Levithikusi 14:54 - Siswati 1996 Bible

⁵⁴ Lena-ke ngimitsetfo lecondzene nalokusabulephelo, netifo tesikhumba letitsatselwanako, nelukhwekhwe,

Levithikusi 14:54 Referencias Cruzadas

Levithikusi 11:46

“ ‘Lena-ke ngimiyalo nemitsetfo macondzana netilwane, netinyoni, nako konkhe lokuphilako lokuhlala emantini, nato tonkhe tilwane letihamba ngesisu.

Levithikusi 13:3

Lomphristi kufanele ahlolisise lelichashata lelisesikhunjeni salomuntfu. Nangabe lunwele lolukulo selugucuke lwaba mhlophe, nalo lelichashata seligubhile, kusuke sekusifo lesisabulephelo. “Nangabe umphristi asamhlolisisile, kufanele asho kutsi ungcolile ngekwemtsetfo.

Levithikusi 14:2

“Lena ngimitsetfo yekuhlanjululwa kwemuntfu lonalokusabulephelo nakaletfwa kumphristi:

Levithikusi 14:32

Lona-ke ngumtsetfo locondzene nesifo salokusabulephelo kulowo longeke akhone kukhokha loko lokucondzene nekuhlanjululwa kwakhe.

Levithikusi 14:53

Utawube sewukhiphela lenyoni lephilako ngaphandle kwelidolobha, ayiyekele itindizele iye esigangeni. “Uyakuyenta kanjalo-ke inhlawulo yekuhlanjululwa kwendlu. Leyondlu iyawuhlambuluka.”

Levithikusi 15:32

“ ‘Lena ngimitsetfo lecondzene nendvodza levutisako, nalengcoliswe kucitseka kwesidvodza,

Levithikusi 6:14

“Lena-ke ngimitsetfo yeminikelo yalokutinhlavu. Emadvodzana a-Aroni kufanele etfule umnikelo walokutinhlavu kuSimakadze embikwelilati.

Levithikusi 6:25

“Tjela Aroni nemadvodzana akhe utsi: ‘Umnikelo wesono uyawuhlatjelwa embikwaSimakadze lapho kuhlatjelwa khona umnikelo wekushiswa; kungumnikelo longcwelengcwele.

Levithikusi 6:9

“Nika Aroni nemadvodzana akhe nansi imitsetfo lelandzelako lecondzene nemnikelo wekushiswa: Umnikelo wekushiswa uyawubekwa etikwelilati uhlale khona busuku bonkhe, nemlilo kufanele uhlale uvutsa busuku bonkhe kuze kuse.

Levithikusi 7:1

“ ‘Lena-ke ngimitsetfo lecondzene neminikelo yemacala, ngiminikelo lengcwelengcwele:

Levithikusi 7:37

Ngiyo lena-ke imitsetfo lecondzene neminikelo yekushiswa, neminikelo yalokutinhlavu, neminikelo yesono, neminikelo yelicala, neminikelo yemgcobo kanye neminikelo yekuthula,

Numeri 19:14

“Lona-ke ngumtsetfo lomacondzana nemuntfu lofele ethendeni lakhe. Nome ngubani loyawungena kulo nalobekasuke akulo lelithende, uyawuba ngulongcolile ngekwemtsetfo emalanga lasikhombisa.

Numeri 5:29

“ ‘Lona-ke ngumtsetfo locondzene nesikhwele, nangabe umfati aphambukile watingcolisa ngekulala nalenye indvodza, asesesandleni sendvodza yakhe,

Numeri 6:13

“ ‘Lona-ke ngumtsetfo wemNaziri, nasekuphele sikhatsi sakhe sekutehlukanisela: Uyawuletfwa embikwemnyango welithende lekuhlangana,

Dutheronomi 24:8

“Naniguliswa sifo lesisabulephelo, nibocaphela kutsi nenta njengobe baphristi, labangemaLevi, baniyala. Nibokulandzela nikucaphelisise konkhe loko lengibayale ngako kutsi bakwente.