Levithikusi 11:3 - Siswati 1996 Bible

³ Tonkhe tilwane letinetinselo letehlukene naletihlabulako.

Levithikusi 11:3 Referencias Cruzadas

Taga 2:10

Kuhlakanipha kutawungena enhlitiyweni yakho, nelwati lube yinjabulo emphefumulweni wakho.

Taga 9:6

Shiyani bulima benu, khona nitewuphila nihambe ngendlela yekucondza.”

Levithikusi 11:2

“Tjelani ema-Israyeli nitsi: ‘Kuto tonkhe tilwane letiphilako emhlabeni ningadla nati:

Levithikusi 11:26

Tonkhe tilwane letehlukanisa tinselo tingayidzabuli kabili kantsi atihlabuli kufanele titsatfwe ngekutsi tingcolile; lowo lotsintsa tidvumbu tato uyawuba ngulongcolile.

Levithikusi 11:4

Kodvwa leti letihlabulako kuphela naletehlukanisa tinselo kuphela ningabotitsintsa. Likamela liyahlabula, kantsi alehlukanisi tinselo; lona-ke lingcolile kini.

Levithikusi 11:5

Imbila iyahlabula, kodvwa ayehlukanisi tinselo; nayo ingcolile kini.

Levithikusi 11:6

Umgwaja uyahlabula, kodvwa awehlukanisi tinselo; ungcolile kini.

Levithikusi 11:7

Ningayidli ingulube. Ingcolile, ngobe nome tinselo tayo tehlukene, kodvwa ayihlabuli.

Imisebenti yebaPhostoli 17:11

Bantfu balapho babencono kakhulu kunebaseThesalonika, ngobe livi balemukela ngalenkhulu inshisekelo. Onkhe emalanga babephenyisisa imiBhalo bahlolisise kutsi kunjalo ngempela yini.

2 kubaseKorinthe 6:17

INkhosi yaphindza yatsi: “Phumani emkhatsini wabo, nehlukane nabo. Ningakutsintsi lokungcolile, ngiyawube sengiyanemukela.”

Dutheronomi 14:6

Ningatidla tonkhe tilwane letehlukanisa tinselo kabili naletihlabulako.

Dutheronomi 14:8

Nehhontji ingcolile kini, nome inetinselo letehlukene, noko ayihlabuli. Akukafaneli niyidle inyama yato, futsi ningatitsintsi ngisho netidvumbu tato.

1 kuThimothi 4:15

Khutsala kakhulu kuloko, khona batewubona kuchubekela kwakho embili.