Levithikusi 11:33 - Siswati 1996 Bible

³³ Nangabe lesinye saletilwane siwela esitjeni selibumba, leso sitja kufanele siphihlitwe; konkhe lokukuso kuyawuba ngulokungcolile.

Levithikusi 11:33 Referencias Cruzadas

Jeremiya 48:38

Kulo lonkhe luphahla lwakaMowabi nasetinkhundleni tesive kute lokunye ngaphandle kwesililo, ngobe sengiyephulile iMowabi njengeludziwo lolungafunwa ngumuntfu,” kusho Simakadze.

Levithikusi 11:34

Konkhe kudla lebekungekhatsi kwaso lebekufanele kudliwe, nako kutawube sekuba ngulokungcolile, kanjalo konkhe lokunatfwako bekungekhatsi nako sekuyawuba ngulokungcolile.

Levithikusi 11:35

Nangabe sidvumbu saso nome ngusiphi siwela nome etikwani, leyontfo itawuba ngulengcolile ngekwemtsetfo: kungaba litiko nome yimbita yekupheka, kufanele kubhidlitwe, ngobe kungcolile ngekwemtsetfo kini, futsi kutawuhlala kungcolile kini,

Levithikusi 13:52

Kufanele ayishise leyo ngubo, nome imicu nome umtiya nome insontfo, nome intfo yesikhumba nome yentiwe ngani, lapho kubonakale lelobala khona; ngobe phela loko kusasikhuntsa lesitsatselwanako lekufanele kushiswe.

Levithikusi 14:45

Kufanele leyondlu idzilitwe, ematje ayo, neludzaka lwayo, netingodvo tayo, neluphahla lwayo; konkhe kubutfwe kuyewulahlwa ngaphandle kwelidolobha endzaweni lengcolile ngekwemtsetfo.

Levithikusi 15:12

Ludziwo lolutsintfwe ngulendvodza, kufanele lubhidlitwe, nangabe kusitja selugodvo kufanele sihlanjululwe ngemanti.

Levithikusi 6:21

Kufanele ibhicwe nemafutsa, bese iphekwa ngelikesi; uyente ibe tincetu leticotjiwe; kube ngumnikelo walokutinhlavu, kube liphunga lelinuka lusi lolumnandzi kuSimakadze.

Levithikusi 6:28

Lembita bekuphekwe ngayo lenyama kufanele ibulawe; kodvwa nangabe bekulibhodo lelitfusi, kufanele ligezisiswe ngemanti.

Numeri 19:15

Tonkhe titja lebetingakambonyisiseki taciniswa ngesidekiselo tiyawuba nguletingcolile.

KubaseFiliphi 3:21

Nguye loyawugucula simo sebuphansi bemtimba wetfu, ufane nemtimba wakhe wenkhatimulo, ngemandla akhe langahlela ngawo konkhe ngephansi kwakhe.