Levithikusi 15:5 - Siswati 1996 Bible

⁵ nome ngubani lotsintsa lombhedze wayo, kufanele ageze timphahla takhe ngemanti, aphindze ageze nemtimba wakhe, abe ngulongcolile kuze kuhlwe.

Levithikusi 15:5 Referencias Cruzadas

Tihlabelelo 26:6

Yebo, Simakadze, ngigeza tandla tami, ngingenacala, ngihambahamba ngaselatini lakho,

Tihlabelelo 51:2

Ngigezisise ebubini bami, ngihlambulule esonweni sami.

Tihlabelelo 51:7

Ngihlambulule ngehisophu, ngitewuhlambuluka. Ngigeze ngibe mhlophe kunangcocwane.

Eksodusi 19:10

Simakadze wakhuluma kuMosi, watsi: “Buyela kubantfu ubatjele kutsi batihlambulule lamuhla nakusasa, bageze tingubo tabo;

Isaya 1:16

gezani, nibe ngulabahlantekile. Susani tento tenu letimbi embikwami! Yekelani kwenta lokubi,

Isaya 22:14

Simakadze longuSomandla ukwembulile loku kimi, ngakuva: “Niyawuze nife solomane lesono singakahlawulelwa”, isho njalo iNkhosi Simakadze lenguSomandla.

Hezekeli 36:25

Ngiyawunifafata ngemanti lahlobile, bese niyahlanteka; ngiyawunihlanta kuko konkhe kungcola kwenu nakuto tonkhe tithico tenu.

Hezekeli 36:29

Ngiyawuniphephisa kuko konkhe kungcola kwenu. Ngiyawubita lokutinhlavu, ngikwandzise kube kunyenti, ngingayehliseli kini indlala.

Levithikusi 11:24

“ ‘Nati-ke tilwane letingcolile nome letiyawuningcolisa; wonkhe lotsintsa tidvumbu tato uyawuba ngulongcolile kuze kuhlwe.

Levithikusi 11:25

Lowo lowetfwala tidvumbu tato uyawuhlanta tingubo takhe abe ngulongcolile kuze kuhlwe.

Levithikusi 11:28

Lowo lowetfwala tidvumbu tato kufanele ahlambulule timphahla takhe, ngobe tingcolile; utawuhlala angcolile kuze kuhlwe. Tingcolile kini.

Levithikusi 11:32

Yonkhe intfo lekuwele kuyo nome ngusinye saletilwane nasifile, leyontfo iyawuba ngulengcolile: nome ngabe leyontfo yentiwe ngelukhuni nome ngendvwangu yemasaka, konkhe lokusetjentiselwa nome yini, kufanele kwenyiwe emantini; kuyawuba ngulokungcolile kuze kuhlwe, emvakwaloko-ke bese kuyahlanteka.

Levithikusi 13:34

Ngelilanga lesikhombisa umphristi utawuphindze asihlolisise lesilondza; nangabe singakandzi nemtimba wonkhe saze sagubha, umphristi asho kutsi uhlantekile. Kufanele ageze timphahla takhe, utawube sewuyahlanteka.

Levithikusi 13:6

Ngelilanga lesikhombisa umphristi kufanele amhlolisise futsi, nangabe lelichashata selifiphele langete landza nesikhumba, umphristi utametfula ngekwemtsetfo kutsi uhlobile; bekumane kukucubuka nje. Lomuntfu kufanele ageze tingubo takhe; uhlambulukile.

Levithikusi 14:27

bese ufafata ngenkhotsa yangesekudla sakhe, lamafutsa lasesandleni sangesancele, awafafate kasikhombisa embikwaSimakadze.

Levithikusi 15:18

Nangabe indvodza ilele nemfati kwase kuchitseka sidvodza, bobabili bafanele bageze imitimba yabo ngemanti, babe ngulabangcolile kuze kuhlwe.’ ”

Levithikusi 15:4

Wonkhe umbhedze lelala kuwo nako konkhe lehlala kuko lendvodza, kutawungcola,

Levithikusi 15:6

Lowo lohlala lapho bekuhleti khona leyo ndvodza, kufanele ageze timphahla takhe nemtimba wakhe ngemanti, abe ngulongcolile kuze kuhlwe.

Levithikusi 16:26

Lendvodza lekhululele lembuti lesesulelo kufanele igeze timphahla tayo nemtimba wayo ngemanti, emvakwaloko seyingancandzeka ibuyele enkambu ngekhatsi.

Levithikusi 16:28

Lowo lobekashisa loku kufanele ageze timphahla takhe nemtimba wakhe ngemanti, emvakwaloko sekangangena ngekhatsi enkambu.”

Levithikusi 17:15

“ ‘Wonkhe um-Israyeli nome wetive lohlala nani, lodla lokutfolakale kutifele nome kudzatjulwe tilwane tesiganga, kufanele ageze timphahla takhe nemtimba wakhe ngemanti, abe ngulongcolile kuze kuhlwe; utawube sewuyahlambuluka.

Numeri 19:10

Lomuntfu longuyena abutse lomlotsa walelitfokati kufanele naye ageze timphahla takhe abe ngulongcolile kuze kuhlwe. Lesimiso siyakwentiwa ngabo bonkhe baka-Israyeli kanye nebetive labasemkhatsini wenu, titukulwane ngetitukulwane.”

Numeri 19:22

Yonkhe intfo letsintfwe ngumuntfu longcolile nayo iyawuba ngulengcolile, nalowo loyawutsintsa leyontfo uyawuba ngulongcolile kuze kuhlwe.”

KumaHebheru 10:22

Ngako-ke asisondzele kuNkulunkulu ngenhlitiyo lecinisile, nangekwetsemba lokuphelele kwekukholwa, tinhlitiyo tetfu tinyenyetiwe tahlanjululwa kunembeza lomubi, nemitimba yetfu igeziwe ngemanti lahlobile.

KumaHebheru 9:14

inganihlambulula kakhulu kangakanani-ke ingati yaKhristu! Watinikela yena kuNkulunkulu ngaMoya waphakadze, watinikela ate sici. Ingati yakhe iyawuhlambulula nembeza wenu emisebentini lefile, kuze nikhonte Nkulunkulu lophilako.

KumaHebheru 9:26

Kube Khristu akangenanga kanye, bekuyawudzingeka kutsi ahlupheke kanyenti kusukela ekusekelweni kwendalo yonkhe. Kodvwa esikhundleni saloko, ubonakaliswe kwaba kanye, kwenela, ekugcineni kwetikhatsi, kuze asuse sono ngenhlawulo lenguye cobo lwakhe.

YaJakobe 4:8

Sondzelani kuNkulunkulu, naye utawusondzela kini. Gezani tandla tenu, nine toni, nihlambulule tinhlitiyo tenu, nine bantfu labanetinhlitiyo letimbili.

Sembulo 7:14

Ngatsi kulo: “Nkhosi, nguwe lobatiko.” Lase litsi kimi: “Laba-ke ngibo labaphume ekuhluphekeni lokukhulu. Bageze tingubo tabo taba mhlophe ngengati yeliWundlu.

1 Samuweli 20:26

Sawula kwabate lakushoko ngalelo langa, ngobe abecabanga atsi: “Mhlawumbe kukhona lokwehlele Davide, kwamenta waba ngulongcolile ngekwemtsetfo.”