhloko, wentele emadvodzana a-Aroni, khona atewuba nesitfunti ahlonipheke.

Eksodusi 28:41

Letimphahla ubotembatsisa umnakenu Aroni nemadvodzana akhe. Ubobagcoba ngemafutsa emncumo, ungehlukanisele bona babe ngcwele bangene esigabeni sekungikhonta njengebaphristi.

Hezekeli 42:14

Batawutsi labaphristi bangangena kulendzawo lengcwele, bangabe basangena esibuyeni lesingephandle, bangakakhumuli tingubo labatembatsako nabakhontako, ngobe leti tingcwele. Kufanele bembatse letinye timphahla basengakasondzeli etindzaweni tebantfu.”

Levithikusi 14:9

Ngelilanga lesikhombisa kufanele ahhule tonkhe tinwele enhloko yakhe, ashefe silevu, nemashiya, nako konkhe lokusatinwele. Kufanele ageze tingubo takhe tekwembatsa kanye nemtimba wakhe, utawuhlambuluka.

Levithikusi 16:25

Emanoni emnikelo wesono uyawashisela etikwelilati.

Levithikusi 22:6

Lowo lotsintsa nome yini yaletintfo, utawuba ngulongcolile kuze kuhlwe. Kufanele angadli lutfo lweminikelo lengcwele ngaphandle kwekutsi ageze umtimba wakhe ngemanti.

Levithikusi 9:7

Wachubeka watsi ku-Aroni: “Sondzela elatini unikele umnikelo wakho wesono kanye nemnikelo wakho wekushiswa, utentele wena nesive sonkhe inhlawulo yekubuyisana naSimakadze. Letsa lomnikelo wesive, usentele inhlawulo yekubuyisana naSimakadze, njengobe Simakadze ashito.”

KumaHebheru 9:10

Ngobe phela loko kucondzene nalokudliwako nalokunatfwako nemisimeto yekuhlantwa. Lena yimitsetfo nje lephatselene nelingephandle letfu lebekelwe kutsi isebente, kudzimate kufike ingucuko yalokusha.