Levithikusi 16:18 - Siswati 1996 Bible

¹⁸ Uyawuphuma ete elatini embikwaSimakadze ente inhlawulo yekubuyisana kwelilati kuSimakadze. Uyawutsatsa lenye yalengati yalenkunzi nalenye yalengati yembuti ayibeke etimphondvweni tonkhe telilati.

Levithikusi 16:18 Referencias Cruzadas

Eksodusi 30:10

Kanye ngemnyaka Aroni abenta inkonzo yekubuyisana kuSimakadze, ayentele etimphondvweni totine telilati; leyo nkonzo yekuhlawulela tono ngemnikelo wengati, iyakwentiwa njalo nje kanye ngemnyaka. Loko niyawukwenta titukulwane ngetitukulwane. Lelilati kufanele libe ngcwele lehlukaniselwe mine, Simakadze.”

Hezekeli 43:20

Kufanele utsatse lenye yengati yayo uyibeke kuletimphondvo letine telilati, nasemakoneni omane emngcengcema longetulu, nakuwo wonkhe lomngcengcema, khona utewuhlambulula lilati ulentele inhlawulo.

Hezekeli 43:22

“Ngelilanga lesibili kufanele unikele ngesiphongo lesingenasiyela kube ngumnikelo wesono, nelilati kufanele lihlanjululwe, njengobe lalihlanjululwe ngenkunzi.

Hezekeli 45:19

Umphristi uyawutsatsa incenye yengati yemnikelo wesono, ayibhoce etinsikeni temnyango wasethempelini, nasemakoneni omane emngcengcemeni longetulu elatini, nasetinsikeni temasango laphumela esibuyeni lesingekhatsi.

Levithikusi 16:16

Ngaleyo ndlela uyakwentela indzawo lengcwelengcwele inhlawulo yekubuyisana ngenca yekungcola kwebantfu baka-Israyeli ngekwemtsetfo nangenca yekona kwabo nato tonkhe tono tabo, alentele njalo nelithende lekuhlangana lelihlala emkhatsini wabo, litungeletwe kungcola kwabo ngekwemtsetfo.

Levithikusi 16:17

Kufanele kubete lobasethendeni lekuhlangana kusukela ngesikhatsi Aroni nakangena endzaweni lengcwelengcwele kuyawukwenta inhlawulo yekubuyisana kuSimakadze kuze kube sikhatsi sekuphuma kwakhe, asente kuSimakadze inhlawulo yekubuyisana kwakhe nekwemndeni wakhe kanye nekwesive sonkhe sema-Israyeli.

Levithikusi 4:18

Lenye ingati uyayibhoca etimphondvweni telilati lelisembikwaSimakadze ethendeni lekuhlangana. Incenye yalengati lesele uyayitsela esisekelweni selilati lemnikelo wekushiswa ekungeneni kwelithende lekuhlangana.

Levithikusi 4:25

Umphristi uyakwenya umuno wakhe kulengati yalesilwane, bese uyibhoca etimphondvweni telilati leminikelo yekushiswa, lena lenye ingati ayitsele esisekelweni selilati.

Levithikusi 4:7

Lenye ingati umphristi uyayibhoca etimphondvweni telilati lemphepho lenuka kamnandzi embikwaSimakadze ngekhatsi kwelithende lekuhlangana. Incenye yalengati uyayitsela emasekweni elilati lemnikelo wekushiswa lelisekungeneni kwelithende lekuhlangana.

Numeri 28:22

Niyakwengeta nangembuti yinye lendvuna kube ngumnikelo wesono lotanentela inhlawulo yekubuyisana kuSimakadze.

Johane 17:19

Ngitinikela kuwe ngenca yabo, kuze nabo futsi babe bakho ngeliciniso.

KumaHebheru 2:11

Ngobe lowo longcwelisako nalabo labangcwelisiwe baphuma kuBabe munye. Ngiko nje angenamahloni kubabita ngekutsi bomnakabo,