Levithikusi 11:25 - Siswati 1996 Bible

²⁵ Lowo lowetfwala tidvumbu tato uyawuhlanta tingubo takhe abe ngulongcolile kuze kuhlwe.

Levithikusi 11:25 Referencias Cruzadas

Tihlabelelo 51:2

Ngigezisise ebubini bami, ngihlambulule esonweni sami.

Tihlabelelo 51:7

Ngihlambulule ngehisophu, ngitewuhlambuluka. Ngigeze ngibe mhlophe kunangcocwane.

Eksodusi 19:10

Simakadze wakhuluma kuMosi, watsi: “Buyela kubantfu ubatjele kutsi batihlambulule lamuhla nakusasa, bageze tingubo tabo;

Eksodusi 19:14

Mosi wehla entsabeni waya kubantfu, wafike wabahlambulula, base bageza tingubo tabo.

Levithikusi 11:24

“ ‘Nati-ke tilwane letingcolile nome letiyawuningcolisa; wonkhe lotsintsa tidvumbu tato uyawuba ngulongcolile kuze kuhlwe.

Levithikusi 11:26

Tonkhe tilwane letehlukanisa tinselo tingayidzabuli kabili kantsi atihlabuli kufanele titsatfwe ngekutsi tingcolile; lowo lotsintsa tidvumbu tato uyawuba ngulongcolile.

Levithikusi 11:28

Lowo lowetfwala tidvumbu tato kufanele ahlambulule timphahla takhe, ngobe tingcolile; utawuhlala angcolile kuze kuhlwe. Tingcolile kini.

Levithikusi 11:40

Lowo lodla ingcuba yaso kufanele ageze timphahla takhe, utawuba ngulongcolile kuze kuhlwe, nalowo lotsintsa leso sidvumbu uyawuba ngulongcolile kuze kuhlwe.

Levithikusi 13:6

Ngelilanga lesikhombisa umphristi kufanele amhlolisise futsi, nangabe lelichashata selifiphele langete landza nesikhumba, umphristi utametfula ngekwemtsetfo kutsi uhlobile; bekumane kukucubuka nje. Lomuntfu kufanele ageze tingubo takhe; uhlambulukile.

Levithikusi 14:46

“Lowo longena kuleyondlu ngesikhatsi isavaliwe utawuba ngulongcolile kuze kuhlwe.

Levithikusi 14:47

Lowo lolala kuleyondlu kufanele ageze timphahla takhe, nalowo lodlela kuyo kufanele ageze timphahla takhe.

Levithikusi 14:8

“Umuntfu lohlanjululwako kufanele ageze timphahla takhe, ahhule tonkhe tinwele, ageze umtimba wakhe emantini, bese uyahlambuluka-ke. Emvakwaloko angancandzeka abuyele enkambu, ahlale ngaphandle kwelithende lakhe kuze kuphele emalanga lasikhombisa.

Levithikusi 15:13

“ ‘Nangabe lendvodza levutelwako seyiphilile, kufanele ihlale emalanga lasikhombisa ekuhlanjululwa kwayo, igeze timphahla tayo nemtimba wayo emantini lageletako, itawube seyiyahlambuluka.

Levithikusi 15:15

Umphristi kufanele anikele lelinye libe ngumnikelo wesono, leli lelinye libe ngumhlatjelo wekushiswa. Ngaleyo ndlela umphristi uyakwentela leyo ndvodza inhlawulo yekubuyisana kuSimakadze ngekuvutisa kwayo.

Levithikusi 15:5

nome ngubani lotsintsa lombhedze wayo, kufanele ageze timphahla takhe ngemanti, aphindze ageze nemtimba wakhe, abe ngulongcolile kuze kuhlwe.

Levithikusi 16:26

Lendvodza lekhululele lembuti lesesulelo kufanele igeze timphahla tayo nemtimba wayo ngemanti, emvakwaloko seyingancandzeka ibuyele enkambu ngekhatsi.

Levithikusi 16:28

Lowo lobekashisa loku kufanele ageze timphahla takhe nemtimba wakhe ngemanti, emvakwaloko sekangangena ngekhatsi enkambu.”

Levithikusi 17:15

“ ‘Wonkhe um-Israyeli nome wetive lohlala nani, lodla lokutfolakale kutifele nome kudzatjulwe tilwane tesiganga, kufanele ageze timphahla takhe nemtimba wakhe ngemanti, abe ngulongcolile kuze kuhlwe; utawube sewuyahlambuluka.

Levithikusi 22:6

Lowo lotsintsa nome yini yaletintfo, utawuba ngulongcolile kuze kuhlwe. Kufanele angadli lutfo lweminikelo lengcwele ngaphandle kwekutsi ageze umtimba wakhe ngemanti.

Zakhariya 13:1

“Ngalelo langa umtfombo uyawuvulekela indlu yakaDavide kanye nalabo labahlala eJerusalema, kutsi utewubahlanta esonweni nasekungcoleni.

Numeri 19:10

Lomuntfu longuyena abutse lomlotsa walelitfokati kufanele naye ageze timphahla takhe abe ngulongcolile kuze kuhlwe. Lesimiso siyakwentiwa ngabo bonkhe baka-Israyeli kanye nebetive labasemkhatsini wenu, titukulwane ngetitukulwane.”

Numeri 19:19

Lona lohlantekile kufanele afafate lowo longcolile ngelilanga lesitsatfu nangelesikhombisa; ngaleli lesikhombisa uyawube asamhlambulula. Lona lotewuhlanjululwa kufanele ageze timphahla takhe tekwembatsa kanye nemtimba wakhe ngemanti, uyawuba ngulohlambulukile ngabona lobo busuku.

Numeri 19:7

Lomphristi-ke uyawube sewugeza tingubo takhe, nemtimba wakhe ngemanti, emvakwaloko-ke sekangangena enkambu, abe ngulongcolile ngekwemtsetfo kuze kuhlwe.

Numeri 19:8

Lomuntfu longuyena ashise lelitfokati kufanele naye ageze tingubo takhe kanye nemtimba wakhe ngemanti, abe ngulongcolile kuze kuhlwe.

Numeri 31:24

Ngelilanga lesikhombisa niyawugeza timphahla tenu, bese niba ngulabahlambululekile. Emvakwaloko-ke seningangena enkambu.”

Johane 13:8

Phetro watsi kuye: “Nkhosi, ungeke ugeze tinyawo tami nekadzeni.” Jesu wamphendvula watsi: “Nangingatigezi tinyawo takho, ute budlelwane nami.”

Imisebenti yebaPhostoli 22:16

Pho, usebanjwe yini? Sukuma ubhajatiswe, utsetselelwe tono takho, ukhuleke egameni lakhe.’ ”

KumaHebheru 10:22

Ngako-ke asisondzele kuNkulunkulu ngenhlitiyo lecinisile, nangekwetsemba lokuphelele kwekukholwa, tinhlitiyo tetfu tinyenyetiwe tahlanjululwa kunembeza lomubi, nemitimba yetfu igeziwe ngemanti lahlobile.

KumaHebheru 9:10

Ngobe phela loko kucondzene nalokudliwako nalokunatfwako nemisimeto yekuhlantwa. Lena yimitsetfo nje lephatselene nelingephandle letfu lebekelwe kutsi isebente, kudzimate kufike ingucuko yalokusha.

1 yaPhetro 3:21

Emanti wona emele umbhabhatiso. Umbhabhatiso awusiwo wekususa insila yemtimba, kodvwa wekucela nembeza lomsulwa kuNkulunkulu. Lombhabhatiso uyanisindzisa ngekuvuka kwaJesu Khristu ekufeni.

1 yaJohane 1:7

Kodvwa nasihamba ekukhanyeni, njengobe yena asekukhanyeni, sinebudlelwane lomunye nalomunye, nengati yaJesu, iNdvodzana yakhe, iyasihlanta kuko konkhe kona.

Sembulo 7:14

Ngatsi kulo: “Nkhosi, nguwe lobatiko.” Lase litsi kimi: “Laba-ke ngibo labaphume ekuhluphekeni lokukhulu. Bageze tingubo tabo taba mhlophe ngengati yeliWundlu.