Levithikusi 10:3 - Siswati 1996 Bible

³ Mosi wakhuluma ku-Aroni watsi: “Simakadze abesho kona loku-ke ngesikhatsi atsi: ‘Ngiyawutibonakalisa ngingcwele kulabo labasedvute nami; ngiyawukhatimuliswa embikwabo bonkhe bantfu.’ ” Kodvwa Aroni wathula.

Levithikusi 10:3 Referencias Cruzadas

Genesisi 18:25

Akube khashane nawe kwenta intfo lenje! Ungababhubhisi labalungile kanye nalababi, bese labalungile baba njengalabangakalungi! Akube khashane nawe loko. Angeke yini umehluleli wemhlaba wonkhe ente kulunga?”

Jobe 2:10

Jobe wamphendvula, watsi: “Wena ukhulumisa kwemfati losilima. Kantsi sesitakwemukela lokuhle kodvwa yini kuNkulunkulu, singasakwemukeli lokubuhlungu nalokubi?” Kuko konkhe loku Jobe akazange one ngekukhuluma kwakhe.

Tihlabelelo 119:120

Umtimba wami uyatfutfumela ngenca yekwesaba wena, netehlulelo takho ngiyatesaba.

Tihlabelelo 148:14

Sive sakhe usivusele insindziso, kuze kudvunyiswe bonkhe labangcwele bakhe, lekusive saka-Israyeli, lesisedvute naye. Haleluya, dvumisani Simakadze!

Tihlabelelo 39:10

Susa kimi umvimba wakho lobuhlungu, sengifile tidvubule tekushaya kwakho.

Tihlabelelo 39:9

Ngiyawuvala umlomo wami ngingasho lutfo, ngobe kunguwe longente ngahlupheka.

Tihlabelelo 46:10

Yena utsi: “Yekelani kulwa! Kufanele nati kutsi mine nginguNkulunkulu. Ngengamela tive kanye nemhlaba wonkhe.”

Tihlabelelo 89:7

UnguNkulunkulu lowesatjwa emikhandlwini yalabangcwele. Umkhulu, futsi wesabeka ngetulu kwabo bonkhe labakuhacile.

Tihlabelelo 93:5

Bufakazi bakho buciniseke kakhulu, bungcwele buyifanele indlu yakho, phakadze naphakadze, Simakadze.

Eksodusi 14:17

Tinhlitiyo temaGibhithe ngitente taba lukhuni kangangekutsi atanilandzela, kodvwa ngitatentela ludvumo ngekuncoba Faro, nemabutfo akhe, lanemahhashi netincola temphi.

Eksodusi 14:4

Ngitakwenta inhlitiyo yaFaro ibe lukhuni, bese uyanicosha, kodvwa ngiyawutentela ludvumo, ngincobe Faro nemabutfo akhe. EmaGibhithe ayawuhlala ati kutsi mine nginguSimakadze.” Ema-Israyeli enta njalo.

Eksodusi 19:22

Ngisho nebaphristi labatakuta basondzele la kimi kufanele batihlambulule kucala, ngaphandle kwaloko ngitawubajezisa.”

Eksodusi 19:24

Simakadze wakhuluma kuMosi watsi: “Yewuka ulandze Aroni, ukhuphuke naye ete la; kodvwa ucaphele baphristi nebantfu bangawengci lomnyele kuta kimi, mine Simakadze, ngobe nabawengca, ngitabajezisa.”

Eksodusi 30:30

Ubogcoba bo-Aroni nemadvodzana akhe babe ngcwele, khona batewungikhonta njengebaphristi bami.

Isaya 39:8

Hezekiya waphendvula watsi: “Livi laSimakadze lolikhulumile lihle,” ngobe abecabanga atsi: “Kutawuba nekuthula nekuvikeleka ngesikhatsi sekuphila kwami.”

Isaya 49:3

Watsi kimi: “Wena uyinceku yami. Israyeli nguloyo lengiyawukhombisa kuye inkhatimulo yami.”

Isaya 52:11

Sukani, sukani, niphume eBhabhulona! Ningatsintsi lutfo lolungcolile ngekwemtsetfo! Phumani kulelo dolobha, nitihlambulule nibe msulwa, nine leniphatsa titja taSimakadze.

Hezekeli 20:41

Ngiyawunemukela njengeliphunga lelimnandzi lemphepho, nanginikhipha emkhatsini wetive, nginibutsa emaveni lapho benisakatelwe khona, ngiyawutibonakalisa mine ngingcwele emkhatsini wenu emehlweni etive.

Hezekeli 28:22

utsi: ‘Naku lokushiwo yiNkhosi Simakadze, itsi: “ ‘Awu, Sidoni, ngiyemelana nawe, futsi ngitawutibutsela ludvumo ngawe. Bayawukwati kutsi mine nginguSimakadze, nangehlisela sijeziso etikwakho, ngitikhombise mine ngingcwele ekhatsi kuwe.

Hezekeli 38:16

Uyawushuca usukele sive sami, ema-Israyeli, njengelifu lelisibekela live. Kulamalanga letako wena, Gogi, ngitakuyisa eveni lami, kuze tive titewungati mine nase ngitibonakalisa bungcwele bami ngawe tibukile.

Hezekeli 40:46

lelikamelo lelalibheke ngasenyakatfo lalilebaphristi lababekhonta elatini. Labaphristi kwakuyintalelwane yaSadoki, kwakungabo kuphela emalunga labewesive semaLevi labenelilungelo lekusondzela ebukhoneni baSimakadze ayewumkhonta.

Hezekeli 42:13

Lendvodza yakhuluma kimi, yatsi: “Lamakamelo langasenyakatfo nangaseningizimu labhekene nelibala lelithempeli ngemakamelo langcwele ebaphristi, lapho baphristi labatakuya kuSimakadze batawufike badlele khona iminikelo lengcwelengcwele. Ngulapho-ke lapho bayawubeka khona iminikelo lengcwelengcwele: iminikelo yalokutinhlavu, neminikelo yesono kanye neminikelo yelicala, ngobe lendzawo ingcwele.

Levithikusi 21:15

khona angeyiwungcolisa bantfwabakhe besive sakubo. NginguSimakadze lomngcwelisako. ’ ”

Levithikusi 21:17

“Tjela Aroni utsi: ‘Etitukulwaneni takho kute namunye lonesici loyawusondzela atewunikela ngekudla kwaNkulunkulu wakhe.

Levithikusi 21:21

Kuyawubate esitukulwaneni sa-Aroni lonesici nome ngesaluphi luhlobo loyawusondzela atewunikela ngesinkhwa saNkulunkulu wakhe.

Levithikusi 21:6

Kufanele babe ngcwele embikwaNkulunkulu wabo, bangalihlambalati libito laNkulunkulu wabo, ngobe ngabo labaletsa umnikelo lowentiwa ngemlilo kuSimakadze, sinkhwa saNkulunkulu wabo; ngako-ke kufanele babe ngcwele.

Levithikusi 21:8

Ma-Israyeli, batiseni kutsi bangcwele, ngobe banikela ngekudla kwaNkulunkulu wenu. Bangcwele ngobe mine, Simakadze, lenginingcwelisako ngingcwele.

Levithikusi 22:9

“Baphristi kufanele bayigcine yonkhe imitsetfo lengibanika yona, khona bangetiwuba nelicala bafe ngenca yekungangihloniphi. NginguSimakadze lobangcwelisako.

Levithikusi 8:35

Kufanele nihlale ekungeneni kwelithende lekuhlangana, imini nebusuku, kuze kuphelele emalanga lasikhombisa, nente loko Simakadze latsite nikwente. Lomyalo lengininika wona nami lengiwunikwe nguSimakadze nibowenta, khona ningetikufa.”

Numeri 16:5

Watsi kuKhora nalesicumbi labesihola: “Ekuseni kusasa Simakadze utasikhombisa kutsi ngubani longewakhe nekutsi ngumuphi longcwele, utamsondzeta edvute naye. Lowo muntfu latikhetsele yena uyawumenta abesedvute naye.

Numeri 20:12

Kodvwa Simakadze wabatsetsisa boMosi na-Aroni, watsi: “Njengobe ningakangikholwa kangangekutsi nize ningingcwelise, ningihloniphe embikwalesive sema-Israyeli, anisenawusihola lesive nize nisifikise eveni lengisiphe lona.”

Matewu 10:37

“Lotsandza uyise nome unina kwengca mine, akangifaneli; nalotsandza indvodzana yakhe nome indvodzakati yakhe kwengca mine, akangifaneli.

Johane 12:28

Babe, dvumisa ligama lakho.” Kusenjalo kwefika livi livela ezulwini litsi: “Sengilidvumisile, ngisetalidvumisa futsi.”

Johane 14:13

Ngiyakwenta nome ngabe yini leniyicelako egameni lami, kuze inkhatimulo yaBabe ibonakaliswe eNdvodzaneni.

Dutheronomi 32:51

Loko kungenca yekutsi nine nobabili anizange netsembeke kimi embikwesive saka-Israyeli emantini aseMeribha Khadeshi, eHlane laseSini; kungobe anizange nibuphakamise bungcwele bami kuma-Israyeli.

2 kubaseThesalonika 1:10

Loko kuyakwenteka ngelilanga nayifika kutawudvunyiswa kulabangcwele bayo, bayibabate bonkhe labakholwako; nani niyawube nisemkhatsini wabo, ngobe nani nabemukela bufakazi betfu ngayo.

1 yaPhetro 4:17

Ngobe sesifikile sikhatsi sekwehlulela kutsi kucale kubendlu yaNkulunkulu; kepha nakucala kitsi, pho, siyawuba njani siphetfo salabo labangalaleli liVangeli laNkulunkulu?

1 Samuweli 2:30

“Ngaloko-ke Simakadze, Nkulunkulu wema-Israyeli, ukhuluma utsi: ‘Ngetsembisa ngatsi indlu yakho nendlu yeyihlo iyawukhonta embikwami phakadze naphakadze.’ Kodvwa nyalo Simakadze utsi: ‘Kungeke kusaba njalo! Ngobe labo labangihloniphako ngiyakubahlonipha, kodvwa labo labangedzelelako nabo bayakwedzeleleka.

1 Samuweli 3:18

Ngako Samuweli wamtjela konkhe, wangete wamfihlela lutfo. Eli wakhuluma watsi: “UnguSimakadze; akente konkhe lakubona kukuhle emehlweni akhe.”

1 Samuweli 6:20

bantfu baseBhethi Shemeshi babuta batsi: “Ngubani longema ebukhoneni baSimakadze, loNkulunkulu longcwele? Lelibhokisi lesivumelwane litawuya kabani nalikhuphuka lapha?”