Levithikusi 14:32 - Siswati 1996 Bible

³² Lona-ke ngumtsetfo locondzene nesifo salokusabulephelo kulowo longeke akhone kukhokha loko lokucondzene nekuhlanjululwa kwakhe.

Levithikusi 14:32 Referencias Cruzadas

Tihlabelelo 136:23

Nguye lowasikhumbula ekwehlulekeni kwetfu, ngobe umusa wakhe ume kuze kube phakadze.

Levithikusi 13:2

“Nangabe umuntfu avuvukile nome anelidzengedla nome anelichashata lelimhlophe esikhunjeni sakhe bese kuyagucuka kuba sabulephelo kufanele aletfwe ku-Aroni, umphristi, nome kulomunye wemadvodzana akhe, longumphristi.

Levithikusi 13:59

“Lena-ke ngimitsetfo lecondzene nalokusasikhuntsa nakusengutjeni, nome emphahleni leyentiwe ngensontfo, nome emicwini yengubo nome emphahleni yesikhumba nome ngayentiwe ngani-ke. Niyawuyisebentisa ekwehlukaniseni nasekuphawuleni lokungcolile nalokuhlantekile.”

Levithikusi 14:10

“Ngelilanga lesiphohlongo kufanele aletse emazinyane emvu lamabili lamadvuna nalelisikati lelinemnyaka munye budzala, onkhe angabi nasiyela, aletse nemalitha langaba sikhombisa emphuphu lecolisakele lehlanganiswe nemafutsa kube ngumnikelo walokutinhlavu, aletse nemafutsa langaba yincenye yelitha.

Levithikusi 14:2

“Lena ngimitsetfo yekuhlanjululwa kwemuntfu lonalokusabulephelo nakaletfwa kumphristi:

Levithikusi 14:21

“Kodvwa, nangabe angeke akhone ngobe aphuyile, kufanele atsatse lizinyane lelidvuna litewuba ngumnikelo welicala litewujikitiswa, khona litewuba yinhlawulo yekubuyisana kwakhe naSimakadze, aletse nemphuphu lengaba ngemalitha lamabili lebhicwe nemafutsa kube ngumnikelo walokutinhlavu kanye nemafutsa langaba yincenye yelitha,

Levithikusi 14:31

Umuntfu utawunikela ngaloko langakhona kukunikela, linye libe ngumnikelo wesono, lelinye libe ngumnikelo wekushiswa kanye nemnikelo walokutinhlavu. Ngako-ke umphristi utakwentela lowo lotewuhlanjululwa inhlawulo yekubuyisana kuSimakadze.”

Levithikusi 14:33

Simakadze wakhuluma kuboMosi na-Aroni, watsi:

Matewu 11:5

Timphumphutse setiyabona, tinchute netishosha setiyahamba, emalephelo ayahlanteka, tihhulu setiyeva, labafile bayavuswa, neliVangeli seliyashunyayelwa kulabamphofu.