Levithikusi 10:7 - Siswati 1996 Bible

⁷ Ningaphumi lapho ekungeneni kwelithende lekuhlangana, funa nife; ngobe emafutsa emgcobo waSimakadze asetikwenu.” Ngako bavele benta njengobe Mosi abeshito.

Levithikusi 10:7 Referencias Cruzadas

Eksodusi 28:41

Letimphahla ubotembatsisa umnakenu Aroni nemadvodzana akhe. Ubobagcoba ngemafutsa emncumo, ungehlukanisele bona babe ngcwele bangene esigabeni sekungikhonta njengebaphristi.

Eksodusi 29:7

Ubotsatsa lamafutsa emgcobo, uwatsele enhloko yakhe, umgcobe ngawo.

Eksodusi 30:30

Ubogcoba bo-Aroni nemadvodzana akhe babe ngcwele, khona batewungikhonta njengebaphristi bami.

Levithikusi 10:8

Simakadze wakhuluma ku-Aroni, watsi:

Levithikusi 21:12

akayiwusuka nekusuka endzaweni lengcwele yaNkulunkulu wakhe, nome ayihlazise, ngobe bungcwele bemgcobo wemafutsa aNkulunkulu busetikwakhe. NginguSimakadze.

Levithikusi 8:12

Watsela incenye yalamafutsa emgcobo etikwenhloko ya-Aroni, amgcoba, amnikela kuSimakadze kuze abe ngcwele.

Levithikusi 8:30

Mosi watsatsa lenye incenye yemafutsa emgcobo kanye nengati leyayisetikwelilati, wafafata ngayo bo-Aroni nemadvodzana akhe netimphahla tabo. Wabanikela kanjalo-ke bo-Aroni nemadvodzana akhe kanye netembatfo tabo kuSimakadze.

Lukha 9:60

Jesu waphendvula watsi: “Yekela labafile bangcwabane bodvwana. Wena hamba uyewushumayela umbuso waNkulunkulu!”

Imisebenti yebaPhostoli 10:38

Niyati futsi ngaJesu waseNazaretha, kutsi Nkulunkulu wamgcoba kanjani ngaMoya Longcwele nangemandla nekutsi waya kuyo yonkhe indzawo enta lokuhle aphilisa bonkhe lababecindzetelwe ngemandla aSathane, ngobe Nkulunkulu abenaye.

2 kubaseKorinthe 1:21

NguNkulunkulu losicinisako tsine kanye nani kuKhristu. NguNkulunkulu futsi lowasigcoba,