Levithikusi 14:25 - Siswati 1996 Bible

²⁵ Utawuhlaba lelizinyane lemvu lelingumnikelo welicala, bese utsatsa ingati yalo uyibhoca ehwandzeni lendlebe yangesekudla, nasesitfupheni sangesekudla, nakuqukulu wangesekudla salowo lotewuhlanjululwa.

Levithikusi 14:25 Referencias Cruzadas

Tihlabelelo 40:6

Awujatjuliswa ngumhlatjelo nemnikelo, kodvwa ujatjuliswa kusebentisa tindlebe longiphe tona. Awuzange sewusho kutsi ufuna umhlatjelo loshiswa samuku, nome umnikelo wekuhlawulela sono.

Eksodusi 29:20

Sihlabe, utsatse litsantana lengati yaso ubhoce lihwandza lendlebe ya-Aroni yangesekudla, uphindze ubhoce emahwandza etindlebe tangesekudla temadvodzana a-Aroni, uphindze ubhoce netitfupha tangesekudla, uphindze ubhoce naboqukulu bangesekudla, lengati letawusala uboyifafata ndzawo tonkhe kutungeleta lilati.

Umshumayeli 5:1

Caphela tinyatselo takho, nawuya endlini yaNkulunkulu. Ngobe kuncono kusondzela nekulalela kunekutsi unikele ngemhlatjelo wetilima, letingati kutsi ngekwenta loko tiyona.

Levithikusi 14:26

Umphristi utawube sewutsatsa lamanye emafutsa awatsele entsendzeni yesandla sangesancele,

Levithikusi 5:7

“ ‘Nangabe lomuntfu angeke akhone kukhipha lizinyane lemvu, uyawuletsa ematuba lamabili nome emazini lamabili elivukutfu kuSimakadze, kube yinhlawulo yesono: linye libe ngumnikelo wesono, lelinye libe ngumnikelo wekushiswa.

Levithikusi 8:23

Mosi wase uyasibulala, watsatsa lenye yalengati wabhoca ngayo lihwandza lendlebe ya-Aroni yangesekudla, nesitfupha sangesekudla, naqukulu wangesekudla.