Levithikusi 14:37 - Siswati 1996 Bible

³⁷ Utawube sewuhlolisisa lesikhuntsa lesiselubondzeni lwalendlu, nangabe lesikhuntsa sitigojana letiluhlatana nome letibovana letibholeke kulolubondza,

Levithikusi 14:37 Referencias Cruzadas

Levithikusi 13:3

Lomphristi kufanele ahlolisise lelichashata lelisesikhunjeni salomuntfu. Nangabe lunwele lolukulo selugucuke lwaba mhlophe, nalo lelichashata seligubhile, kusuke sekusifo lesisabulephelo. “Nangabe umphristi asamhlolisisile, kufanele asho kutsi ungcolile ngekwemtsetfo.

Levithikusi 13:42

Kodvwa nangabe kuvumbuka silondza lesibovu sakubamhlophe kulemphandla lesetulu enhloko nome ebuntini, loko kusabulephelo lobuvumbuka enhloko nome ebuntini.

Levithikusi 13:49

nangabe-ke lelibala liluhlatana nome libovana endvwangwini nome kulesikhumba leselukiwe nome lesephotselwe, loko kulibala lelisasikhuntsa lekufanele likhonjiswe umphristi.

Levithikusi 14:36

Umphristi kufanele akhiphe umlayeto kutsi konkhe lokungekhatsi kulendlu akukhishwe, yena asengakefiki kuteyihlola, kutawubate lapha endlini lekungahle kubitwe ngekutsi kungcolile. Emvakwaloko umphristi utawungena ahlolisise lendlu.

Levithikusi 14:38

umphristi kufanele aphume kuleyondlu avale umnyango wayo, kuze kuphele emalanga lasikhombisa.