Levithikusi 16:20 - Siswati 1996 Bible

²⁰ “Uyawutsi Aroni angacedza kwenta inhlawulo yekubuyisana kwendzawo lengcwelengcwele nekwelithende lekuhlangana nekwelilati, bese uletsa lembuti lephilako,

Levithikusi 16:20 Referencias Cruzadas

Hezekeli 45:20

Ngelilanga lesikhombisa lenyanga uyakwenta njalo futsi, entele nome ngubani lowone ngesiphosiso, nome one ngekungati. Ngaleyo ndlela-ke niyawulihlawulela lithempeli.

Levithikusi 16:16

Ngaleyo ndlela uyakwentela indzawo lengcwelengcwele inhlawulo yekubuyisana ngenca yekungcola kwebantfu baka-Israyeli ngekwemtsetfo nangenca yekona kwabo nato tonkhe tono tabo, alentele njalo nelithende lekuhlangana lelihlala emkhatsini wabo, litungeletwe kungcola kwabo ngekwemtsetfo.

Levithikusi 16:19

Ingati uyawuyifafata ngemuno wakhe kasikhombisa kulelilati atelihlambulula ekungcoleni kwema-Israyeli, alehlukanisele Simakadze libe ngcwele.”

Levithikusi 16:21

abeke tandla takhe etikwenhloko yayo ativume tonkhe tiphambuko tesive saka-Israyeli, nabo bonkhe bubi babo, netono tabo, akubeke enhloko yalembuti. Lembuti uyawube sewuyayikhulula kutsi iye ehlane ihanjiswe nguleyo ndvodza lebekelwe lowo msebenti.

Levithikusi 6:30

Kodvwa nangabe kuletfwa umnikelo wesono ethendeni lekuhlangana, ingati yawo letawuhlawulela sono endzaweni lengcwele, lowo mnikelo akukafaneli udliwe; kufanele ushiswe.’ ”

Levithikusi 8:15

Mosi wayihlaba lenkunzi, wase utsatsa lenye ingati yayo wenya umuno wakhe kuyo, wabhoca timphondvo telilati kutsi alihlambulule. Lena lenye ingati lesele wayitsela esisekelweni selilati, walingcwelisa ngekulentela inhlawulo yekubuyisana kuSimakadze.

KubaseRoma 4:25

Wanikelelwa kutsi afe ngenca yetiphambuko tetfu, wavuswa khona atewusenta semukeleke kuNkulunkulu kutsi silungile.

KubaseRoma 8:34

Pho, kukhona yini longahle abalahle ngelicala? Kute: Ngobe ukhona Khristu Jesu lowafa, kodvwa wavuswa waphila, sewungesekudla saNkulunkulu, nguye losincuselako.

2 kubaseKorinthe 5:19

loku kusho naku: Nkulunkulu ubuyisene nelive ngaKhristu. Bantfu akababambeli emagcubu ngetono tabo, kodvwa usiphatsise livi lekubuyisana.

KubaseKholose 1:20

kuze kutsi ngaye abuyisane netintfo tonkhe letisemhlabeni naletisezulwini, akhe kuthula ngengati yesiphambano sakhe.

KumaHebheru 7:25

Ngako-ke unawo emandla ekubasindzisa ngalokuphelele labo labasondzela ngaye kuNkulunkulu, njengobe yena aphilela kubancusela ngaso sonkhe sikhatsi.

Sembulo 1:18

nalophilako. Ngafa, kodvwa ase ubheke nyalo, sengiyaphila, kuze kube phakadze, futsi nginetikhiya tekufa neteHayidesi.