Levithikusi 12:8 - Siswati 1996 Bible

⁸ “ ‘Nangabe ehluleka kutfola lizinyane lemvu, kufanele aletse emavukutfu lamabili nome ematuba lamabili lasemancane, lelinye libe lemnikelo wekushiswa, lelinye libe lemnikelo wesono. Umphristi utawumentela inhlawulo yekubuyisana kuSimakadze, utawube sewuyahlambuluka.’ ”

Levithikusi 12:8 Referencias Cruzadas

Levithikusi 1:14

“Nangabe umuntfu anikela ngetinyoni kutsi tibe ngumhlatjelo wekushiswa, kufanele kube lituba nome lizini lelivukutfu.

Levithikusi 12:7

Umphristi utakunikela loku kube yinhlawulo yekubuyisana kuSimakadze, ngaloko utawuhlanjululwa ekopheni kwengati yakhe. Lena-ke ngimitsetfo lemacondzana nemfati lobeleke umfana nome intfombatana.

Levithikusi 13:1

Simakadze wakhuluma kuboMosi na-Aroni, watsi:

Levithikusi 14:21

“Kodvwa, nangabe angeke akhone ngobe aphuyile, kufanele atsatse lizinyane lelidvuna litewuba ngumnikelo welicala litewujikitiswa, khona litewuba yinhlawulo yekubuyisana kwakhe naSimakadze, aletse nemphuphu lengaba ngemalitha lamabili lebhicwe nemafutsa kube ngumnikelo walokutinhlavu kanye nemafutsa langaba yincenye yelitha,

Levithikusi 14:22

nematuba lamabili nome emavukutfu lamabili lasemancane, loko langakhona kukwenta; lelinye litawuba lemnikelo wesono, lelinye libe lemnikelo wekushiswa.

Levithikusi 15:14

Ngelilanga lesiphohlongo kufanele itsatse ematuba lamabili nome emazini emavukutfu lamabili ite embikwaSimakadze ekungeneni kwelithende lekuhlangana, ifike iwetfule kumphristi.

Levithikusi 15:15

Umphristi kufanele anikele lelinye libe ngumnikelo wesono, leli lelinye libe ngumhlatjelo wekushiswa. Ngaleyo ndlela umphristi uyakwentela leyo ndvodza inhlawulo yekubuyisana kuSimakadze ngekuvutisa kwayo.

Levithikusi 15:29

Ngelilanga lesiphohlongo uyawutsatsa ematuba lamabili nome emazini lamabili emavukutfu awaletse kumphristi ekungeneni kwelithende lekuhlangana.

Levithikusi 4:26

Uyawushisa onkhe lamanoni awashisele elatini, njengobe enta nakashisa emanoni emnikelo wekuthula; umphristi uyawumentela kanjalo-ke umholi inhlawulo yekubuyisana naSimakadze, bese lomholi uyatsetselelwa sono sakhe.

Levithikusi 5:11

“ ‘Nangabe lomuntfu angeke akhone kukhokha ematuba lamabili nome emazini lamabili elivukutfu, kufanele aletse imphuphu lengaba yikhilogremu kutsi itewuba ngumnikelo wesono. Kufanele angayifaki emafutsa emncumo nome imphepho, ngobe ingumnikelo wesono.

Levithikusi 5:7

“ ‘Nangabe lomuntfu angeke akhone kukhipha lizinyane lemvu, uyawuletsa ematuba lamabili nome emazini lamabili elivukutfu kuSimakadze, kube yinhlawulo yesono: linye libe ngumnikelo wesono, lelinye libe ngumnikelo wekushiswa.

Matewu 21:12

Jesu wangena ethempelini, wakhipha bonkhe lababetsengisa nalababetsenga ethempelini, waketula ematafula alababentjintja timali, netitulo talabo lababetsengisa ematuba.

2 kubaseKorinthe 8:9

Ngobe niyawati umusa weNkhosi yetfu Jesu Khristu, kutsi nome abecebile, kodvwa ngenca yenu waba luphuya, kuze kutsi ngebuphuya bakhe anente nicebe.