Levithikusi 13:45 - Siswati 1996 Bible

⁴⁵ “Umuntfu lonalokusabulephelo kufanele agcoke emanikiniki, tinwele atiyekele tingemahlutse angatikami, ambonye umlomo wangetulu, akhale atsi: ‘Ngingcolile, ngingcolile!’

Levithikusi 13:45 Referencias Cruzadas

Genesisi 37:29

Rubeni watsi ubuyela kulomgodzi wakhandza Josefa angasekho, wadzabula timphahla takhe.

2 Samuweli 13:19

Thamari watitsela ngemlotsa enhloko waklebhula lengubo yakhe labeyembetse. Wetfwala imikhono enhloko, ahamba akhala kakhulu.

2 Emakhosi 7:3

Kwakukhona emadvodza lamane labenesifo lesisabulephelo labehlala ngasesangweni lelidolobha. Akhulumisana odvwana atsi: “Sitawuhlalelani lapha size sife?

Jobe 1:20

Watsi kube akuve loko Jobe, wasukuma waklebhula timphahla takhe, wahhula inhloko yakhe. Wesuka lapho watilahla phansi emhlabatsini wakhotsama,

Jobe 42:6

Ngako-ke manje sengiyatenyanya, ngiyaphendvuka ngitilahla elutfulini nasemlotseni.”

Tihlabelelo 51:3

Ngobe ngiyatati tiphambuko tami, sono sami sisembikwami njalo.

Tihlabelelo 51:5

Empeleni ngatalwa vele ngisesonweni, ngaba soni kusukela make atsatsa sisu.

Isaya 52:11

Sukani, sukani, niphume eBhabhulona! Ningatsintsi lutfo lolungcolile ngekwemtsetfo! Phumani kulelo dolobha, nitihlambulule nibe msulwa, nine leniphatsa titja taSimakadze.

Isaya 6:5

Ngase ngitsi: “Maye kimi, mine ngiphelile! Ngobe ngingumuntfu lotindzebe temlomo wakhe tingcolile, futsi ngihlala emkhatsini webantfu labatindzebe tabo tingcolile. Emehlo ami ayibonile iNkhosi, Simakadze longuSomandla.”

Isaya 64:6

Sonkhe sesifanana nebantfu labangcolile, nato tonkhe tento tetfu letinhle setifanana netidvwedvwe letingcolile. Sonkhe siyabuna njengelicembe, njengemoya tono tetfu tiyasiphephula.

Jeremiya 3:25

Asilale phansi ngenca yelihlazo letfu, sidliwe ngemahloni. Sonile kuSimakadze Nkulunkulu wetfu, yebo, tsine kanye nabobabe betfu; kusukela ebusheni betfu kuze kube ngulamuhla, asikamlaleli Simakadze Nkulunkulu wetfu.”

Jeremiya 36:24

Inkhosi kanye nabo bonkhe lababeyisingatsile, labaweva onkhe lawo mavi, abazange sebakhombise nalokuncane nje kwesaba, futsi abatihluphanga ngekudzabula tingubo tabo ngekutisola.

Sililo 4:15

Bantfu bayabacosha, batsi: “Hambani la! Sukani la! Ningcolile! Khweshani! Khweshani! Ningasitsintsi!” Ngesikhatsi baphrofethi nebaphristi babaleka bayewuzulazula, bantfu betive ngetive batsi: “Bangeke basachubeka nekuhlala lapha!”

Hezekeli 24:17

Bubula nje uthule; ungamlileli lowo lofile. Umshuculo wakho awuhlale uboshelwe enhloko, netincabule takho tihlale etinyaweni takho; ungalimbonyi lingentansi lebuso bakho, futsi ungakudli kudla kwelisiko kwalabalilako.”

Hezekeli 24:22

Nani niyawukwenta njengobe nami ngentile. Aniyikulimbonya lingentansi lebuso benu, kantsi futsi ningeke nikudle kudla kwelisiko kwalabalilako.

Joweli 2:13

Dzabulani tinhlitiyo tenu, hhayi tembatfo tenu. Buyelani kuSimakadze Nkulunkulu wenu, ngobe unemusa nesihawu, uyephuta kutfukutsela, unelutsandvo loluphuphumako, atsambe, angete ayehlisa inhlekelele.

Levithikusi 10:6

Mosi wakhuluma ku-Aroni nemadvodzana akhe bo-Eleyazare na-Ithamari, watsi: “Tinwele tenu ningatiyekeli tingemahlutse, kantsi netimphahla tenu akufuneki nitidzabule. Funa nitsi niyakwenta loko nife, nelulaka lwaNkulunkulu lwehlele sive sonkhe. Kodvwa ema-Israyeli wona avumelekile kutsi abazilele labazalwane babo lababulewe ngumlilo lophume kuSimakadze.

Levithikusi 13:44

kusho kutsi lendvodza inalokusabulephelo; ngako ingcolile. Umphristi utakusho kutsi ingcolile ngenca yaleso silondza lesisenhloko.

Levithikusi 21:10

“ ‘UmPhristi Lomkhulu logcotjwe enhloko ngemafutsa, emkhatsini webanakabo, wangcweliselwa kutsi agcoke tembatfo tebuphristi, akayiwutiyekela tinwele tenhloko yakhe tingemahlutse, nome aklebhule kwekwembatsa kwakhe.

Mikha 3:7

Labo lababona lokutako kusengakefiki bayawuhlazeka bative badliwa ngemahloni ngenca yekwehluleka kwabo. Bayawujabha, ngobe Nkulunkulu angasabaphendvuli.

Numeri 5:2

“Yala ema-Israyeli uwatjele kutsi wonkhe umuntfu lonesifo salokusabulephelo nome lonekuvuta nome kwaluphi luhlobo, nome longcole ngenca yesidvumbu latsintsene naso, akacoshwe akhishelwe ngephandle kwenkambu.

Lukha 17:12

Asangena emtini wahlangabetwa ngemadvodza labelishumi labephetfwe bulephelo ema bucadlwana naye,

Lukha 5:8

Kodvwa Simoni Phetro abona loku, waguca ngemadvolo etinyaweni taJesu watsi: “Ncono usuke kimi, Nkhosi, ngobe mine ngingumuntfu losoni!”