Levithikusi 13:4 - Siswati 1996 Bible

⁴ Nangabe lelichashata lelisesikhunjeni sakhe limhlophe, kodvwa kubonakala kutsi alikagubhi esikhunjeni nelunwele lolukulo lungakagucuki lwaba mhlophe, umphristi utawutsatsa lomuntfu amehlukanise kulabanye emalanga lasikhombisa.

Levithikusi 13:4 Referencias Cruzadas

Hezekeli 44:10

“ ‘EmaLevi langibalekela ngesikhatsi ema-Israyeli eduka nangesikhatsi azulazula esuka kimi, alandzela tithico tawo, kufanele ayetfwale leyo miphumela yesono sawo.

Levithikusi 13:11

leso sifo sisabulephelo lesitsatsa sikhatsi lesidze singapholi, umphristi kufanele atise bantfu kutsi ungcolile, angamehlukanisi nebantfu, ngobe vele sewungcolile.

Levithikusi 13:25

umphristi kufanele asihlolisise. Nangabe loboya lobukuso bugucuke baba mhlophe, kubonakala futsi kutsi sesigubhile, loko kusuke sekusabulephelo sebumilele kulesilondza sekusha, umphristi utawukusho kutsi ungcolile; unesifo lesisabulephelo.

Levithikusi 13:26

Kodvwa nangabe umphristi utsite uyasihlolisisa, wakhandza kutsi kute boya lobumhlophe kulesilondza, kantsi asikagubhi, futsi sesifiphele, kufanele umphristi amehlukanise nebantfu, kuze kuphele emalanga lasikhombisa.

Levithikusi 13:3

Lomphristi kufanele ahlolisise lelichashata lelisesikhunjeni salomuntfu. Nangabe lunwele lolukulo selugucuke lwaba mhlophe, nalo lelichashata seligubhile, kusuke sekusifo lesisabulephelo. “Nangabe umphristi asamhlolisisile, kufanele asho kutsi ungcolile ngekwemtsetfo.

Levithikusi 13:31

Kodvwa, nangabe umphristi utsite uyasihlolisisa, wakhandza kutsi asikagubhi nekutsi kute neboya lobumnyama kuso, lomphristi kufanele lomuntfu amehlukanise kulabanye, kuze kuphele emalanga lasikhombisa.

Levithikusi 13:5

Ngelilanga lesikhombisa umphristi utamhlolisisa, nabona kutsi seloku linjalo lelichashata alikagucuki, kantsi futsi lisengakagubhi landza, utawuphindze amgcine lapho emalanga lasikhombisa futsi.

Levithikusi 13:50

Umphristi utawutsi angalihlolisisa lelibala, bese lengubo uyayikhipha emkhatsini webantfu ihlale iyodvwana, kuze kuphele emalanga lasikhombisa.

Levithikusi 14:38

umphristi kufanele aphume kuleyondlu avale umnyango wayo, kuze kuphele emalanga lasikhombisa.

Numeri 12:14

Simakadze watsi kuMosi: “Kube bekakhafulelwe nguyise ebusweni bakhe bekangetiletfwala yini lelihlazo lakhe emalanga lasikhombisa? Akavalelwe ngephandle kwenkambu ahlale khona emalanga lasikhombisa, kutawutsi emvakwaloko bese niyamngenisa-ke.”

Numeri 12:15

Ngako-ke Miriyamu wavalelwa ngephandle kwenkambu emalanga lasikhombisa. Sive sonkhe asizange sichubeke nekutfutsa, waze wabuyiswa.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

Dutheronomi 13:14

kufanele loko nikuhlolisise, nikuphenyisise kahle. Nangabe kutfolakala kuliciniso kutsi lentfo lesinengiso yentiwe emkhatsini wenu,

1 kuThimothi 5:24

Tono talabanye bantfu tisebaleni, tiyabendvulela tibaholele ekwehlulelweni; kodvwa talabanye tiyabalandzela tibonakale kamuva.