Levithikusi 12:6 - Siswati 1996 Bible

⁶ “ ‘Nangabe sekwendlule lamalanga akhe ekuhlanjululwa nome utele umfana nome intfombatana, kufanele aye kumphristi ekungeneni kwelithende lekuhlangana aletse lizinyane lemvu lelinemnyaka munye libe ngumnikelo wekushiswa, nelivukutfu nome lituba, libe ngumnikelo wesono.

Levithikusi 12:6 Referencias Cruzadas

Genesisi 15:9

Wamphendvula watsi: “Ngiletsele sitfokati lesineminyaka lemitsatfu budzala, nembutikati leneminyaka lemitsatfu budzala, nesihhanca lesineminyaka lemitsatfu budzala, nelituba kanye nelizini lelivukutfu.”

Levithikusi 12:2

“Khuluma kuma-Israyeli utsi: ‘Nangabe umfati akhulelwa bese utala indvodzana, utawuba ngulongcolile ngekwemtsetfo emalanga lasikhombisa, njenganakaye esikhatsini usuke angcolile.

Levithikusi 12:5

Kodvwa nangabe atele intfombatana, utawuba ngulongcolile kuze kuphele emaviki lamabili, njenganakaye esikhatsini. Emvakwaloko kufanele ahlale esikhundleni, kuze kuphele emalanga langema-66, kuze ahlambuluke ekopheni kwakhe.

Levithikusi 12:7

Umphristi utakunikela loku kube yinhlawulo yekubuyisana kuSimakadze, ngaloko utawuhlanjululwa ekopheni kwengati yakhe. Lena-ke ngimitsetfo lemacondzana nemfati lobeleke umfana nome intfombatana.

Levithikusi 14:22

nematuba lamabili nome emavukutfu lamabili lasemancane, loko langakhona kukwenta; lelinye litawuba lemnikelo wesono, lelinye libe lemnikelo wekushiswa.

Levithikusi 15:14

Ngelilanga lesiphohlongo kufanele itsatse ematuba lamabili nome emazini emavukutfu lamabili ite embikwaSimakadze ekungeneni kwelithende lekuhlangana, ifike iwetfule kumphristi.

Levithikusi 15:29

Ngelilanga lesiphohlongo uyawutsatsa ematuba lamabili nome emazini lamabili emavukutfu awaletse kumphristi ekungeneni kwelithende lekuhlangana.

Numeri 6:10

Kuyawutsi ngelilanga lesiphohlongo uyawuletsa ematuba lamabili nome emavukutfu lamancane lamabili kumphristi amnyango welithende lekuhlangana.

Lukha 2:22

Kwatsi kube kuphele sikhatsi sekuhlanjululwa kwabo lokwamiswa ngumtsetfo waMosi, base bamletsa eJerusalema kuze batewumnikela eNkhosini,

Johane 1:29

Ngakusasa Johane wabona Jesu eta kuye watsi: “Nalo liWundlu laNkulunkulu lelisusa sono selive!

2 kubaseKorinthe 5:21

Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.

KumaHebheru 7:26

Jesu-ke ungumPhristi Lomkhulu lohlangabetana netidzingo tetfu. Ungcwele, ute sici nome sono, akasoleki; wehlukaniswa netoni, waphakanyiswa waba ngetulu kwemazulu.